Адліга? Суд пакараў віцебскага апазыцыянэра за пікет толькі папярэджаньнем
У Кастрычніцкім раённым судзе гораду Віцебску 14 сьнежня слухалася справа Жаляпава Хрыстафора Савельевіча, мясцовага актывіста руху «За свабоду» і сябра партыі БНФ. Яго абвінавачвалі паводле часткі 1 артыкулу 23.34 Адміністрацыйнага кодэксу ў тым, што ён нібыта арганізаваў несанкцыянаваны пікет і хадзіў зь бел-чырвона-белым сьцягам каля помніка Караткевічу, чым выказваў свае грамадзка-палітычныя погляды і інтарэсы.
Былыя кандыдаты ў дэпутаты просяць умяшацца пракуратуру
Тацяна Севярынец, Георгі Станкевіч і Алена Шабуня нязгодныя з пастановай лейтэнанта міліцыі М. Дарогенскага, які ня ўбачыў абразы ў роліку, дзе на відэа, зробленае падчас выбарчай кампаніі, калі кандыдаты сьпявалі гімн «Магутны Божа», накладзены іншы гук – песьня зь нецэнзурнымі словамі.
Віцебскія журналісты абмеркавалі праект зьменаў у кодэкс этыкі БАЖ
Сваімі думкамі падзяліліся журналісты, якія прадстаўляюць розныя сродкі масавай інфармацыі. Абмеркаваньне прайшло пры ўдзеле старшыні камісіі па этыцы грамадзкага аб'яднаньня «Беларуская асацыяцыя журналістаў» Анатоля Гуляева.
Гарачая лінія «Зялёны тэлефон» даступная для жыхароў Віцебшчыны
Вырашаць экалягічныя праблемы стала прасьцей – у Беларусі запрацавала гарачая лінія «Зялёны тэлефон», апэратары якой гатовыя даць падрабязную кансультацыю кожнаму просьбіту. Ініцыятарамі праекту выступілі актывісты таварыства «Зялёная сетка».
Рэгіянальную кампанію «Інклюзіўная Беларусь» прэзэнтавалі ў Віцебску
6 сьнежня ў межах рэгіянальнай кампаніі «Інклюзіўная Беларусь», якая праходзіць у Віцебску, адбылося падпісаньне Дэклярацыі адданасьці Мэце ўстойлівага разьвіцьця №10, а менавіта зьмяншэньню няроўнасьці. Усяго праграма ААН «Мэты ўстойлівага разьвіцьця» зьмяшчае 17 мэтаў для паляпшэньня жыцьця людзей плянэты.
У Віцебску абмеркавалі міжнародныя стандарты па экалёгіі (відэа)
У канфэрэнц-залі Віцебскай рэстарацыі «Вікторыя» 2 сьнежня адбылося абмеркаваньне выкананьня Беларусьсю Оргускай Канвэнцыі.
Суд над былым байцом спэцбатальёну «Азоў» пачынаецца ў Віцебску
У панядзелак, 12 сьнежня, у Віцебскім абласным судзе пачнуцца слуханьні справы па абвінавачваньні маладых людзей у асабліва злосным хуліганстве і распальваньні нацыянальнай варожасьці. У якасьці галоўнага абвінавачанага паўстане Станіслаў Ганчароў, хлопец 1996 году нараджэньня па мянушцы Тэрор-машына, які браў удзел у баявых дзеяньнях на ўсходзе Ўкраіны ў складзе спэцбатальёну «Азоў».
Дзень правоў чалавека адзначылі ў Віцебску (фота)
Віцебскія праваабаронцы павіншавалі месьцічаў з Днём правоў чалавека, які адзначаецца ва ўсім сьвеце 10 сьнежня – у гэты дзень у 1948 годзе Генэральнай асамблеяй ААН была прынятая Ўсеагульная дэклярацыя правоў чалавека.
Яшчэ адзін пікет у Дзень правоў чалавека забаронены ў Віцебску
10 сьнежня адзначаецца ва ўсім сьвеце як Дзень правоў чалавека. У гэты дзень 68 гадоў таму Генасамблея ААН прыняла Ўсеагульную дэклярацыю правоў чалавека. Чарговую заяўку на пікет у гэты дзень у Віцебску падаваў у мясцовыя органы ўлады праваабаронца Леанід Сьвецік. І – прадказальна: заяўка не задаволеная, пікет – забаронены.
385-годзьдзе выданьня «Буквара» Сьпірыдона Собаля адзначылі ў Віцебску
У Віцебску на базе абласной бібліятэкі адбылася II Міжнародная навукова-практычная канфэрэнцыя «Віцебскі край», якая сёлета была прысьвечаная 385-годзьдзю выхаду «Буквара» Сьпірыдона Собаля. Удзельнікамі сталі гісторыкі, краязнаўцы, работнікі ВНУ, музэяў, бібліятэк. Увогуле было зарэгістравана больш за 70 заявак зь Беларусі, Расеі і Латвіі.