Жыхароў Полацку вярбуюць зьбіраць камяні ў Расеі. Абяцалі $700 – перавялі $80
У Полацку і Наваполацку беларусаў запрашаюць на працу ў Расею. Аб’явы з вакансіямі вісяць на прыпынках і слупах, а таксама распаўсюджваюцца праз сацсеткі. Людзям прапаноўваюць зьбіраць камяні на палях Ленінградзкай вобласьці. Тым, хто пагодзіцца, абяцаюць аванс, спэцвопратку і харчаваньне, паведамляе Эўрарадыё.
У Віцебску адкрылася выстава ілюстрацый да “Айчыны” Ўладзімера Арлова
У віцебскім арт-цэнтры VZAP адкрылася выстава ілюстрацый Паўла Татарнікава да кнігі Уладзімера Арлова “Айчына: маляўнічая гісторыя ад Рагнеды да Касьцюшкі”. На адкрыцьці прысутнічалі і мастак, і пісьменьнік. Уладзімер Арлоў прэзэнтаваў таксама іншыя свае кнігі.
Прыгажосьць і карупцыя. Як віцебскіх пэнсіянэрак пазбаўляюць даху над галавой
“Не пашанцавала з суседам” – у Беларусі гэтая прыказка мае асаблівыя адценьні. Бывае так: чым бліжэй твой сусед да ўлады, тым большая небясьпека навісае над галавой. Усё гэта зазналі на сабе дзьве пэнсіянэркі, якія ўжо амаль 10 гадоў змагаюцца за сваё жыльлё і жыцьцё на вуліцы Ленінградзкай у Віцебску. Пакуль беспасьпяхова – жонка іх суседа працуе ў аблвыканкаме.
Віцебскага псыхіятра Пастнова асудзілі на тры гады “хіміі” – за паклёп на пракурора
Тры гады абмежаваньня свабоды з накіраваньнем у папраўчую ўстанову адкрытага тыпу – такі вырак быў агучаны 20 траўня ў дачыненьні віцебскага “доктара-праўдаруба” Ігара Пастнова. Яго прызналі вінаватым у паклёпе на пракурора гораду Віцебску Юрыя Раманоўскага. Прысуд не набыў пакуль законнай сілы.
Яраслаў Іванюк расказаў у Віцебску пра інтэрнэт-бібліятэку “Камунікат”
Праект беларускай бібліятэкі “Камунікат” ажыцьцяўляецца ўжо цягам 19 гадоў. Спачатку стараньнямі некалькіх энтузіястаў, а цяпер – “Беларускім гістарычным таварыствам” Беластоку. На “Камунікаце” сабрана сёньня амаль 40 тысяч беларускіх публікацыяў.
“Называе сябе Аляксандар Круткін, носіць акуляры”. Як полацкая міліцыя лавіла актывіста
Полацкі актывіст Алесь Круткін быў затрыманы 20 красавіка, правёў двое сутак у ізалятары і быў аштрафаваны на 15 базавых велічынь за заклік у інтэрнэце памаліцца 15 красавіка за Курапаты. Да затрыманьня пра ягоны лёс цягам некалькіх дзён не было аніякай інфармацыі, а міліцыя доўга не магла выйсьці на ягоны сьлед...
Полацкі завод “Шкловалакно” незаконна забіраў грошы Свабоднага прафсаюзу
Адміністрацыя полацкага заводу “Шкловалакно” цягам месяца незаконна сьпісвала грошы з банкаўскага рахунку Свабоднага прафсаюзу – забралі амаль 130 рублёў. Прафсаюзныя актывісты лічаць гэта чарговым фактам перашкоды дзейнасьці Свабоднага прафсаюзу. Яны накіравалі скаргу ў пракуратуру Полацку.
Зьміцер Бартосік з “Клінікай кітайскага дантыста” даехаў нарэшце да Віцебску
Прэзэнтацыя кнігі, выдадзенай у 2018 годзе ў сэрыі “Бібліятэка Свабоды”, прайшла ў віцебскім “Эўрапейскім клюбе”. У кнігу ўвайшлі тэксты, падрыхтаваныя для перадачы “Вострая брама” на “Радыё Свабода”. Зьміцер Бартосік вёў у ёй рубрыку “Забыты адрас”.
Суд Наваполацку аштрафаваў віцяблян за сюжэт для ток-шоў “Кожны з нас”
Судзьдзя Наваполацкага суду Зінаіда Балаболава аштрафавала 15 траўня віцяблян Алену Шабуню і Вячаслава Лазарава на 637 рублёў кожнага за незаконны выраб і распаўсюд прадукцыі СМІ (ч.2 арт. 22.9 КаАП). Паводле міліцэйскага пратаколу, у лютым 2019 году яны бралі інтэрвію ў жыхароў Наваполацку, якое потым зьявілася ў ток-шоў “Кожны з нас” на тэлеканале “Белсат”.
У хуткасным рэжыме. Абласны суд пакінуў скаргі Зьмітра Лупача без задавальненьня
Паўтары хвіліны спатрэбілася судзьдзі Віцебскага абласнога суду Сьвятлане Івановай, каб разгледзець скаргі журналіста-фрылянсэра Зьмітра Лупача на рашэньні Глыбоцкага і Шаркоўшчынскага судоў. Судзьдзя пастанавіла пакінуць скаргі без задавальненьня.