Прадпрыемства «Браслаўрыба» атрымала забарону на пастаўку сваёй прадукцыі ў Расею
Напрыканцы году філіял Глыбоцкага МКК «Браслаўрыба» зноў трапіў у складаную сытуацыю. Адладжаны мэханізм вытворчасьці і збыту прадукцыі даў збой.
Віцебск павіншаваў Сьвятлану Алексіевіч
10 сьнежня адразу ў некалькіх публічных месцах Віцебску быў арганізаваны супольны прагляд урачыстай цырымоніі ўручэньня Нобэлеўскай прэміі. Упершыню сярод ганараваных прэміяй – беларуская пісьменьніца.
Арганізаваныя прагляды тэлетрансьляцыі адбываліся ў віцебскім «Эўрапейскім клюбе», арт-прасторы « Талстога, 7» і арт-пабе «Торвальд». Ва ўмовах, калі дзяржаўныя тэлевізійнікі адмовіліся ад жывой трансляцыі гэтай знакавай для беларускай літаратуры падзеі, гэткія культурныя акцыі сталіся своеасаблівым грамадзкім адказам, актам маральнага супраціву абсалютна ненатуральным паводзінам уладаў. Паводзінам, якія, калі глядзець на іх праз прызму твораў сёлетняй нобэлеўскай ляўрэаткі, цалкам адпавядаюць сьвядомасьці «чырвонага чалавека» постсавецкай прасторы. «Чырвоны чалавек» не жадае ані сыходзіць з чужой для яго рэальнасьці, ані адмаўляцца ад улады, замінаючы руху грамадзтва наперад, але не ўсьведамляючы гэтага і не адчуваючы праз гэта жадных пакутаў.
Беларускамоўны тэлеканал «Белсат», што вяшчае з Польшчы, стаўся адзіным нацыянальным каналам, які арганізаваў трансьляцыю цырымоніі, якая праходзіла ў Стакгольмскай канцэртнай залі. Дзякуючы гэтаму кожны, хто падлучаны да «Белсату» праз спадарожнік або сеціва, мог назіраць, як беларуска Сьвятлана Алексіевіч атрымала сваю узнагароду з рук швэдзкага караля.
Мяркую, у гэты момант ня толькі наведнікі «Эўрапейскага клюбу» запляскалі ў далоні – гэткія воплескі гучалі па ўсёй Беларусі. І гучалі яны як надзея на перамены, бо разам з агучваньнем праблемы існаваньня «чырвонага чалавека» быў запушчаны і мэханізм вырачэньня беларускай нацыяй яго антычалавечай сутнасьці. Сутнасьці, якая сталася ня толькі прычынай бясконцых бойняў і самавынішчэньняў 20-га стагодзьдзя, але і тых канфліктаў, што адбыліся за першыя пятнаццаць гадоў стагодзьдзя 21-га.
Як летапісец эпохі «чырвонага чалавека» Сьвятлана Алексіевіч хоцьма-няхоцьма спрычынілася да канстатацыі натуральнасьці яго сыходу з гістарычнай арэны, за што і атрымала сёлетнюю Нобэлеўскую прэмію ў галіне літаратуры.
Віншуем Сьвятлану Алексіевіч, віншуем адно аднаго!
С. Горкі, Віцебская вясна
Як віцебскія ўлады шануюць правы чалавека
Усе мерапрыемствы, якія віцебскія актывісты праваабарончага руху хацелі правесьці на пачатку сьнежня, былі альбо забароненыя, альбо праігнараваныя дзяржаўнымі сродкамі масавай інфармацыі і органамі мясцовай улады.
Віцебскі праваабаронца прызнаны палітвязьнем
Праваабарончыя арганізацыі Беларусі лічаць заснавальніка Ўстановы «Пляцформа» Міхаіла Жамчужнага палітвязьнем.
У Віцебску адзначаюць 250-годзьдзе Міхала Клеафаса Агінскага (фота)
Культурная імпрэза, прымеркаваная да 250-годзьдзя аўтара знакамітага палянэзу «Разьвітаньне з Радзімай», распачалася мінулым суботнім вечарам у некалькіх залях арт-прасторы «Талстога-7». Віцебск стаў другім пасьля сталіцы горадам, куды завітаў праект-прысьвячэньне Міхалу Клеафасу Агінскаму «250».
Сям’я зь Віцебску дамаглася кампэнсацыі ад міліцыі за несапраўдны пашпарт і сапсаваны адпачынак
Падчас пашпартнага кантролю ў аэрапорце памежнікі канфіскавалі дакумэнт 2-гадовага маляняці, яго сям'я не змагла паляцець на адпачынак, змарнаваўшы час, нэрвы і грошы. Высьветлілася, што віцебская міліцыя выдала дзіцяці несапраўдны пашпарт. Сужэнцы зь Віцебску вырашылі адстойваць свае правы на кампэнсацыю. І ім гэта ўдалося.
Віцебскі аблвыканкам пачаў ідэалягічную падрыхтоўку да наступных выбараў
Абласное ўпраўленьне ідэалягічнай працы, культуры і па справах моладзі абвясьціла тэндэр на вытворчасьць і трансьляцыю пакету "сацыяльна значных тэлеперадач". У пакет уваходзіць і цыкль "Выбары-2016", прысьвечаны выбарам дэпутатаў Палаты прадстаўнікоў.
Тацьцяна Караткевіч працягвае наведваць гарады Віцебскай вобласьці
Кандыдат у прэзыдэнты Беларусі на выбарах 2015 году працягнула сваё падарожжа па гарадох Віцебскай вобласьці, распачатае ў мінулую суботу. 8 сьнежня Тацьцяна Караткевіч сустрэлася з жыхарамі Глыбокага, Полацку, Наваполацку і Ўшачаў.
Начальнік аддзелу ідэалёгіі Віцебскага гарвыканкаму – за Труса, Балбеса і Бывалага
Бадай, няма такога жыхара Віцебску, які б ня бачыў графіці ў выкананьні стрыт-арт-групы StreetSkills, што раз-пораз зьяўляюцца на сьценах будынкаў гораду. Зьвярнуў увагу на гэтыя творы мастацтва і праваабаронца Леанід Сьвецік. На яго думку, імкненьне маладых мастакоў аздобіць гарадзкі ляндшафт можна толькі вітаць, але зьмест графіці выклікае заклапочанасьць – і пра гэта ён напісаў у ідэалягічны аддзел гарвыканкаму.
Тацьцяна Караткевіч наведала Віцебшчыну (відэа)
У плянах экс-кандыдата ў прэзыдэнты – да пачатку калядных сьвятаў наведаць 35 гарадоў ва ўсіх куткох Беларусі. Віцебшчына стала першым з рэгіёнаў, куды ў межах свайго турнэ накіравалася Тацьцяна Караткевіч. 5 сьнежня яна сустрэлася са сваімі прыхільнікамі ў Бешанковічах, Віцебску і Воршы.