На ўладальніка сядзібы Адамава пачалі пісаць скаргі. У чым справа?..
Сёлета колішняя сядзіба батаніка Ўладзімера Адамава ў Вялікіх Лётцах перайшла ва ўласнасьць прадпрымальніка Максіма Жукава. Культурны дзеяч зь Віцебску ператварае сядзібу ў культурны цэнтар, але, як высьвятляецца, ня ўсім падабаецца яго актыўная дзейнасьць.
Абласны суд не задаволіў скаргу псыхіятра Пастнова – прысуд не зьмякчылі
Судовая калегія па крымінальных справах Віцебскага абласнога суду разгледзела 19 ліпеня апэляцыйную скаргу віцебскага “доктара-праўдаруба” Ігара Пастнова, які быў асуджаны судом Бешанковіцкага раёну на тры гады “хіміі” за паклёп на пракурора (ч.2 арт.188 КК). Скарга пакінутая без задавальненьня, а прысуд – бяз зьменаў.
Віцебскі “Справядлівы сьвет” заявіў пра намер удзельнічаць у выбарах
На паседжаньні бюро Віцебскай гарадзкой арганізацыі сябры Беларускай партыі аб’яднаных левых “Справядлівы сьвет” разгледзелі ход падрыхтоўкі да ўдзелу ў парлямэнцкіх выбарах.
Лукашэнка не памілаваў паляўнічага, які застрэліў інспэктара Раўкова
У 2015 годзе жыхара Талачына Дзьмітрыя Голубева прызналі вінаватым у наўмысным забойстве інспэктара прыродааховы і асудзілі на пажыцьцёвае зьняволеньне (ч.2. арт.139 КК). Усё адбылося хутка: ад моманту затрыманьня да абвяшчэньня прысуду прайшло ўсяго паўгоду. Але і падчас сьледзтва, і на судзе мужчына сьцьвярджаў, што наўмысна не забіваў – здарыўся няшчасны выпадак…
Кароткае замыканьне на АЭС у Расеі. У Віцебску падвысіўся радыяцыйны фон
На Калінінскай атамнай электрастанцыі ў Цьвярской вобласьці Расеі адключылі тры энэргаблёкі з чатырох з прычыны кароткага замыканьня, пашкоджаньняў абсталяваньня на самой станцыі няма. У Беларусі радыяцыйны фон у параўнаньні з 17 ліпеня павялічыўся толькі ў Віцебску на 1 мікрарэнтген у гадзіну і склаў 11 мікрарэнтген у гадзіну, піша Радыё Свабода.
Улады адмовіліся разьмяшчаць у Віцебску шыльды зь гістарычнымі назвамі вуліцаў
Віцебскія актывісты грамадзкага аб’яднаньня “Альтэрнатыва” сабралі каля 1000 подпісаў пад зваротам у Віцебскі гарвыканкам з прапановай разьмясьціць у цэнтры гораду шыльдачкі з гістарычнымі назвамі вуліцаў. Нядаўна атрымалі адказ. Улады пішуць, што нанясеньне гістарычных назваў “можа прынесьці пэўныя нязручнасьці для жыхароў і гасьцей гораду…”
Выканкамы заплацяць за неабгрунтаваны прызыў грамадзян у войска
Эканамічны суд Віцебскай вобласьці спагнаў на карысьць вайсковых частак больш за 3000 рублёў зь Віцебскага гарвыканкаму і Талачынскага райвыканкаму. Гэта кампэнсацыя шкоды, якая была прычыненая дзяржаве “неабгрунтаваным прызывам на вайсковую службу” двух грамадзян, непрыдатных да яе праз стан здароўя.
Арт-інтэрвэнцыю “Славянскі Разбазар” учыніў у Віцебску невядомы мастак – фотафакт
У Віцебску, на ўваходзе з плошчы Леніна ў аднайменны парк, зьявілася графіці “Славянскі Разбазар”. Ананімныя аўтары назвалі гэта “арт-інтэрвэнцыяй”. На думку многіх віцяблян, і ня толькі мастакоў, міжнародны фэстываль мастацтваў “Славянскі базар у Віцебску” ёсьць нічым іншым, як разбазарваньнем народных сродкаў.
Грэка-каталікі адсьвяткавалі ў Полацку 25-ю пілігрымку і напісалі ліст да Гулякі
Нягледзячы на адмену 25-й пешай грэка-каталіцкай пілігрымкі ў гонар пяці манахаў-базылянаў, забітых расейцамі ў 1705 годзе ў полацкай Сафіі, некалькі вернікаў прайшлі ўсё ж такі шляхам пілігрымкі зь Віцебску да Полацку ў прыватным парадку – за 4 дні замест ранейшых пяці.
“Трэба быць прыдуркаватым”. Павал Левінаў паскардзіўся на бязьдзеяньне судзьдзі Будрэвіча
Віцебскі праваабаронца Павал Левінаў зьвярнуўся ў Вярхоўны суд з просьбай даць прававую ацэнку бязьдзейнасьці судзьдзі Сяргея Будрэвіча, які праігнараваў факт наўмыснай зьнявагі міліцыянтам гонару і годнасьці простага грамадзяніна падчас судовага паседжаньня. Адказ прыйшоў з аблсуду: Будрэвічу будзе прапанавана “падтрымліваць у судзе атмасфэру добразычлівасьці”.