За "экстрэмізм" у сацыяльных сетках улады арыштавалі работніка "Нафтана"
Суддзя суда Наваполацка Зінаіда Балаболава 13 снежня за падпіску на «экстрэмісцкія» інфармацыйныя рэсурсы арыштавала на 15 сутак работніка НВА «Нафтан» Аляксандра Ляшкова. А суддзя таго ж суда Святлана Гаўро, 27 снежня, пакарала мужчыну за «экстрэмізм» у сацыяльнай сетцы арыштам на 14 сутак.
Віцебскай вобласці электаральны працэс праходзіць па сцэнары ўлад
Згодна з планам выбарчай кампаніі ў рэгіёне завяршыўся працэс утварэння ўчасткаў для галасавання і падыходзіць да завяршэння падача дакументаў для рэгістрацыі кандыдатаў на працу ў мясцовых Саветах усіх узроўняў.
Таццяну Севярынец будуць судзіць 25 студзеня
Маці палітвязня Паўла Севярынца, вядомага палітыка і пісьменніка вінавацяць паводле арт. 24.23 КаАП (несанкцыянаванае пікетаванне) і ч. 2 арт.19.11 КаАП (распаўсюд "экстрэмісцкіх" матэрыялаў) – на яе склалі два адміністрацыйныя пратаколы. Магчыма, суд будзе разглядаць іх, аб’яднаўшы ў адну справу. Судовы працэс распачнецца ў 10.30 у судзе Першамайскага раёна Віцебска.
40 чалавек у дзень. Полацкая пракуратура раздае папярэджанні
З набліжэннем выбараў актывізаваліся работнікі Полацкай раённай пракуратуры. Міліцыянты разносяць позвы мясцовым жыхарам, якіх лічаць «нядобранадзейнымі». Каб трапіць у гэты пералік, дастаткова мець «палітычную» адміністратыўную справу, хай сабе і трохгадовай даўніны. Хаця, паводле заканадаўства, чалавек можа чэсна казаць, што не мае адміністрацыйных спагнанняў, калі з тае пары прамінуў адзін год. Але міліцыя і пракуратура лічыць такіх людзей патэнцыйна небяспечнымі і выклікае на прафілактычныя гутаркі.
З браслаўскага музея традыцыйнай культуры пасля «палітычных адміністратывак» звольнілі 7 чалавек
Страцілі працу і тыя, хто адбываў прысуджаны адміністрацыйны арышт, у тым ліку цяпер ужо былая загадчыца музея Элеанора Зінкевіч, і нават тыя, каму былі прысуджаны штрафы. Вызваленыя пасады пакуль не занятыя: у Браславе проста няма адмыслоўцаў у музейнай справе, тым болей адмысловага профілю – знаўцаў у галіне традыцыйнай культуры. Паводле сацыяльных сетак установы, там прымаюць наведнікаў, але пад пытаннем даследчыцкая і навуковая праца музея -ёй цяпер папросту няма каму займацца.
У Воршы адмоўлена ў рэгістрацыі ініцыятыўнай групы. Гэта другі выпадак у Віцебскай вобласці
Віцебская абласная выбарчая камісія 29 снежня прыняла канчатковае адмоўнае рашэнне па скарзе на жыхара Оршы Уладзіміра Байцова. Ён абскардзіў рашэнне Аршанскай раённай выбарчай камісіі аб адмене рашэння аб рэгістрацыі ініцыятыўнай групы выбаршчыкаў па вылучэнні кандыдатам у дэпутаты Аршанскага раённага Савета дэпутатаў. Але, так як рашэнне Віцебскай ВК было заснаванае на няправільна прыманай норме закона, гэтае рашэнне павінна быць адменена.
За правядзенне недазволенага пікету ў сацсетцы ўлады арыштавалі наваполацкага прадпрымальніка
Суддзя суда Наваполацка Зінаіда Балаболава 24 лістапада за правядзенне несанкцыянаванага ўладамі пікету ў сацыяльнай сетцы пакарала арыштам на 10 сутак мясцовага індывідуальнага прадпрымальніка Дзмітрыя Апанасавіча.
У Маскве прэзентуюць зборнік «Не Z краю», яго ўкладальнік – жыхар Браслава Віталь Шлабовіч
Паводле ягонага паведамлення ў сацыяльных сетках, прэзентацыя зборніка вершаў, названага «Анталогіяй беларускай патрыятычнай паэзіі», адбудзецца 13 студзеня. Укладальнік называе яго «першым зборнікам беларускіх паэтаў у падтрымку СВО». Колькасць аўтараў – каля 60-ці, але іх імёны Віталь Шлабовіч не называе. Звяртае на сябе ўвагу вокладка зборніка: паводле першапачатковага варыянта, на ёй быў контур Беларусі са здымкам вяскавых хат усярэдзіне, але кніга выйшла з друку зусім у іншым выглядзе – з узброенымі вайскоўцамі на вокладцы.
Віцебскія ўлады арыштавалі беспрацоўнага, бо ён цікавіўся навінамі «экстрэмісцкага» зместу
Суддзя суда Першамайскага раёна Віцебска Міхаіл Юрчанка, 28 снежня за падпіску ў сацыяльнай сетцы на чатыры «экстрэмісцкія» СМІ пастанавіў арыштаваць на 10 сутак беспрацоўнага жыхара «паўночнай сталіцы» Аляксандра Коршунава.
Віцебскія ўлады завяршаюць у рэгіёне працэс ліквідацыі "шкодных" грамадскіх арганізацый
За тры апошнія гады ў Віцебскай вобласці ўлады праз суды ліквідавалі блізка каля ста грамадскіх арганізацый. Апошнімі летась закрытымі сталі тры грамадскія аб'яднанні: Пчаляроў-аматараў "Полацкі мёд", "Наваполацкі клуб шахмат і шашак", "Віцебскі маладзёжны клуб адаптыўнай фізічнай культуры і спорту", Маладзёжнае грамадскае аб'яднанне "Спартыўны клуб баявых мастацтваў "Тамашы". Ад дзяржавы ініцыятарамі ліквідацыі выступалі чыноўнікі Ўпраўлення юстыцыі Вітаблвыканкама.