“Замест тысячы слоў!” Актывісты зафарбавалі каля паўсотні наркаграфіці ў Віцебску
У нядзелю 24 сакавіка, пасьля агульнагарадзкога суботніка, арганізаванага ўладамі, віцебскія актывісты “Руху маці 328” правялі свой уласны суботнік па ачыстцы гораду ад наркарэклямы. Назвалі гэта апэрацыяй “Замест тысячы слоў!”
У Віцебску на Дзень Волі затрымалі Барыса Хамайду. За плякат з цытатай Буніна?..
Вядомага віцебскага дысыдэнта Барыса Хамайду затрымалі каля 11-й гадзіны 25 сакавіка на рагу “сіняга дому” ў Віцебску. Ён трымаў у руках сьцяг гораду і самаробны плякат з цытатай расейскага пісьменьніка Івана Буніна: “Город (Витебск) древний и нерусский”. Гэткім чынам Барыс Хамайда павіншаваў віцяблян з Днём Волі.
Дзень Волі ў Віцебску адзначылі ўскладаньнем кветак. Без затрыманьняў
Віцебскія актывісты і прадстаўнікі дэмакратычных партыяў традыцыйна адзначылі Дзень Волі ўскладаньнем кветак да помнікаў князю Альгерду і Караткевічу. Кветкі ляглі таксама да памятнай дошкі Васілю Быкава на будынку мастацкай школы №1 і да мэмарыялу, усталяванаму каля Усьпенскага сабору на месцы пахаваньня нявінна забітых грамадзянаў.
“Жыве вечна!” Палітвязень Міхаіл Жамчужны павіншаваў беларусаў з Днём Волі
“Жыве Беларусь! Жыве вечна! Жыве з Богам!” – напісаў у лісьце да віцебскіх праваабаронцаў палітвязень Міхаіл Жамчужны. Ён віншуе з Днём Волі ўсіх беларускіх патрыётаў і распавядае пра жыцьцё ў калёніі. Ліст ад палітвязьня прыйшоў напярэдадні сьвята з нагоды 101-й гадавіны БНР.
У калёніі “Віцьба-3” пратэставалі асуджаныя па арт. 328 – камэнтар праваабаронцы
На тэлеграм-канале NEXTA зьявілася інфармацыя, што на днях у папраўчай калёніі №3 пад Віцебскам асуджаныя паводле артыкулу 328 КК адмовіліся выйсьці на сьняданак у знак пратэсту, бо ім забаранілі разьлічвацца адзін з адным цыгарэтамі. 22 сакавіка маці аднаго з асуджаных і праваабаронца Андрэй Бандарэнка пабывалі ў калёніі і расказалі, што насамрэч адбылося, піша TUT.BY.
“Зусім амаральны чалавек”. Віктар Каліна ў Віцебску ня выступіць?..
“Канцэрт Віктара Каліны ў залі філярмоніі на сёлета не заплянаваны”, – такі адказ з Віцебскай абласной філярмоніі атрымала на свой электронны зварот актывістка БХД Тацяна Севярынец. Ці выступіць Каліна на якой іншай пляцоўцы ў Віцебску, пакуль невядома.
Адміністрацыя прэзыдэнта адказала віцебскім вернікам на просьбу аб вяртаньні ксяндза Паўла Кнурэка
Віцебскія вернікі-каталікі атрымалі адказ з Адміністрацыі прэзыдэнта на просьбу дазволіць пробашчу катэдральнага касьцёлу ў Віцебску ксяндзу Паўлу Кнурэку служыць у Беларусі. Адміністрацыя выказала меркаваньне, што Ўпаўнаважаны па справах рэлігіяў і нацыянальнасьцяў, які не працягнуў ксяндзу дазвол на служэньне, беларускага заканадаўства не парушаў.
Любоў Кавалёва: Адмена сьмяротнай кары ратуе жыцьцё памылкова асуджаным
Напрыканцы лютага ў Брусэлі прайшоў 7-мы Сусьветны кангрэс супраць сьмяротнага пакараньня. Удзел у панэльнай дыскусіі форуму “Чаму ў Беларусі працягваюць ужываць сьмяротнае пакараньне?” ўзяла і віцяблянка Любоў Кавалёва – маці расстралянага ў 2012 годзе Ўладзіслава Кавалёва. Па вяртаньні ў Віцебск яна падзялілася сваімі развагамі і назіраньнямі.
Натальля Стрэльчанка паскардзілася на Беларусь у Камітэт па правах чалавека
Актывістка з Дуброўна Натальля Стрэльчанка накіравала ў Камітэт ААН па правах чалавека індывідуальную скаргу, у якой абвінаваціла Беларусь ў парушэньні адразу сямі артыкулаў Міжнароднага Пакту аб грамадзянскіх і палітычных правах, піша “Гарадзенская Вясна”.
Сяргей Чалы ў Віцебску: Трэба біць у званы! Ня маем крыніцаў эканамічнага росту!
Вядомы беларускі эканаміст і вядоўца праграмы “Эканоміка на пальцах” Сяргей Чалы выступіў 16 сакавіка ў Віцебску зь інтэрактыўнай лекцыяй “Што будзе з беларускай эканомікай?” Імпрэза адбылася пры падтрымцы ініцыятывы “Цэнтар новых ідэяў” і выклікала аншляг…