Алесь Круткін асуджаны ў Полацку на 15 сутак
Актывіст грамадзянскай кампаніі «Эўрапейская Беларусь» Алесь Круткін быў 28 студзеня асуджаны на 15 сутак Полацкім судом. Гэтак яго пакаралі за ўдзел у мірных акцыях у абарону незалежнасьці краіны, якія праходзілі ў Менску ў сьнежні 2019 году. Суд над актывістам прайшоў у закрытым рэжыме, паведамляе «Эўрапейская Беларусь».
Сьпірыдонаву аштрафавалі за пікет і судзілі за налепкі «Калгаснай дыктатуры – баста!»
28 студзеня ў судзе Чыгуначнага раёну Віцебску актывістку «Эўрапейскай Беларусі» Натальлю Сьпірыдонаву аштрафавалі на 25 базавых велічынь за ўдзел у сьнежаньскім антыінтэграцыйным пікеце на плошчы Перамогі. У гэты ж дзень у судзе Кастрычніцкага раёну яна разам з полацкім актывістам Аляксандрам Круткіным стала фігуранткай іншай адміністрацыйнай справы.
5 чалавек памерлі ад перадазіроўкі наркотыкаў у Віцебску ў 2019 годзе – пракуратура
Толькі на тэрыторыі Віцебску ў 2019 годзе было зафіксавана 5 выпадкаў сьмерці ад перадазаваньня наркатычнымі сродкамі, паведамілі ў пракуратуры Віцебскай вобласьці. Адзначаецца, што пазалетась, у 2018 годзе, сьмерцяў з прычыны ўжываньня наркотыкаў наогул не рэгістраваліся.
Пачалі штрафаваць удзельнікаў пікету каля полацкай Сафіі – ужо на 1620 рублёў
У Полацку і Наваполацку праходзяць суды над удзельнікамі акцыі за незалежнасьць Беларусі. 4-га студзеня паўтара дзясятка актывістаў сфатаграфаваліся каля Сафійскага сабору, склаўшы з раздрукаваных на паперы літар слова «Незалежнасьць». Некалькі чалавек трымалі бел-чырвона-белыя сьцягі, паведамляе Беларускае Радыё Рацыя.
Яшчэ 1485 рублёў штрафаў. У Віцебску працягваюцца суды над абаронцамі незалежнасьці
24 студзеня ў Віцебску адбыліся два адміністрацыйныя працэсы над удзельнікамі акцый у падтрымку незалежнасьці Беларусі. Суд Чыгуначнага раёну на 25 базавых велічынь аштрафаваў віцябляніна Аляксандра Якушкова, а Віцебскі раённы суд пакараў штрафам у памеры 30 базавых Алену Янушкоўскую.
Тры суды – тры штрафы. Прыхільнікаў незалежнасьці аштрафавалі на 2160 рублёў
23 студзеня ў судзе Першамайскага раёну Віцебску судзьдзя Міхаіл Юрчанка аштрафаваў грамадзкіх актывістак Натальлю Сьпірыдонаву на 25 базавых велічынь, а Тацяну Севярынец – на 30. У той жа час у судзе Віцебскага раёну Міхаіл Зубеня прысудзіў Алене Янушкоўскай 25 б.в. Усіх трох зьвінавацілі паводле ч.1, арт. 23.34 КаАП.
Віцебскія праваабаронцы паўдзельнічалі ў «круглым стале» аб’яднаньняў і партый
У сераду 22 студзеня ў Віцебскім філіяле міжнароднага ўнівэрсытэту МІТСО прайшло першае ў 2020 годзе паседжаньне круглага стала грамадзкіх аб’яднаньняў і палітычных партый. Нечакана ўзяць удзел у сустрэчы запрасілі і віцебскіх праваабаронцаў.
Віцебскага блогера Дуброўскіх пасадзілі на 15 сутак. За што?..
Віцяблянін Аляксандар Дуброўскіх знаходзіцца зараз у ізалятары часовага ўтрыманьня, дзе адбывае 15 сутак арышту. Пра гэта паведаміў «Віцебскай вясьне» праваабаронца Павал Левінаў, спаслаўшыся на інфармацыю, якую атрымаў у судзе і віцебскім ІЧУ.
Судзьдзя Цыганкова разгледзела справу Алены Янушкоўскай за 5 хвілін: штраф – 675 рублёў
Крыху больш за 5 хвілін доўжыўся суд над актывісткай і блогеркай Аленай Янушкоўскай, якую вінавацілі ў парушэньні заканадаўства аб масавых мерапрыемствах (ч.1 арт. 23.34 КаАП). Суд Чыгуначнага раёну 21 студзеня прызнаў яе вінаватай і ў «хуткасным рэжыме» пакараў штрафам у памеры 25 базавых велічынь (675 рублёў).
Блогера Дзьмітрыя Казлова выпусьцілі зь ІЧУ, але часова: за ім яшчэ 60 сутак
Блогера з Воршы Дзьмітрыя Казлова, вядомага як Шэры кот, часова выпусьцілі з ізалятара часовага ўтрыманьня. Падчас анлайн-трансьляцыі на сваім YouTube-канале, Шэры кот расказаў пра сваё вызваленьне.