Грамадзкасьць Віцебшчыны падсумавала вынікі выбараў
30 сакавіка ў віцебскім «Эўрапейскім клюбе» сабралася некалькі дзясяткаў актывістаў з абласнога цэнтру і Воршы, якія бралі ўдзел у нядаўняй выбарчай кампаніі. У сустрэчы ўдзельнічалі незалежныя назіральнікі, каардынатары кампаніі «Права выбару», якая арганізавала маніторынг назіраньня па ўсёй краіне, прадстаўнікі палітычных партыяў і былыя дэмакратычныя кандыдаты ў дэпутаты мясцовых саветаў.
У Віцебску зьбірaюць подпісы супраць усталяваньня помніка княгіні Вользе: 7 аргумэнтаў
Віцябляне заклікаюць гарадзкія ўлады адмовіцца ад плянаў усталяваньня ў 2018 годзе помніка міталягічнай заснавальніцы Віцебску княгіні Вользе і накіраваць прадугледжаныя на гэта грошы на сацыяльныя праекты ў сфэры адукацыі, ЖКГ і жыльлёвага будаўніцтва. Калектыўны зварот грамадзян апублікаваны на сайце “Зручны горад”.
Віцебскія маці асуджаных паводле арт. 328 КК пабывалі на прыёме ў сэнатара Шэршня
Маці і сваякі асуджаных паводле артыкулу 328 КК (Незаконны абарот наркатычных рэчываў) сустрэліся зь сябрам Савету Рэспублікі Нацыянальнага Сходу і гендырэктарам прадпрыемства “Віцебскаблгаз” Пятром Шэршнем. Размова адбылася 4 красавіка ў межах асабістага прыёму грамадзян.
У Полацку ідзе паляваньне на свабодны прафсаюз
Суполка Свабоднага прафсаюзу на полацкім «Шкловалакне» стала непажаданай структурай ня толькі для кіраўніцтва прадпрыемства. Да ліку перасьледнікаў актыўна далучыліся мясцовыя ўлады, міліцыя. Па дапамогу ў ліквідацыі пяршоўкі намесьнік старшыні Полацкага райвыканкаму Пётар Пяткевіч зьвярнуўся ў адміністрацыю прэзыдэнта і да полацкай дэпутаткі Палаты прадстаўнікоў, старшыні камісіі па заканадаўстве Натальлі Гуйвік.
Каля сотні маладзёнаў наведалі адукацыйны маркет у Віцебску
Нефармальны адукацыйны маркет «Добрая нагода», што прайшоў у віцебскай арт-прасторы «VZAP», быў арганізаваны мясцовымі моладзевымі ініцыятывамі. Удзельнікамі імпрэзы сталі ў асноўным студэнты і старшаклясьнікі.
У Віцебску ў спаборніцтвах інвалідаў удзельнічала «зборная ДНР»
На міжнародным турніры для спартоўцаў з парушэньнямі зроку, што прайшоў у Віцебску ў сакавіку, выступіла каманда з Данецку, якая пазыцыянавала сябе як «зборная ДНР».
У Воршы прайшла дыскусія па праблеме сьмяротнага пакараньня ў Беларусі
З аршанцамі сустрэўся каардынатар кампаніі “Праваабаронцы супраць сьмяротнага пакараньня” Андрэй Палуда, які прэзэнтаваў комікс “Мама, гэта я”. Жыхары Воршы прадставілі землякам і ўласныя творчыя напрацоўкі на тэму сьмяротнага пакараньня.
Віцебчукі зьбіраюць подпісы за перайменаваньне “ленінкі” ў бібліятэку імя Францішка Скарыны
На інтэрнэт-пляцоўцы “Зручны горад” 1 красавіка пачаўся збор подпісаў за перайменаваньне Віцебскай абласной бібліятэкі імя Леніна ў бібліятэку імя Францішка Скарыны.
У Дуброўне аштрафавалі актывістку АГП, якой у Дзень Волі не далі даехаць да Менску
Натальлю Стрэльчанка аштрафавалі на 196 рублёў нібыта за непадпарадкаваньне міліцыянтам у райаддзеле міліцыі, куды яе даставілі а 6:30 раніцы 25 сакавіка.
Барыса Хамайду будуць судзіць за віншаваньні з Днём Волі
Увечары 28 сакавіка найстарэйшага віцебскага апазыцыянэра наведалі супрацоўнікі Чыгуначнага РАУС і паведамілі, што супраць яго распачатая адміністрацыйная справа паводле артыкулу 23.34. Справа ініцыяваная міліцыянтамі праз падзеі 23 сакавіка.