За распаўсюд «экстрэмізму» ўлады арыштавалі віцебскага праграміста
Суддзя суда Першамайскага раёна г. Віцебска Міхаіл Юрчанка 13 верасня за распаўсюджванне ў сацыяльнай сетцы экстрэмісцкіх матэрыялаў пастанавіў пакараць арыштам на 7 сутак інжынера-праграміста Аляксея Сядзяку.
Жыхары Полацку просяць улады закрыць адкрытыя каналізацыйныя калодзежы
Полацкія гарадскія актывісты на інфармацыйным рэсурсе "Зручны горад" стварылі петыцыю №5700, у якой звяртаюцца да кіраўніцтва мясцовага райвыканкама з прапановай зрабіць бяспечнай тэрыторыю гарадской бальніцы, на якой знаходзяцца адкрытыя каналізацыйныя калодзежы.
Праўладная партыя "Белая Русь" уручыла глыбоцкім чыноўнікам свае білеты
У зале пасяджэнняў Глыбоцкага райвыканкама прайшла сустрэча актыву Віцебскага абласнога аддзялення праўладнай партыі "Белая Русь" з намеснікамі кіраўнікоў і спецыялістамі па ідэалагічнай рабоце прадпрыемстваў і арганізацый Глыбоцкага раёна.
Алену Каваленку аштрафавалі за фотаздымкі пратэстаў 2020 года. На суд яна не з’явілася
Былой жонкі вядомага віцебскага актывіста Сяргея Каваленкі ўжо не было ў Беларусі, калі суддзя Першамайскага райсуду Міхаіл Юрчанка аштрафаваў жанчыну на 2590 руб. за фотаздымкі з пратэстаў 2020г., размешчаныя на яе старонцы ў сацыяльнай сетцы «ВКонтакте». Ён прызнаў Алену Каваленку вінаватай у «несанкцыянаваным пікетаванні» паводле арт. 24.23 КаАП.
За кошт бюджэту Саюзнай дзяржавы пскоўскі губернатар Ведэрнікаў плануе мадэрнізаваць навучальную базу аграрна-тэхнічнага каледжу ў Гарадку
З удзелам губернатара Пскоўскай вобласці Міхаілам Ведэрніковым 21 верасня прайшла пашыраная нарада па рэалізацыі сумесных праектаў з Віцебскай вобласцю, у тым ліку за кошт сродкаў бюджэту Саюзнай дзяржавы.
Па факце падзяжу 236 бычкоў пракуратура Віцебскага раёна ўзбудзіла крымінальную справу
У пачатку верасня пракуратура Віцебскага раёна ўзбудзіла ў дачыненні да службовых асоб аграрнай арганізацыі крымінальную справу аб бяздзеянні, якое пацягнула цяжкія наступствы, па ч.3 арт.425 Крымінальнага кодэкса Рэспублікі Беларусь. Злачынства выкрыта падчас наглядных мерапрыемстваў у сферы жывёлагадоўлі. Сума нанесенага ўрону перавысіла 650 тыс. рублёў. Расследаваць крымінальную справу даручана следчым з Віцебскага раённага аддзела Следчага камітэта.
За падпіску ў сацсетках на «экстрэмісцкі» інфарэсурс ўлады аштрафавалі жыхарку Талачына
Суддзя суда Талачынскага раёна Алеся Саян 8 верасня за падпіску ў сацыяльнай сетцы на “экстрэмісцкі” інфармацыйны рэсурс у рамках адміністрацыйнай вытворчасці аштрафавала на 1110 рулёў кантралёра-касіра Анжаліку Сушчую.
На Віцебшчыне будуць працаваць школьнікі
У Віцебскай вобласці каля 460 школьнікаў змогуць атрымаць падпрацоўку да канца года ў межах часовай занятасці. Дзеці будуць працаваць у вольны ад вучобы час і на восеньскіх канікулах, паведамляюць у камітэце па працы, занятасці і сацыяльнай абароне Віцебскага аблвыканкама.
Улады хваляцца, што ў 2023 годзе турпаток у Браслаўскі раён вырас на 11 працэнтаў
Але на самой справе ён знізіўся амаль у 3 разы, паводле статыстыкі, якую падае сайт Рэспубліканскага саюза турыстычных арганізацый у 2022 годзе, ды іншыя дзяржаўныя структуры.
За лагатып "экстрэмісцкага" інтэрнэт-рэсурса суд аштрафаваў жыхарку Наваполацка
Суддзя суда Наваполацка Зінаіда Балаболава 7 верасня за распаўсюджванне «экстрэмізму» ў сацыяльнай сетцы аштрафавала на 1110 рублёў мясцовую жыхарку Вольгу Драздову.