Улады за «экстрэмісцкія» ролікі арыштавалі навапалачаніна
Суддзя суда Наваполацка Зінаіда Балаболава 12 лютага за распаўсюджванне "экстрэмізму" ў сацыяльнай сетцы арыштавала на 10 сутак жыхара Наваполацка Валерыя Максіменка.
“Калі спатрэбіцца, трымаць у руках зброю”
У Докшыцах, як і па ўсёй Беларусі, працягваецца мілітарызацыя школьнікаў. Там адбылася сустрэча вучняў дзявятых класаў з сілавікамі на чале з ваенным камісарам раёна пад назвай “І няхай мундзіры розныя, а Радзіма – адна”.
Расейскія ўлады абвясцілі ў вышук двух беларускіх каталіцкіх святароў
Не так даўно святары Вячаслаў Барок і Андрэй Вашчук былі змешчаны ў базу вышуку МУС Расійскай Федэрацыі. У 2021-2022 гадах святары неаднаразова падвяргаліся пераследу з боку беларускіх ўладаў за сваю грамадзянскую пазіцыю, у тым ліку антываенную, іх арыштоўвалі і штрафавалі, з-за чаго яны былі вымушаныя пакінуць Беларусь, а Youtube-канал Барка ва ўладамі краіны прызнаны экстрэмісцкім.
У глыбоцкай калоніі не прынялі медычную бандэроль і пасылку з рэчамі для Мікалая Статкевіча
Пра гэта на сваёй старонцы ў Фэйсбуку паведаміла жонка палітвязня Марына Адамовіч.яна нагадала, што зняволены палітык знаходзіцца за кратамі ўжо больш за 1300 дзён, і што цягам 373 дзён ад яго няма лістоў да родных.
За падпіскі на "экстрэмісцкія матэрыялы" ўлады аштрафавалі спартыўнага трэнера
Суддзя суда Бешанковіцкага раёна Кацярына Мацкевіч 31 студзеня за распаўсюджванне «экстрэмізму» ў сацыяльных сетках аштрафавала на 1200 рублёў трэнера-выкладчыка па валейболе Бешанковіцкай ДЮСШ Мікалая Пушнікава.
Праваабаронцы прызналі палітзняволенай Аксану Ючкавіч, 34-гадовую ўраджэнку Докшыччыны
Аксану Ючкавіч -паэтку, арганізатарку культурніцкіх імпрэз, журналістку партала Рымска-каталіцкага касцёла ў Беларусі catholic.by – затрымалі сёлета 23-га студзеня ў Мінску. 3-га лютага стала вядома, што супраць яе распачатая крымінальная справа паводле арт. 342 Крымінальнага кодэкса (арганізацыя і падрыхтоўка дзеянняў, якія груба парушаюць грамадскі парадак, або ўдзел у іх). Жанчыну ўтрымліваюць у следчай турме № 8 у Жодзіне.
ДзяржСМІ спрабуюць выклікаць у чытачоў інтарэс да выбараў, пішучы пра «патэнцыйна цікавыя дуэлі»
Паводле гарадской газеты «Витьбичи», са 128 кандыдатаў у дэпутаты абласнога савета 108 чалавек з'яўляюцца кіраўнікамі або намеснікамі кіраўнікоў прадпрыемстваў. Газета спрабуе стварыць інтрыгу са спаборніцтва паміж «дырэктарам установы адукацыі і топ-менеджарам прадпрыемства рэальнага сектара эканомікі», або са «спарынгу паміж кіраўніком з гуманітарнай сферы і буйным чыноўнікам». Выбаршчыкі, як чакаюць у рэдакцыі, павінны паверыць у тое, што менавіта яны могуць паўплываць на канчатковы вынік «дуэляў» і «спарынгаў», аднак за апошнія дзесяцігоддзі людзі цвёрда пераканаліся ў тым, што ў дэпутаты» прапускаюць толькі правераных людзей, а ад «волевыяўлення народа» даўно нічога не залежыць.
Напярэдатні “выбараў” у Глыбокім актывізаваліся члены “Белай Русі”
Як піша сайт глыбоцкай раёнкі “Веснік Глыбоччыны”, члены партыі “Белая Русь” арганізавалі пікет у падтрымку кандыдата ў дэпутаты Віцебскага абласнога Савета дэпутатаў па Глыбоцкай выбарчай акрузе №23. І зноў выданне не агучвае прозвішча гэтага кандыдата. Навошта яго ведаць чытачам і патэнцыйным выбарцам, бо ўлады і так прызначаць туды таго, каго трэба? А ўсё астатняе – гэта фарс і спроба легалізацыі так званых выбараў.
Палітзняволенага Дзяніса Сяргеева асудзілі за «атрыманне дабрачыннай замежнай дапамогі»
Паводле судовага рашэння, вынесенага 1 лютага 2024 г. у судзе Аршанскага раёна і г.Оршы суддзёй Юліяй Хаткевіч, зняволены Дзяніс Сяргееў, які адбывае пакаранне ў Мінску, у папраўчай установе адкрытага тыпу №36, павінны заплаціць штраф памерам 1 000 рублёў. Таксама, на падставе ч.2 арт. 24.15 КаАП РБ, ён павінны «вярнуць у даход дзяржавы кошт «прадмета адміністрацыйнага правапарушэння» - 264 рублі 38 капеек «дабрачыннай замежнай дапамогі». Суд пастанавіў пакінуць пад арыштам і тэлефон палітзняволенага - «у мэтах забеспячэння выплаты штрафа».
Выбары дэпутатаў-2024 - асноўная тэма дзён інфармаванняў у Шаркаўшчыне
Апошні тыдзень перад так званым адзіным днём галасаваяння ўлады выкарыстоўваюць на поўніцу – ладзяць пікеты за праўладных кандыдатаў, ездзяць па прадпрыемствах, сустракаюцца з людзьмі і праводзяць так званыя дні інфармавання.