Павал Севярынец падзяліўся зь віцебчукамі плянамі сьвяткаваньня стогадовага юбілею БХД
Увечары 19 лістапада ў «Эўрапейскім клюбе» адбылася сустрэча з сустаршынём аргкамітэту па стварэньні партыі «Беларуская хрысьціянская дэмакратыя» Паўлам Севярынцам і аўтарамі «Беларускай хрысьціянскай азбукі», якую ўпершыню прэзэнтавалі ў Віцебску.
На Наваполацкай ЦЭЦ з вышкі сарваўся рабочы. Мужчына памёр у шпіталі
Няшчасны выпадак адбыўся ў Наваполацку. 11 лістапада супрацоўнікі сталічнай арганізацыі, якая праводзіла работы на тэрыторыі ЦЭЦ, зваліўся з вышыні і атрымаў цяжкія траўмы. Праз тыдзень мужчына памёр у шпіталі.
Больш за 100 арганізацыяў у Віцебскай вобласьці затрымалі заробкі работнікам
Органы пракуратуры Віцебскай вобласьці робяць захады дзеля спыненьня фактаў несвоечасовай выплаты работнікам заработнай платы. За затрымкі заробкаў супрацоўнікі пракуратуры прыцягнулі да адміністрацыйнай адказнасьці 250 службовых асоб.
Віцебскі раён: З 13-ці паказчыкаў, даведзеных Савету дэпутатаў, выконваюцца толькі 5
На 32-ой сэсіі Віцебскага райсавету дэпутатаў 27 скліканьня ў якасьці асноўнага пункту парадку дня разглядалася пытаньне “Аб сацыяльна-эканамічным разьвіцьці Віцебскага раёну за студзень-верасень і меркаваных выніках працы за 2016 год”.
У Наваполацку прадстаўнікі грамадзкасьці і заводзкай адміністрацыі пагаманілі пра экалёгію
17 лістапада ў Наваполацку прайшоў круглы стол, арганізаваны праваабарончым цэнтрам «Вясна», на тэму: «Грамадзкае абмеркаваньне мер па паляпшэньні экалягічнай сытуацыі і аздараўленьні насельніцтва ў горадзе Наваполацку».
У Глыбокім Зьміцер Бартосік прэзэнтаваў сваю кнігу
Кніга незвычайная ня толькі сваёй назвай – «Быў у пана верабейка гаварушчы». Яна ўнікальная ўжо тым, што са старонак да чытачоў гаворыць ня толькі аўтар, журналіст Зьміцер Бартосік: тут пра сваё жыцьцё апавядаюць шараговыя беларусы, жыхары «глыбінкі», чыё слова ня так часта імкнуцца трансьляваць афіцыйныя СМІ – бо надта яно праўдзівае і трапнае.
Унівэрсам «Алмі» у Воршы: пратэрмінаваныя харчы і кузуркі на прылаўку
Крама «Алмі» адкрылася ў Воршы ўжо некалькі гадоў таму. Раней да працы вялікай крамы ў некалькі паверхаў было мала прэтэнзіяў, аднак цяпер адбыўся скандал. Валянтэры зь ліку актывістаў кампаніі «Сьвінкі супраць – Беларусь» наведалі гандлёвы аб'ект і запісалі на відэа шэраг парушэньняў пры продажы тавару.
Экалягічныя актывісты Воршы абмеркавалі праблему сьметнікаў у горадзе і прыгарадзе
Круглы стол па праблеме несанкцыянаваных сьметнікаў прайшоў у Воршы. У горадзе існуе некалькі грамадзкіх ініцыятываў, якія займаюцца прыборкай прыгарадных лясоў і несанкцыянаваных сьметнікаў. З боку дзяржавы кантролем і прыборкай займаюцца адразу некалькі структур зь вялікім штатам работнікаў. Але пры такой вялікай колькасьці людзей, якія займаюцца барацьбой за чысьціню, праблема існуе.
Віцебшчына далучылася да праекту «Дзеці ў інтэрнэце»
Мэта сацыяльна-адукацыйнай ініцыятывы «Дзеці ў інтэрнэце» – навучыць хлапчукоў і дзяўчынак пісьменна карыстацца інтэрнэтам, каб яны ўмелі здабываць патрэбную інфармацыю і не заблыталіся ў сусьветным павуціньні, правільна рэагавалі на тролінг і іншыя нэгатыўныя зьявы сацыяльных сетак. Ажыцьцяўляе праект СТАА «МабільныяТэлеСыстэмы» пры падтрымцы Міністэрства адукацыі.
Пастаўскі льнозавод ня можа рэалізаваць сыравіну
Аршанскі льнокамбінат валакно не прымае. А прадаваць прадукцыю іншым пакупнікам нельга, бо для гэтага трэба атрымаць адпаведны дазвол, якога ніхто не дае.