Улады за каментары ў сацсетках на два гады пазбавілі волі жыхарку Новаполацка
Суддзя суду Наваполацка Сняжана Калінічэнка, 30 траўня вынесла прысуд мясцовай жыхарцы Кацярыне Леў. Улады вінавацілі яе ў абразе прадстаўнікоў улады паводле арт. 369 Крымінальнага кодэкса. За гэта суд пакараў жанчыну пазбаўленнем волі тэрмінам на два гады і штрафам ў 3 700 рублёў. У чаканні суда Кацярына правяла 4 месяцы ў Віцебскім абласным ізалятары.
Віцебскія педагогі будуць падвышаць кваліфікацыю пад расейскім уплывам
Віцебскі абласны інстытут развіцця адукацыі, які ладзіць для настаўнікаў вобласці курсы падвышэння кваліфікацыі, заключыў дамову аб супрацоўніцтве з расейскай установай падобнага профілю «Академия Минпросвещения России». На сайце гэтай установы падкрэсліваецца, што метадычная дапамога настаўнікам тычыцца не толькі прадметаў, якія вывучаюцца ў школе, але і розных аспектаў патрыятычнага выхавання -- «формирования гражданской идентичности, культурного наследия народов России в условиях современных вызовов и цифровой трансформации». А на старонцы «ВКонтакте» ад імя акадэміі стала размяшчаюцца навіны, што да расейскага ўварвання ва Ўкраіну.
У Наваполацку аблілі фарбай аўто прарасейскага актывіста. Міліцыя кажа, што вінаватага затрымалі
Машына Сяргея Юдаева з крымскімі нумарамі і вялікай літарай «Z» на капоце была пыпаркавана каля Полацкага РАУС. Ранкам 1 ліпеня гаспадар знайшоў сваю машыну з аблітым белай фарбай лабавым шклом. І праз некалькі дзён супрацоўнікі райаддзела міліцыі нібыта затрымалі вінаватага – прынамсі, на афіцыйны сайце Віцебскага абласнога ўпраўлення МУС з“явілася відэа затрымання. Аднак, як кажуць, засталіся пытанні.
Глыбоцкі райвыканкам устанавіў кантрольныя лічбы прыёму навучэнцаў на 2023/24 год
У 10 класы горада набяруць толькі 125 чалавек, з іх па 50 - у гімназію, і другую школу. У першую школу імя Паўла Сухога пойдуць толькі 25 навучэнцаў. Раённыя школы ў 10 класах наведваць будуць усяго 43 вучні. Нагадаем, у раёне засталося толькі 13 школ, а раней было больш за 20. З гэтых трынаццаці засталіся толькі сем сярэдніх, астатнія – базавыя.
За распаўсюд «экстрэмізму» суд пакараў жыхара Полацку буйным штрафам
Суддзя суда Лёзненскага раёна Аляксей Лапушынскі 19 чэрвеня за распаўсюд «экстрэмісцкіх» матэрыялаў пастанавіў пакараць штрафам у памеры 1110 рублёў работніка ААТ «Нафтан» жыхара Полацка Мікіту Белавусава, а таксама канфіскаваць прыладу адміністрацыйнага правапарушэння -мабільны тэлефон, які належыў «правапарушальніку».
Віцебскаму тэлеканалу, дзе працаваў палітвязень Вячаслаў Лазараў, далі папярэджанне «за парушэнне заканадаўства аб СМІ»
Міністэрства інфармацыі вынесла афіцыйнае папярэджанне ТАА «Наше ТВ», але ў чым сутнасць правапарушэння, у тэлеграм-канале ведамства не паведамляецца. ААТ «Наше ТВ» з“яўляецца заснавальнікам тэлепраграмы«РУ.ТВ». Да слова, некалькі гадоў таму відэааператарам на тэлеканале «Наше ТВ» працаваў Вячаслаў Лазараў – палітзняволены, якога затрымалі сёлета 9 лютага і вінавацяць паводле паводле ч. 1 арт. 361-4 Крымінальнага Кодэкса (садзейнічанне экстрэмісцкай дзейнасці). На думку следчых, Лазараў супрацоўнічаў з «Белсатам» - замежным СМІ, абвешчаным у Беларусі экстрэмісцкім фарміраваннем.
Спецдакладчыца ААН па Беларусі: "Сітуацыя з правамі чалавека катастрафічная"
Спецыяльная дакладчыца ААН па Беларусі Анаіс Марэн прадставіла свой новы даклад на 53-й сесіі Савета ААН па правах чалавека (СПЧ). Яна адзначыла, што сітуацыя з правамі чалавека ў Беларусі "катастрафічная і толькі пагаршаецца".
Улады арыштавалі жыхара Новалукомля за фатаграфію на фоне «Жывемабіля»
Суддзя суда Чашніцкага раёна Таццяна Заруба 20 чэрвеня пакарала арыштам на 15 сутак Ігара Муравіцкага. Па версіі ўладаў "правапарушальнік" правёў у сацыяльных сетках пікет, на які не атрымаў дазволу ў чыноўнікаў мясцовага райвыканкама, а падчас масавага мерапрыемства выказваў свае грамадска-палітычныя інтарэсы.
Па ініцыятыве ўлад трэць школ Віцебшчыны вярнуліся ў часы СССР
За апошнія чатыры гады з 350 сярэдніх навучальных устаноў Віцебскай вобласці больш за сто ўжо набылі імёны выдатных людзей. У асноўным гэта ваенныя або партызаны ВАВ, якія атрымалі званні героя Савецкага Саюза. Толькі ў Віцебску каля двух дзясяткаў школ носяць імёны савецкіх мілітарыяў. Для параўнання. З 425-ці школ Смаленскай вобласці "гераічнымі" з'яўляюцца толькі 17 навучальных устаноў.
За лагатып «Белсату» ўлады арыштавалі на 10 сутак шматдзетнага бацьку
Суддзя суда Докшыцкага раёна Вячаслаў Елісеенка 22 чэрвеня пастанавіў арыштаваць на 10 сутак механізатара ААТ "Барсучанка" Ігара Пашкевіча. Вяртанне бацькі з кароткатэрміновага зняволення будуць чакаць жонка і чатыры малалетнія дзіцяці.