Маладыя мамы ў Віцебску стварылі суполку і фонд у падтрымку жанчын на мяжы аборту
«Мама, я хачу нарадзіцца!» – выстава пад такой назвай будзе доўжыцца ў арт-цэнтры VZAP да 10 студзеня. Яе арганізатар – ініцыятыўная суполка «Лінія жыцьця» па падтрымцы цяжарных жанчын, якія знаходзяцца на мяжы аборту.
Віцебскія прадпрымальнікі спыняюць працу
З 1 студзеня віцебскія рынкі і гандлёвыя цэнтры спыняюць працу. Мясцовыя прадпрымальнікі накіравалі ў Віцебскі гарвыканкам лісты з інфармацыяй пра сваё рашэньне. Яно зьвязанае з набыцьцём моцы з новага году ўказу №222. Як адзначае старшыня аргкамітэту па стварэньні прафсаюзу прадпрымальнікаў «Разам» Ірына Яскевіч, віцебскія прадпрымальнікі не сыходзяць на калядныя вакацыі: яны папярэджваюць, што не адновяць працу, пакуль на дзяржаўным узроўні ня вырашацца іхныя праблемы.
Удзельніцу страйку прадпрымальнікаў у Полацку выганяюць з рынку
Адміністрацыя рынку папярэдзіла Вольгу Шарстабітаву, што скасоўвае зь ёй дамову аб арэндзе ралету. Напярэдадні яна запатрабавала, каб з дамовы аб арэндзе выключылі незаконны пункт. Пра гэта прадпрымальніца з Полацку і актывістка РГА «Пэрспэктыва» распавяла ў камэнтары сайту charter97.org.
Мінімальны штраф як падарунак да Новага году
У перадпачатку Новага году, 31 сьнежня, у Наваполацкай міліцыі адбыўся адміністрацыйны працэс паводле абвінавачаньня Андрэя Гайдукова ў парушэньні правілаў добраўпарадкаваньня населеных пунктаў. Намесьнік начальніка ГАУС – начальнік міліцыі грамадзкай бясьпекі Ўладзімер Быкаў, разгледзеўшы матэрыялы справы, наклаў на Андрэя штраф у памеры 360 тысяч рублёў.
На Андрэя Гайдукова склалі пратакол за ўлёткі
Каардынатара аргкамітэту па стварэньні партыі «Беларуская хрысціянская дэмакратыя» вінавацяць паводле адміністрацыйнага артыкулу 21.14 «Парушэньне правілаў добраўпарадкаваньня і ўтрыманьня населеных пунктаў» – за распаўсюд улётак у Наваполацку.
Віцебскія сябры Беларускай асацыяцыі журналістаў разьвіталіся з 2015 годам (фота)
Традыцыйная штогадовая сустрэча журналістаў Віцебску, што адбылася 29 сьнежня ў антыкавярні «7 пакояў», сёлета прайшла ў асабліва натхняльнай атмасфэры.
Палітвязень Міхаіл Жамчужны гатовы да барацьбы за сваё вызваленьне
Міхаіл Жамчужны непакоіцца за лёс свайго сябра і кіраўніка закрытай уладамі праваабарончай арганізацыі «Пляцформа» Андрэя Бандарэнкі. Тым часам новы адвакат дапамагае палітвязьню падрыхтаваць наглядную скаргу ў Вярхоўны Суд.
У сваім чарговым лісьце на волю Міхаіл Ігаравіч сьцісла паведамляе пра ўмовы ўтрыманьня вязьняў у папраўчай калёніі №14 (ст. Навасады Барысаўскага раёну), якія ён характарызуе як «нармальныя». Праўда, шкадуе, што з 50 чалавек, якія сумесна зь ім адбываюць тэрміны зьняволеньня, ён не знайшоў людзей, якія б падзялялі яго палітычныя погляды і былі б блізкія яму па духу і інтэлекце.
Палітвязень паважліва адгукаецца пра адміністрацыю калёніі, піша, што прадуктыўна і з задавальненьнем размаўляе з супрацоўнікамі. Ён паведамляе, што зь ім ужо гутарылі апэратыўны работнік і выхавальнік. Яны цікавіліся думкай Міхаіла пра ўмовы ўтрыманьня ў пэнітэнцыярнай установе і, са свайго боку, далі яму карысныя парады , што да далейшага адбываньня тэрміну - з мэтай прадухіленьня канфліктных сытуацыяў і непрывабных эксцэсаў.
Міхаіл Жамчужны паведаміў таксама, што прыняў рашэньне адмовіцца ад пэнсіі на ўвесь пэрыяд знаходжаньня ў калёніі. На такі радыкальны крок яго падштурхнула апавяшчэньне сацслужбы Барысаўскага райвыканкаму, згодна зь якім законам «Аб пенсійным забесьпячэньні» вызначана, што грамадзянам, якія знаходзяцца ў месцах пазбаўленьня волі, пэнсія выплачваецца ў памеры 10% ад прызначанай сумы. «Няхай мая пэнсія застаецца ў пэнсійным фондзе для іншых пэнсіянэраў, а не на рахунку праціўнікаў зь пэнітэнцыярнай сыстэмы», - тлумачыць свой высакародны ўчынак палітвязень Жамчужны.
Віцебскі праваабаронца Леанід Сьвецік, які лістуецца зь Міхаілам Ігаравічам, паведаміў рэдакцыі, што, нягледзячы на свой узрост, Жамчужны гатовы да бескампраміснай барацьбы за сваё вызваленьне зь месцаў зьняволеньня - ён ня лічыць сябе вінаватым і сьцьвярджае, што яго асудзілі па палітычных матывах.
Паводле Леаніда Сьвеціка, праваабаронцы будуць усімі законнымі і даступнымі спосабамі дапамагаць Міхаілу Жамчужнаму ў гэтай яго барацьбе. Праваабаронцы і грамадзянскія актывісты Віцебску будуць працягваць падтрымліваць Міхаіла Ігаравіча і маральна, і ў якасьці такой падтрымкі надоечы адправілі палітвязьню свае віншаваньні са сьвятамі.
Ва Ўшачах адкрылі і асьвяцілі помнік Рыгору Барадуліну
Помнік – валун з высечаным на ім крыжам – асьвяцілі архімандрыт Сяргей Гаек, сьвятар грэка-каталіцкай царквы айцец Аляксандар Шаўцоў з Полацку і ксёндз Аляксей Асон з Ушачаў.
Віцебскі праваабаронца ня верыць, што яго прапанова ў ЦВК будзе ўлічаная падчас зьмены заканадаўства пра выбары
Старшыня Цэнтральнай камісіі па выбарах і правядзеньні рэспубліканскіх рэфэрэндумаў Лідзія Ярмошына паабяцала праваабаронцу Леаніду Сьвеціку ўлічыць ягоную прапанову пра ўнясеньне зьменаў у дзейнае выбарчае заканадаўства. Аднак праваабаронца сумняваецца, што гэта будзе зроблена.
Жыхары вёскі ў Віцебскім раёне наракаюць на стан дарогі
Паводле словаў жыхароў вёскі Бенцяі, у сухое надвор'е да населенага пункту яшчэ можна даехаць без прыгодаў, але ў веснавую ці восеньскую бездараж грунтавая дарога нагадвае франтавую: аўто гразнуць у гразі, разьбітая сельгастэхнікай, яна не пакідае легкавікам нават шанцу для манэўру.