За кашулю з выявай нацыянальнага герба «Пагоня» суд арыштаваў жыхара Глыбокага
Старшыня суда Глыбоцкага раёна суддзя Алена Кот 8 верасня пастанавіла арыштаваць на 10 сутак Руслана Рагоўскага за тое, што ён без дазволу мясцовага райвыканкама правёў масавае мерапрыемства - пікетаванне ў сацыяльнай сетцы.
У Полацкай дзяржаўнай гімназіі адкрылі два «кікаінскія» класы
Гэта першая праграма, якая рэалізавана ў партнёрстве Пскоўскага і Полацкага дзяржуніверсітэтамі і Полацкага раённага цэнтра дзяцей і моладзі. Пскоўскі губернатар Міхаіл Ведэрнікаў падзякаваў кіраўніцтва і выкладчыцкі склад за ініцыяцыю расійскага адукацыйнага праекта на тэрыторыі Віцебскай вобласці.
Газета «Витьбичи» зноўку ўсхваліла асобу Старшыні Савета Рэспублікі Наталлі Качанавай
"Женщина с большой буквы, опытный политик, мудрый стратег и самый преданный патриот своей страны» - усё гэта эпітэты не з савецкай газеты «Правда», сказаныя на адрас «дарагога таварыша Леаніда Ілліча Брэжнева», і нават не кампліменты Аляксандру Лукашэнку з выдання «Белорусь Сегодня». Гэта гарадская газета «Витьбичи» цытуе Таццяну Кузміч, кіраўніцу аддзела адукацыі Першамайскага раёна Віцебска.
Віцябляіна Дзмітрыя Загалаўца асудзілі па чатырох «палітычных» артыкулах на тры з паловай гады
40-гадовага жыхара Віцебска прызналі вінаватым у абразе Аляксандра Лукашэнкі (ч. 1 арт. 368 КК), абразе прадстаўніка ўлады (арт. 369 КК), садзейнічанні экстрэмісцкай дзейнасці (ч.1 арт.361-1 КК) і фінансаванні дзейнасці экстрэмісцкага фармавання (арт. 361-2 КК). Суд над ім праходзіў у Віцебскім абласным судзе, 31-га жніўня суддзя Аляксандр Абашын пастанавіў пакараць Дзмітрыя Загалаўца трыма з паловай гадамі пазбаўлення волі агульнага рэжыму.
У Лепелі святкавалі "Адзінства" у добраахвотна-прымусовым парадку
17 верасня на Лепельшчыне, як і ва ўсіх гарадах Віцебшчыны, улады адзначалі Дзень народнага адзінства. Як піша мясцовая раёнка, у гэты дзень адбылося мноства мерапрыемстваў. Жыхары раёна - і малыя, і людзі сталага веку - былі ўдзельнікамі канцэртаў, акцый, флэшмобаў і дыялогавых пляцовак.
“Забяспечыць больш дынамічнае развіццё і застацца на плыву”
Намеснік прэм'ер-міністра Пётр Пархомчык і кіраўнік Віцебскай вобласці Аляксандр Субоцін наведалі металапракатны завод у Мёрах, які некалі ўлады Беларусі па-рэйдарску захапілі ва ўладальнікаў і былое кіраўніцтва ў той час пасадзілі за краты.
За распаўсюд «экстрэмізму» ўлады пакаралі штрафам жыхарку Віцебска
Суддзя суд Віцебскага раёна Міхаіл Зубеня 28 жніўня пакараў штрафам у памеры 740 рублёў жыхарку абласнога цэнтра Алену Базванаву, якая па версіі ўладаў займалася распаўсюджваннем экстрэмісцкіх публікацый у сацыяльнай сетцы.
Асуджаны супрацоўнік віцебскай калоніі выйдзе на волю на год раней і яму вернуць званне старшага лейтэнанта
23 траўня старшы лейтэнант унутранай службы, старшы інспектар кадравага і ідэалагічнага аддзела папраўчай калоніі №3 Аляксей Баравы быў асуджаны судом Віцебскага раёна за перавышэнне ўлады і службовых паўнамоцтваў. Паводле ч.2 арт. 426, суд прысудзіў яму тры гады пазбаўлення волі ў калоніі агульнага рэжыму і штраф памерам 300 базавых велічынь з пазбаўленнем права займаць пасады ў праваахоўных органах на працягу 5-ці гадоў. У выніку амністыі, абвешчанай да Дня народнага адзінства, тэрмін зняволення былому супрацоўніку «Віцьбы-3» зменшылі на адзін год. А цяпер яшчэ і вярнулі званне старшага лейтэнанта ўнутранай службы», бо Віцебскі абласны суд вырашыў, што пакараны пазбаўлены яго незаконна.
Улады арыштавалі расіяніна за нашэнне кепкі з выявай герба «Пагоня»
Суддзя суда Гарадоцкага раёна Ганна Гурынава арыштавала грамадзяніна Расійскай федэрацыі Віктара Мішчанку на двое сутак за тое, што ён правёў пікетаванне ў Гарадку без дазволу мясцовага райвыканкама.
У Віцебскай вобласці адкрыты другі міжраённы аддзел прымусовага выканання
Рашэннем Міністэрства юстыцыі Аддзел прымусовага выканання Глыбоцкага раёна рэарганізаваны ў Глыбоцкі міжраённы аддзел прымусовага выканання ўпраўлення прымусовага выканання галоўнага ўпраўлення юстыцыі Віцебскага аблвыканкама. А 15 верасня ўлады ўрачыста адчынілі будынак аддзела ў Глыбокім.