Ці ператворыцца кар’ер пад Лынтупамі ў могільнік адкідаў з Беларускай АЭС?..
У Лынтупах (Пастаўскі раён) 6 чэрвеня прайшоў грамадзкі сход, дзе абмяркоўвалі ўзьдзеяньне на навакольнае асяродзьдзе жвіроўні Вінцэнтоўскай, якую плянуюць пабудаваць непадалёку. Эколягі і грамадзкія актывісты б’юць трывогу, бо меркаваны кар’ер можа быць выкарыстаны ў якасьці могільніка ядравых адкідаў – да Астраўца зусім недалёка…
У аршанскім паветры зафіксавалі падвышаную канцэнтрацыю атрутнага газу
Напрыканцы траўня ў Воршы некалькі дзён фіксавалася перавышэньне нарматыву якасьці па ўтрыманьні ў паветры дыяксыду азоту.
Ігар Пастноў накіраваў апэляцыйную скаргу на вырак суду Бешанковіцкага раёну
Віцебскі псыхіятар Ігар Пастноў накіраваў у Віцебскі абласны суд апэляцыйную скаргу на вырак суду Бешанковіцкага раёну, які 20 траўня прызнаў яго вінаватым у паклёпе (ч.2 арт. 188 КК) на пракурора Віцебску і пакараў трыма гадамі абмежаваньня волі з накіраваньнем у папраўчую ўстанову адкрытага тыпу.
Міліцыянты спынілі дзьве адміністрацыйныя справы супраць Барыса Хамайды
Ад пачатку 2019 году апазыцыянэра Барыса Хамайду затрымлівалі каля “сіняга дому” ў Віцебску тройчы – напярэдадні Дня Канстытуцыі, на Дзень Волі і 30 красавіка. Ва ўсіх трох выпадках на яго складалі пратаколы за загрувашчваньне вуліцы (арт. 21.14 КаАП). Як стала вядома, дзьве адміністрацыйныя справы супраць Хамайды ўжо спыненыя.
Абвешчаны збор сродкаў на новы плот вакол музэю Быкава на Вушаччыне
Сабраць талакой грошы на новы плот вакол музэю-сядзібы Васіля Быкава ў Бычках на Вушаччыне прапанаваў журналіст Глеб Лабадзенка. Збор сродкаў абвешчаны на краўдфандынг-пляцоўцы MOLAMOLA. 19 чэрвеня Беларусь адзначыць 95-ю гадавіну з дня народзінаў народнага пісьменьніка Беларусі.
Каталікі прайшлі па Віцебску працэсіяй – каля 500 удзельнікаў (фота)
У суботу 1 чэрвеня каталіцкія сьвятары і вернікі прайшлі па гораду працэсіяй Божага Цела. У рэлігійным шэсьці, якое пачалося пасьля ўрачыстай імшы ў катэдральным касьцёле Езуса Міласэрнага, узяла ўдзел паўтысячы чалавек. Калёну суправаджалі міліцыянты і мэдыкі.
Эўразьвяз падтрымае аршанскіх і браслаўскіх бізнэсоўцаў
У Віцебску 29 траўня прайшла інфармацыйная сустрэча, на якой быў прэзэнтаваны новы праект ЭЗ / ПРААН “Падтрымка эканамічнага разьвіцьця на мясцовым узроўні ў Рэспубліцы Беларусь”.
Віцяблянін напісаў гнеўны камэнтар – на яго завялі справу за абразу ўладаў
Мужчына пракамэнтаваў пост у сацсетцы “ВКонтакте” пра тое, што ў Віцебску плянуюць пабудаваць яшчэ адну лядовую пляцоўку і басэйн. У камэнтары вельмі жорстка прайшоўся па асобах віцебскага мэра і “губэрнатара”. Супраць віцябляніна распачалі крымінальную справу за абразу прадстаўніка ўлады (арт. 369 КК), інфармуе прэс-служба УУС Віцебскага аблвыканкаму.
Павал Левінаў просіць не выносіць сьмяротны прысуд абвінавачанаму ў забойстве дзьвюх жанчын
Праваабаронца Павал Левінаў зьвярнуўся да ўсіх судзьдзяў судовай калегіі па крымінальных справах Віцебскага абласнога суду з просьбай не караць сьмерцю падазраванага ў забойстве дзьвюх жанчын у вёсцы Прысушына Віцебскага раёну. Зварот да судзьдзяў Левінаў напісаў пасьля таго, як даведаўся што справа меркаванага забойцы ўжо паступіла на разгляд у аблсуд.
У Віцебску прайшоў круглы стол аб экалягічных праблемах Дзьвіны
Забруджваньне водных рэсурсаў становіцца ўсё больш вострай праблемай для Беларусі. Каб абмеркаваць экалягічныя праблемы Заходняй Дзьвіны 25 траўня ў навукова-тэхнічнай бібліятэцы сабраліся разам экспэрты, выкладчыкі і студэнты ВДУ імя Машэрава, настаўнікі з рэгіёнаў, актывісты-эколягі і журналісты.