Ваенкаматы Віцебшчыны завяршаюць адпраўку прызыўнікоў на вайсковую службу
Восеньскі прызыў ва Ўзброеныя Сілы Рэспублікі Беларусь у самым разгары. Менавіта ўвосень прызываецца дзьве траціны беларускіх маладзёнаў, апошнія зь якіх 30 лістапада мусяць трапіць у вайсковыя часткі.
Праваабаронца Міхаіл Жамчужны пераведзены ў атрад
Адміністрацыя калёніі №14, што знаходзіцца на станцыі Навасады Барысаўскага раёну Менскай вобласьці, перавяла праваабаронцу Міхаіла Жамчужнага ў атрад №18. Пра гэта вязень паведаміў у чарговым лісьце віцебскаму праваабаронцу Леаніду Сьвеціку.
Па пяцьдзясят тысяч рублёў з брата – за міт
Як стала вядома, выраб і ўсталяваньне ў цэнтральнай частцы Віцебску помніку сям'і наўгародзкага князя Аляксандра «Неўскага» перайшло ў практычную плашчыню. Для выкананьня ўсіх работ коштам у 3,4 мільярду рублёў гарадзкія ўлады вырашылі ажыцьцявіць збор дабрачынных адлічэньняў і прапанавалі прадпрымальнікам пералічыць ня менш як па 50 тысяч рублёў на спэцрахунак, адкрыты ў адным з банкаў.
Мясцовыя ўлады Віцебску гатовыя ўшанаваць памяць ахвяраў сталінскіх рэпрэсіяў
Пытаньне наконт узьвядзеньня мэмарыяльнага аб'екту ў памяць жыхароў Віцебску, якія былі рэпрэсаваныя ў пэрыяд 30-х – 50-х гадоў XX стагодзьдзя, можа быць разгледжанае пры наяўнасьці фундатарскіх сродкаў.
Рабочая з Глыбокага праз суд дамаглася аднаўленьня на працы
Аднавіць на працы Аксану Мушкат і выплаціць ёй грашовую кампэнсацыю ў памеры больш за восем мільёнаў беларускіх рублёў – такое рашэньне вынес судзьдзя Глыбоцкага раённага суду Станіслаў Трапук у дачыненьні да Глыбоцкай жыльлёва-камунальнай гаспадаркі.
Жыхары Воршы пішуць калектыўную скаргу на бязьдзейнасьць мясцовых чыноўнікаў
Справа тычыцца бібліятэкі ў раёне Заходняя. Пачаўся ацяпляльны сэзон, а ў бібліятэцы дагэтуль няма ацяпленьня.
У Віцебскай вобласьці прадпрымальніка аштрафавалі на 18 мільёнаў за атрыманьне авансу ў 200 эўра за рамонт аўтамабіля
Эканамічны суд Віцебскай вобласьці прыцягнуў да адміністрацыйнай адказнасьці індывідуальнага прадпрымальніка, які прыняў 200 эўра у якасьці авансу за рамонт аўтамабіля. Якасьць паслуг прадпрымальніка не задаволіла кліента, і той зьвярнуўся з заявай у кантрольны орган.
На Андрэя Гайдукова склалі пратакол за раздачу ўлётак пра зьніклых палітыкаў
На актывіста аргкамітэту па стварэньні партыі «Беларуская хрысьціянская дэмакратыя» Андрэя Гайдукова склалі пратакол за акцыю салідарнасьці са зьніклымі беларускімі палітыкамі, якую ён правёў 16 лістапада ў Наваполацку.
Былы рабочы ААТ «Полацак-Шкловалакно» не пераканаў судзьдзяў абласнога суду (відэа)
Віцебскі абласны суд пацьвердзіў рашэньне Полацкага суду, які раней адмовіўся разглядаць па сутнасьці пытаньне наконт дыскрымінацыі рабочых. 16 лістапада судовай калегіі хапіла дзесяці хвілін, каб адмовіць у задавальненьні скаргі былому рабочаму заводу «Полацак-Шкловалакно» Віктару Стукаву, які патрабаваў разгледзець у судзе факт дыскрымінацыі з-за яго ўдзелу ў свабодным прафсаюзе.
Сяргей Каваленка: Галоўнае – гэта беларуская нацыянальная ідэя
Больш за два гады мінула з таго часу, як вядомы ў Віцебску апазыцыянэр, сябра КХП БНФ, былы палітвязень Сяргей Каваленка стаў студэнтам Сядлецкага ўнівэрсытэту ў Польшчы. За гэты час імя актыўнага змагара з рэжымам амаль зьнікла са старонак інтэрнэт-выданьняў. Таму, мяркуем, чытачам Віцебскай вясны будзе цікава даведацца пра тое, чым цяпер жыве гэты неардынарны ва ўсіх адносінах чалавек.