Яшчэ адну справу за незаконнае абарачэньне наркотыкаў накіравалі ў пракуратуру
Сьледчае ўпраўленьне УСК па Віцебскай вобласьці завяршыла расьсьледаваньне крымінальнай справы аб незаконным абарачэньні наркатычных сродкаў і псыхатропных рэчываў, учыненым групай асобаў. Па справе праходзяць чатыры хлопцы, траім зь якіх – 19 гадоў, паведамляе прэс-служба УСК па Віцебскай вобласьці.
“Можам і абасцаць цябе…” Полацкі блогер Geibal расказаў, як яго катавалі ў міліцыі
Блогер Раман Ляўкоўскі (Geibal) апублікаваў відэаролік, у якім расказвае, як яго катавалі ў полацкай міліцыі. Загадалі разьдзецца да майткоў, душылі, пагражалі ўжыць дручок, “засунуць фалас” і г.д. Усё дзеля таго, каб хлопец разблякаваў тэлефон, зь якога міліцыянты выдалілі некаторыя відэаролікі.
Надзея Куканос абскардзіла ў судзе ўжытую да яе амністыю. Які вынік?..
У Віцебскім абласным судзе 11 кастрычніка прайшло судовае паседжаньне па прыватнай скарзе віцяблянкі Надзеі Куканос. Яна спрабавала абскардзіць рашэньне Першамайскага суду Віцебску, паводле якога да яе была ўжытая амністыя. Ці атрымалася?..
Павал Левінаў адмовіўся ад грошай за працу ў выбаркаме і заступіўся за беларускую мову
12 кастрычніка ў будынку Віцебскага аблвыканкаму адбылося паседжаньне Віцебскай абласной выбарчай камісіі (ВАВК). На ім прысутнічала 11 сябраў камісіі і 7 назіральнікаў, у тым ліку двое інвалідаў-вазочнікаў. Камісія працавала 4 гадзіны, але больш за палову гэтага часу пайшло на разбор дзейнасьці сябра выбаркаму і праваабаронцы Паўла Левінава…
Сябра партыі “Справядлівы сьвет” папярэдзіў пракуратуру аб магчымай правакацыі
Патэнцыйны кандыдат у дэпутаты ад апазыцыйнай левай партыі “Справядлівы сьвет” Вадзім Кузьмін зьвярнуўся ў пракуратуру наконт магчымай правакацыі ў дачыненьні да яго і ягонай жонкі Вольгі Каравашкінай. Ён баіцца, што ў ягоную кватэру могуць падкінуць набоі да стрэльбы ці нават наркотыкі.
Павал Левінаў раздаў віцебскім судзьдзям майкі з надпісам “Правасудзьдзе без забойства”
Праваабаронца Павал Левінаў перадаў усім судзьдзям судовай калегіі па крымінальных справах Віцебскага аблсуду 14 саколак з надпісам “Правасудзьдзе без забойства”. Такім чынам ён нагадаў судзьдзям пра Сусьветны дзень супраць сьмяротнага пакараньня, які адзначаецца сёньня – 10 кастрычніка.
У Полацку адмянілі пікет: ЖКГ запатрабавала 2020 рублёў за паслугі
У Полацку 7 кастрычніка меўся адбыцца пікет, прымеркаваны да Сусьветнага дня барацьбы за годную працу, але арганізатары вымушаныя былі яго адмяніць. За абслугоўваньне пікету, заяўку на правядзеньне якога падавалі двое жыхароў Полацку зь ініцыятывы Свабоднага прафсаюзу, ЖКГ запатрабавала аж 2 тыс. 20 рублёў…
Суд палічыў законным неўключэньне віцебскіх апазыцыянэраў у склад участковых камісій
8 кастрычніка ў судзе Першамайскага раёну Віцебску прадстаўнікі апазыцыйных парый БНФ і АГП спрабавалі абскардзіць неўключэньне сваіх сябраў у склад участковых выбарчых камісій. Суд скаргі не задаволіў…
75% апытаных выказаліся за беларускую мову ў грамадзкім транспарце Воршы – апытаньне
На сайце Аршанскага райвыканкаму праводзіцца анлайн-апытаньне наконт мовы, на якой маюць агучвацца назвы прыпынкаў у грамадзкім транспарце Воршы. Прапануецца тры варыянты: “на расейскай”, “на беларускай” і “на абедзьвюх мовах”. На 8 кастрычніка 75% апытаных аддалі перавагу беларускай мове, 22% – расейскай.
Жыхару Шумілінскага раёну далі 15 гадоў за лютае забойства на малочнай фэрме
Віцебскі абласны суд 7 кастрычніка агучыў прысуд па справе аб забойстве з асаблівай лютасьцю (п.6 ч.2 арт.139 КК), якое было ўчыненае на адной з фэрмаў Шумілінскага раёну ў чэрвені 2019 году. У жорсткім забойстве вінавацілі 62-гадовага жыхара Шумілінскага раёну С. Мужчыну прызналі вінаватым і прысудзілі да 15 гадоў турмы.