Участковыя камісіі сфармаваныя – пытаньні засталіся
У Віцебску ў склад участковых выбарчых камісіяў (УВК) не ўключылі прадстаўнікоў апазіцыйных партыяў. У адміністрацыях раёнаў гораду палічылі, што палітычныя апанэнты ўлады недастаткова кваліфікаваныя для працы па падліку галасоў і пакінулі ў камісіях людзей, далёкіх ад палітычнай дзейнасьці.
Намаганьнямі краязнаўцы старажытны гістарычны сымбаль вернуты ў культурны і бытавы ўжытак
У Гарадоцкім раёне блізу вёскі Янова намаганьнямі віцебскага краязнаўцы Сяргея Панкрацьева, які нарадзіўся і вырас у гэтай вёсцы, на перакрыжаваньні старых дарог усталяваны высечаны з валуна вялізны крыж-абаронца. Звычай усталёўваць гэткія крыжы склаўся на Беларусі з прыходам на нашыя землі хрысьціянства.
Голас народу: Сэлфі на фоне выбарчага бюлетэня як сродак барацьбы з фальсыфікацыямі
Карэспандэнт «Віцебскай вясны» пацікавіўся ў мінакоў на вуліцах Віцебску, ці зьбіраюцца яны браць удзел у прэзыдэнцкіх выбарах, і калі так, то за каго будуць галасаваць.
Пракуратура прааналізавала, як на Віцебшчыне змагаюцца з карупцыяй
Пракуратурай Віцебскай вобласьці прааналізаваная дзейнасьць праваахоўных органаў па прадухіленьні, выяўленьні і спыненьні злачынстваў карупцыйнай скіраванасьці.
Дырэктара Аршанскага ДРБУ абвінавачваюць у злоўжываньні службовым становішчам
Як раней паведамлялася ў СМІ, у дачыненьні да дэпутата Аршанскага райсавету распачатая крымінальная справа. Як высьветлілася, вядзецца пра дырэктара ДРБУ-181 Аляксандра Макаранкава. Яго абвінавачваюць у парушэньні арт. 210, ч.1 КК РБ (крадзеж праз злоўжываньне службовым становішчам).
У Полацку затрыманае кіраўніцтва вінзаводу: распачата адразу 10 крымінальных спраў
У Полацку затрыманы дырэктар вінаробнага заводу і яго намесьнік. Іх абвінавачваюць у злоўжываньні ўладай з прычыненьнем шкоды ў асабліва буйным памеры. Праверка праводзілася паўгода.
Пракуратура Віцебскай вобласьці выявіла парушэньні заканадаўства аб бясьпецы дзяцей
Органы пракуратуры Віцебскай вобласьці выявілі парушэньні заканадаўства, накіраванага на забесьпячэньне бясьпекі дзяцей у летні пэрыяд. Пра гэта паведаміла памочнік пракурора вобласьці па наглядзе за выкананьнем заканадаўства аб непаўнагадовых і моладзі Ірына Тарасевіч.
Жыхароў Полацку і Наваполацку заклікаюць байкатаваць выбары
Налепкі з заклікам да байкоту прэзыдэнцкіх выбараў працягваюць рэгулярна зьяўляцца ў населеных пунктах Беларусі. Гэтым разам яны былі распаўсюджаныя ў Полацку і Наваполацку. Заклікі да байкоту выбараў зьявіліся на прыпынках грамадзкага транспарту і тумбах для абвестак.
Наваполацкая міліцыя спыніла справу пра напад на пікетоўцаў
Такі адказ з Наваполацкага ГАУС атрымала Тацьцяна Ладукас, удзельніца пікету па зборы подпісаў за вылучэньне Тацьцяны Караткевіч у якасьці кандыдата на ўдзел у прэзsдэнцкіх выбарах.
У Віцебску ўладальнік маршрутак выйграў суд, але так і ня можа пачаць перавозку пасажыраў
Суд прызнаў незаконным скасаваньне Віцебскім гарвыканкамам вынікаў конкурсу на права перавозак па маршруце №99т, аднак уладальнік ПУП «Гарантыя СВ» Валер Сьцяпанаў, які выйграў конкурс у лютым 2015 году, усё адно ня можа выпусьціць свае маршруткі на лінію.