Віцебскія валянтэры дапамогуць уцекачам з Украіны
Дзеля дапамогі вымушаным мігрантам з Украіны ў Віцебску створаная валянтэрская суполка «УКантакце», якая супрацоўнічае з абласной арганізацыяй Чырвонага Крыжа. Назва суполкі - «Беларусь. Дапамога ўцекачам Віцебск Віцебская вобл.», яе мэта - падтрымка перасяленцаў з Украіны, якія прыехалі ў Віцебскі рэгіён. У суполцы разьмяшчаюцца паведамленьні як ад саміх украінскіх грамадзян, накшталт «Маладая сям’я ўцекачоў з Данецку прыме ў дар ўсё неабходнае для жыцьця! Жывем недалёка ад Воршы, Межава, хатку далі зусім пустую», так і ад беларусаў, якія прапануюць канкрэтную дапамогу.
Дом-вэтэран на вуліцы Калініна ў Віцебску зраўнавалі зь зямлёй
Жылы дом з 80-гадовай гісторыяй спыніў сваё існаваньне. Тое, што не змаглі зрабіць немцы за тры гады акупацыі і час за 80 гадоў, за два тыдні зрабілі цяперашнія гарадзкія ўлады. Дыхтоўны дом з тоўстымі цаглянымі сьценамі пятнаццаць дзён супраціўляўся будаўнічай тэхніцы.
У мястэчку Лужкі адкрылі памятны знак адраджэнцу іўрыту
Для ўдзелу ў імпрэзе прыбылі амбасадар Ізраілю ў Беларусі Ёсіф Шагал з дэлегацыяй гэтай краіны. Спачатку госьці наведалі Глыбокае, дзе на Алеі знакамітых землякоў стаіць бюст адраджэнцу іўрыту Эліэзэру Бэн-Егудзе. Ён у свой час паўтара года вучыўся ў Глыбокім, адсюль былі яго першая і другая жонкі.
Праваслаўная царква ў Чашніках лічыць Беларусь часткай Расеі
Антыалькагольная кампанія ў Беларусі чамусьці зьвернутая да расейцаў і праходзіць пад грыфам «Нас забіваюць!». Чытач сайту charter97.org даслаў у рэдакцыю фота са стэнду праваслаўнай царквы ў Чашніках. У аб’явах гаворыцца пра колькасьць расейцаў у Расеі і пра шкоду алькаголю, тытуню і наркотыкаў.
«Рускі сьвет» прыходзіць у Воршу
Кіраўнік прадстаўніцтва агенцтва “Россотрудничество” Віктар Малашэнка сустрэўся з працоўным калектывам і навучэнцамі аршанскай школы №8. Ён павіншаваў школу з 60-годзьдзем. Апроч таго, Малашанка падарыў школе больш за 260 кніг па гісторыі, культуры і мэтодыцы выкладаньня. “Россотрудничество” - расейскае фэдэральнае агенцтва па справах Садружнасьці Незалежных Дзяржаў, суайчыньнікаў, якія пражываюць за мяжой, міжнародным гуманітарным супрацоўніцтве.
Дэпутат Натальля Гуйвік ня лічыць, што моўнае пытаньне патрабуе першачарговага вырашэньня
Актывіст грамадзянскай кампаніі «Справаводзтва па-беларуску!» Ігар Случак зьвярнуўся да дэпутатаў Нацыянальнага сходу, якія нарадзіліся па-за Беларусьсю, з прапановай выступіць з заканадаўчай ініцыятывай пра унясеньне зьменаў у закон «Аб мовах у Рэспубліцы Беларусь», якія б дазволілі пашырыць ужываньне беларускай мовы ў афіцыйных зносінах з чыноўнікамі. Адным з адрасатаў прапановы стала дэпутат ад Полацкай гарадзкой акругі № 28 Натальля Гуйвік (на фота), у мінулым судзьдзя Полацкага гарадзкога суду, якая нарадзілася ў г. Кіраве (Расея).
Віцебску адбудзецца сустрэча з кіраўніком праваабарончага цэнтру «Вясна» Алесем Бяляцкім
У суботу, 13 верасьня, у Віцебску ў “Эўрапейскім клюбе” адбудзецца сустрэча зь беларускім праваабаронцам, віцэ-прэзыдэнтам Міжнароднай фэдэрацыі за правы чалавека (FIDH) Алесем Бяляцкім. Падчас сустрэчы Алесь Бяляцкі прадставіць прысутным сваю новую кнігу “Іртутнае срэбра жыцьця. Пралог. Нататкі праваабаронцы”.
Інфармацыйная шыльда ля «Барысава каменя» ў Полацку зьмяшчае шэраг памылак
На пачатку лістапада мінулага году побач з гісторыка-культурнымі і архітэктурнымі помнікамі Полацку былі ўсталяваныя шыльды з кароткім апісаньнем помнікаў. Зьявілася такая і ля «Барысава каменя», разьмешчанага на ўзгорку побач з Сафійскім саборам. Праўда, прыведзеная на ёй інфармацыя зьмяшчае шэраг недакладнасьцяў. Пра гэта распавёў гісторык Ігар Залілаў:
Алесь Пушкін: Поле Аршанскай бітвы ўзаранае, трактары на ім раскідаюць гной
Мастак Алесь Пушкін разам з калегамі-мастакамі Генадзем Драздовым, Рыгорам Батальёнкам, Лявонам Грышуком ды іншымі сябрамі Саюзу мастакоў і суполкі «Пагоня» праводзіць пленэр на месцы знакамітай Аршанскай бітвы. Паводле слоў мастака, на жаль, ушаноўваюць месца беларускай вайсковай славы не беларускія вайскоўцы, а творчыя людзі і грамадзкія дзеячы:
Краязнаўцы з Воршы і Лёзна ўшанавалі памяць паўстанца Ігната Будзіловіча
Ігнат Будзіловіч - паўстанец Каліноўскага - узначальваў Аршанскі паўстанцкі атрад. У вёсцы Пагосьцішча, якая знаходзіцца ў Лёзьненскім раёне, адбыўся апошні бой яго атраду. Сам кіраўнік атраду быў расстраляны ў Воршы, дакладнае месца пахаваньня знайсьці сёньня немагчыма. Адзіны помнік, зьвязаны з Ігнатам Будзіловічам, сёньня знаходзіцца менавіта ў Пагосьцішчы. Таму другі год запар аршанцы арганізоўваюць тут памінальную вечарыну 28 жніўня - дзень расстрэлу Будзілавіча.