Хлопца з Расонаў асудзілі за «масавыя беспарадкі» - за публікацыі ў Telegram, зробленыя ў 2020 годзе
Паўла Нявыгласа, які ў жніўні 2020-га толькі скончыў школу, асудзілі да 1 года 2 месяцаў калоніі. Суд над ім распачаўся толькі сёлета ў ліпені. За гэты час хлопец паспеў стаць студэнтам БНТУ (факультэт інфармацыйных тэхналогій і робататэхнікі). Суддзя Расонскага райсуду Алена Елавая прызнала хлопца вінаватым паводле арт. 293 ч. 3 Крымінальнага кодэкса (Масавыя беспарадкі) за тое, што ў жніўні 2020-га ён апублікаваў ў Telegram звесткі пра тое, як вырабіць «кактэйль Молатава». Судовы працэс праходзіў у закрытым рэжыме. Зараз хлопец спрабуе абскардзіць прысуд у Віцебскім абласным судзе, пасяджэнне прызначана на 12 верасня.
У Віцебскай вобласці заробак перастаў расці, а занятасць насельніцтва ўвайшла ў адмоўны рост
Віцебскія эканамічныя ўлады прызнаюць, што санкцыі ды іншыя абмежаванні адмоўна ўплываюць на аднаўленне сёлета эканамічнага росту. Аб гэтым сведчаць і новыя статыстычныя паказчыкі.
Расійскі амбасадар застаўся задаволены тым, як ідзе супрацоўніцтва аршанскіх прадпрыемстваў з рэгіёнамі РФ
У канцы жніўня Віцебскую вобласці на прадмет рэалізацыі праграмы імпартазамяшчэння праінспектаваў прадпрыемствы Аршанскага раёна Надзвычайны і Паўнамоцны Амбасадар Расійскай Федэрацыі ў Рэспубліцы Беларусь Барыс Грызлоў. Ён у прынцыпе застаўся задаволены якасцю прадукцыі і расходаваннем расійскіх грошай, выдзеленых на гэтую праграму.
Улады аштрафавалі палітвязня за ачарненне асобы Пуціна і Мядзведзева праз нацысцкія сімвалы
Суддзя суда Расонскага раёна Рада Дамініч 14 жніўня пастанавіла пакараць штрафам у памеры 333 рублёў палітвязня Мікалая Машарскага за тое, што ён у сацыяльных сетках распаўсюдзіў публікацыі, якія змяшчалі нацысцкую атрыбутыку і сімволіку (ч.1 арт.19.10 КаАП). Адміністрацыйная справа была разгледжана без удзелу Мікалая, які зараз утрымліваецца ў Віцебскім абласным следчым ізалятары па абвінавачанні ў падрыхтоўцы асоб для ўдзелу ў групавых дзеяннях, якія груба парушаюць грамадскі парадак (ч.2 арт. 342) і абразе прэзідэнта (ч.1 арт. 368) КК РБ.
Валянціна Болбат выйшла з Віцебскага ІЧУ пасля 30 сутак арышту
Грамадскую актывістку з Верхнядзвінска Валянціну Болбат міліцыянты забіралі з дому адседжваць прысуджаныя ёй раней 30 сутак раніцай 31 ліпеня. Адбывала пакаранне жанчына ў Віцебскім ІЧУ.
За «экстрэмізм» і недазволены пікет улады буйна аштрафавалі жыхара Сянно
Суддзя суда Сенненскага раёна Іна Досава 6 ліпеня за распаўсюд "экстрэмізму" ў сацыяльных сетках і правядзенне масавае мерапрыемства аштрафавала на 1850 рублёў мясцовага жыхара Паўла Якубовіча.
Пераслед сям'і Грудніцкіх з Наваполацку: жонку аштрафавалі, мужа кінулі за краты
Наваполацкага лекара-стаматолага Аляксандра Грудніцкага двойчы асудзілі на 15 сутак, ягоную жонку двойчы аштрафавалі. Сям“ю затрымалі 16 жніўня, калі Грудніцкія вярнуліся з замежнага падарожжа. На наступны дзень адбыліся суды: суддзя Наваполацкага гарадскога суду Зінаіда Балаболава прызнала Аляксандра Грудніцкага вінаватым паводле ч.1 арт. 24.23 КаАП і вынесла пастанову пра арышт на 15 сутак. Аллу Грудніцкую суддзя Балаболава аштрафавала на суму 1110 рублёў паводле ч.2 арт 19.11 КаАП за «распаўсюд экстрэмісцкай інфармацыі». І пастанавіла накласці арышт на два мабільныя тэлефоны ў якасці закладу.
Былога кіраўніка справамі Шумілінскага райвыканкама пакаралі «хатняй «хіміяй» за тое, што праз ягоную халатнасць загінула жанчына
Да трох гадоў абмежавання волі без накіравання ва ўстанову адкрытага тыпу асуджаны Сяргей Белагалоў, цяпер ужо былы кіраўнік справамі Шумілінскага райвыканкама. Яго справу разбірала старшыня Шумілінскага райсуда Інна Грабоўская. 10 жніўня 2023г. былы чыноўнік прызнаны вінаватым паводле ч.2 арт. 428 Крымінальнага Кодэкса ( невыкананне службовай асобай сваіх службовых абавязкаў і недобрасумненнае стаўленне да працы, якія прывялі да смерці чалавека па неасціярожнасці).
Наваполацкага лекара-стаматолага Аляксандра Грудніцкага двойчы асудзілі на 15 сутак
Сталі вядомыя падрабязнасці яго затрымання, якое адбылося 16 жніўня ( паводле ранейшых звестак, Грудніцкі быў затрыманы 21 жніўня). У той дзень лекар з жонкай вярнуліся з замежнага падарожжа, куды выправіліся ў самым пачатку жніўня. 22-га жніўня Аляксандр Грудніцкі мусіў выйсці на працу пасля адпачынку, аднак пацыенты яго не дачакаліся, бо на той час ён ужо знаходзіўся пад арыштам.
У Паставах закрылася буйная крама. І гэта стала праблемай для жыхароў
Каля пастаўскай лякарні закрылі вялікую краму “Родны кут”, і гэта непакоіць жыхароў прылеглых вуліц. А жыхарка вуліцы Савецкай Ірына Нецвятай нават звярнулася ў мясцовую раёнку з пытаннем, што будзе на месцы гэтай крамы, і выказала сваё незадавальненне тым, што адбылося.