Палітвязьня Міхаіла Жамчужнага перавялі ў калёнію ў Ваўкавыску
Праваабаронца Андрэй Бандарэнка паведаміў, што палітвязень Міхаіл Жамчужны пераведзены ў калёнію № 13 у Ваўкавыску.
Сацыяльныя сеткі выкарыстоўваюцца супраць грамадзкіх актывістаў
У полацкага прадпрымальніка і грамадзкага актывіста Генадзя Бердзянёва міліцыя забрала пляншэт для праверкі прыкмет крымінальнага злачынства. Бердзянёва абвінаваціў іншы прадпрымальнік у публічнай абразе прэзыдэнта ў сацыяльнай сетцы «Аднакласьнікі». 4 траўня заканчваецца тэрмін праверкі міліцыяй наяўнасьці складу злачынства ў дзеяньнях Генадзя.
Віцебчукі просяць старшыню аблвыканкаму дазволіць паставіць крыжы ў Хайсах
У Віцебску зьбіраюць подпісы пад зваротам на імя старшыні аблвыканкаму Мікалая Шарстнёва. Месьцічы просяць губэрнатара дазволіць усталяваць сьвяты крыж на месцы масавых пахаваньняў у лесе каля вёскі Хайсы Віцебскага раёну. Гэтае месца ў народзе называюць «віцебскімі Курапатамі».
Віцебскі абласны суд не задаволіў скаргу праваабаронцы Паўла Левінава
Скаргу Паўла Левінава на пастанову судзьдзі Кастрычніцкага суду Іны Грабоўскай ад 17 красавіка разглядала судзьдзя Віцебскага абласнога суду Ірына Смалякова. Згодна з рашэньнем суду ніжэйшай інстанцыі, праваабаронца прыцягнуты да адміністрацыйнай адказнасьці на падставе часткі 1 артыкулу 23.34 КаАП за ўдзел у масавых мерапрыемствах 25 і 26 сакавіка ды пакараны 15-цю суткамі арышту.
Суд як адзіная магчымасьць для брытанскага падданага даказаць сваю невінаватасьць
Найбліжэйшым часам у Глыбоцкім раённым судзе адбудзецца разгляд справы грамадзяніна Вялікай Брытаніі Алана Сьміта. Зараз гэта адзіны брытанец ў Беларусі, у дачыненьні да якога расьсьледаваная і адпраўленая ў суд крымінальная справа. Тым ня менш ягоная жонка Магда Валінска ўпэўненая, што Алан ня зьдзейсьніў ніякага злачынства, і верыць у хуткае вызваленьне мужа.
У Наваполацку суд адмовіўся разглядаць па сутнасьці скаргу на гарвыканкам
Наваполацкі суд 26 красавіка адмовіў грамадзяніну Зьмітру Салаўёву ў разглядзе ягонай скаргі на рашэньне гарвыканкаму. Зьміцер мяркуе, што рашэньне мясцовай улады пра месца правядзеньня масавых мерапрыемстваў і аплату за іх парушае яго права на мірныя сходы.
У Віцебску ўспомнілі ахвяраў і герояў Чарнобылю: афіцыйна і нефармальна (фота)
Сягоньня, у 31-ю гадавіну трагедыі, жалобны мітынг-рэквіем, як і летась, прайшоў а 18 гадзіне ў сьценах Сьвята-Ўсьпенскага катэдральнага сабору Віцебску. Пасьля афіцыйнага мітынгу ліквідатары наступстваў аварыі на Чарнобыльскай АЭС і прадстаўнікі грамадзкасьці гораду па штогадовай завядзёнцы спусьцілі ў Дзьвіну памінальны вянок.
Пляны ясныя, задачы пастаўленыя. За работу, таварышы праваабаронцы!
У сакавіку 2017 году віцебская кааліцыя праваабарончых арганізацыяў і ініцыятываў завяршыла мерапрыемствы па стратэгічным плянаваньні сваёй дзейнасьці да 2020 году. Праваабаронцы распрацавалі і прынялі ў якасьці кіравальнага дакумэнту Стратэгічны плян дзеяньняў і разьвіцьця праваабарончага сэктару Віцебскай вобласьці.
Кіраўніцтва прадпрыемства скардзіцца міністру інфармацыі на прафсаюз
Інфармацыйная праца Свабоднага прафсаюзу беларускага «дэстабілізуе працоўныя адносіны» на заводзе ААТ «Полацак-Шкловалакно». З такой скаргай адміністрацыя прадпрыемства зьвярнулася да міністра інфармацыі Рэспублікі Беларусь 4 красавіка на асабістым прыёме міністра ў Полацку.
Міліцыя вывучае міжнародныя правілы
Рабочыя полацкага заводу «Шкловалакно» накіравалі кіраўніку абласнога УУС памятку для міліцыянтаў аб выконваньні міжнародных стандартаў правоў працоўных на аб'яднаньне ў прафсаюз. Віцебскі абласны начальнік міліцыі грамадзкай бясьпекі Аляксандар Руколь заявіў, што міліцыянты вывучаюць правілы прымяненьня міжнародных дамоваў і паабяцаў даць адказ пісьмова.