Праваслаўныя сьвятары адпраўляюць школьнікаў Віцебшчыны ў лягеры нэанацыстаў у Расеі
Асобныя праваслаўныя сьвятары аказаліся ўцягнутыя ў сумнеўную актыўнасьць. Датычнай аказалася і віцебская арганізацыя беларускіх афганцаў «Братэрства».
У Полацку судзілі прафсаюзных лідэраў
Полацкі суд 16 траўня пастанавіў аштрафаваць актывістаў Свабоднага прафсаюзу Віктара Стукава і Міколу Шараха за правядзеньне прафсаюзнай акцыі ў выглядзе пікетаваньня. Памер штрафу склаў адпаведна 25 і 30 базавых велічынь.
Швэдзкія фрылянсэры падзяліліся сакрэтамі пасьпяховай журналістыкі з калегамі зь Віцебску і Полацку
Аўтары папулярнага ў Швэцыі падручніка для журналістаў-фрылянсэраў Фрэдрык Нэйман і Мікаэль Берлінг 13 траўня наведалі Віцебск і падзяліліся са сваімі калегамі зь Беларускай асацыяцыі журналістаў досьведам пасьпяховай журналістыкі ў сыстэме фрылянсу.
У Віцебску пашыраецца ініцыятыва па прыбіраньні пад’ездаў намаганьнямі саміх жыхароў
Чарговым домам, жыхары якога адмовіліся ад паслуг камунальнага прыбіраньня сваіх пад'ездаў работнікамі ЖРЭТу, стаў дом №17 па вуліцы Люднікава. Флягманамі гэтай ініцыятывы сталі грамадзяне, што пражываюць у пад'езьдзе нумар чатыры, якія хочуць ператварыць яго ў «пад'езд узорнага парадку».
Пасьля здымак сюжэту для “Белсату” ў гаспадарцы Докшыцкага раёну пачалі выплачваць зарплаты
Некалькі дзён таму журналісты незалежнага тэлеканалу “Белсат” здымалі сюжэт для перадачы “Людзкія справы” ў вёсцы Вялікія Сітцы, што ў Докшыцкім раёне, дзе работнікі мясцовага сельскагаспадарчага прадпрыемства “АграСітцы” не атрымлівалі заробкаў з восені 2015 году. Не пасьпеў сюжэт яшчэ выйсьці ў этэр, як мясцовыя ўлады адрэагавалі на работу журналістаў.
У Лепелі мужчына-інвалід вырашыў адпомсьціць знаёмай і ледзь не падпаліў яе хату
Жыхар Лепеля, зьяўляючыся інвалідам другой групы і ня маючы судзімасьці, зьдзейсьніў дзеяньне злачыннага характару ў дачыненьні да жыхаркі раённага цэнтру. Хочучы адпомсьціць жанчыне, ён вырашыў падпаліць яе хату.
Беларускі Полацак і латыскі Лудзенскі край падпісалі пагадненьне аб супрацоўніцтве і садружнасьці
Полацкі раённы выканаўчы камітэт і Самакіраваньне Лудзенскага краю (Латвія) падпісалі пагадненьне аб супрацоўніцтве і садружнасьці. Гістарычны дакумэнт быў падпісаны 30 красавіка ў Сафійскім саборы ў рамках візыту ў гэты рэгіён Віцебшчыны латыскай дэлегацыі ў складзе старшыні думы Лудзенскага краю Аліны Гендэле, а таксама дзяцей з гораду Люцын.
У Чашніках бабуля праявіла «клопат» аб унуку, у выніку яму далі 2 гады з адтэрміноўкай пакараньня на год
У Чашніках клапатлівая бабуля «стуканула» на свайго ўнука, знайшоўшы ў яго пакет зь невядомым на той момант для яе зьмесьцівам. Адразу западозрыўшы нядобрае, што нашчадак ужывае наркатычныя рэчывы, жанчына зьвярнулася ў міліцыю.
Шарстнёў незадаволены працай мясцовых органаў улады са зваротамі грамадзян
Старшыня Віцебскага аблвыканкаму Мікалай Шарстнёў незадаволены працай мясцовых органаў улады са зваротамі грамадзян. Пра гэта кіраўнік вобласьці заявіў 14 траўня па выніках наўпроставай лініі з жыхарамі рэгіёну.
«Крыжы выкідалі на сьметнік». Пад Віцебскам пэнсіянэр рэканструюе пахавальныя абрады крывічоў
На звычайных сельскіх могілках ў 20 кілямэтрах ад Віцебску два пэнсіянэры стварылі невялічкі «музэй» старажытных пахавальных абрадаў крывічоў. Тут паказаныя традыцыі, з дапамогай якіх у розныя часы нашы продкі пазначалі пахаваньні: дамавіна, курган, намагільныя слупы, каменныя крыжы. Аднак пра гэтую ўнікальную рэканструкцыю ведаюць толькі мясцовыя жыхары, гісторыкі і краязнаўцы.