Палітзняволенага Дзяніса Сяргеева асудзілі за «атрыманне дабрачыннай замежнай дапамогі»
Паводле судовага рашэння, вынесенага 1 лютага 2024 г. у судзе Аршанскага раёна і г.Оршы суддзёй Юліяй Хаткевіч, зняволены Дзяніс Сяргееў, які адбывае пакаранне ў Мінску, у папраўчай установе адкрытага тыпу №36, павінны заплаціць штраф памерам 1 000 рублёў. Таксама, на падставе ч.2 арт. 24.15 КаАП РБ, ён павінны «вярнуць у даход дзяржавы кошт «прадмета адміністрацыйнага правапарушэння» - 264 рублі 38 капеек «дабрачыннай замежнай дапамогі». Суд пастанавіў пакінуць пад арыштам і тэлефон палітзняволенага - «у мэтах забеспячэння выплаты штрафа».
Выбары дэпутатаў-2024 - асноўная тэма дзён інфармаванняў у Шаркаўшчыне
Апошні тыдзень перад так званым адзіным днём галасаваяння ўлады выкарыстоўваюць на поўніцу – ладзяць пікеты за праўладных кандыдатаў, ездзяць па прадпрыемствах, сустракаюцца з людзьмі і праводзяць так званыя дні інфармавання.
За сэксуальны гвалт над больш як 160 дзецьмі судзяць выхавацеля дзіцячага садка з Шуміліна
40-гадовы выхавацель дзіцячага сада №1 здзяйсняў супрацьзаконныя дзеянні супраць выхаванцаў установы на працягу амаль 17-ці год. Крымінальная справа распачатая і ў дачыненні да загадчыцы садка, дзе ен працаваў. Па версіі следства, жанчына ігнаравала скаргі бацькоў, якія спрабавалі звярнуць яе ўвагу на падазроныя паводзіны падначаленага. Ці былі такія скаргі, меркаваць цяжка, бо сэксуальнага злачынцу выявілі выпадкова. Маці з хлопчыкам – выхаванцам дзіцячага сада -- выпадкова сустрэлі ў краме педагога, ад якога малы раптам стаў хавацца. Пасля роспытаў дома бацькі звярнуліся ў міліцыю, выхавацеля затрымалі, а дома ў яго знайшлі больш за 400 Гб відэазапісаў дзіцячага порна.
За два апошнія гады прамыя замежныя інвестыцыі ў рэгіянальную эканоміку скараціліся больш як у 5 разоў
Паступленне прамых замежных інвестыцый у мінулым годзе склала 129,9 млн. долараў ЗША. Паводле афіцыйных дадзеных за 2022 год у рэальны сектар эканомікі вобласці замежныя інвестары ўклалі 207,2 млн. долараў ЗША, ці мінус 60%. Але ў 2021 годзе з-за мяжы ў регіянальную эканоміку прыйшло 678,9 млн амерыканскіх грошай, што азначае, што ў мінулым годзе інвестыцыі скараціліся ў 5,2 разы. Асноўным инвестарам віцебскай рэгіянальнай эканомікі з’яўляецца Расія. Кітай жа адмаўляецца ўкладаць грошы ў Віцебскую вобласць.
За дэманстрацыю нацысцкай сімволікі ўлады арыштавалі работніка "Нафтана"
Суддзя суда Наваполацка Зінаіда Балаболава 31 студзеня за публічную дэманстрацыю нацысцкай сімволікі арыштавала на 13 сутак кантралёра кантрольна-прапускнога пункта ААТ "Нафтан" актывіста гіравага спорту і члена Белхімпрафсаюза Артура Францава.
На Віцебшчыне "завалілі" план па зносе непрыдатных пабудоў
Работы па выкананні даручэнні Лукашэнкі па зносе непрыдатных і неэксплуатаваных аб'ектаў сельгасарганізацый з уключэннем у абарот вызваленых зямельных участкаў актывізавалі ў мінулым годзе. Але на Віцебшчыне знеслі амаль у пяць разоў меней пабудоў, што было запланавана.
У Расіі за "крымінал" у вышуку як мінімум 15 віцебскіх апазіцыянераў
У МУС Расіі на публічным сэрвісе, з дапамогай якога можна праверыць, ці знаходзіцца чалавек у вышуку на тэрыторыі "саюзнай дзяржавы", з 95994 чалавек лічыцца 3186 грамадзян і ўраджэнцаў Беларусі. Тамсама знаходзяцца як мінімум 15 жыхароў Віцебска і Віцебскай вобласці.
За знойдзены ў тэлефоне "экстрэмісцкі" лагатып улады аштрафавалі жыхарку Наваполацка
Суддзя суда Наваполацка Зінаіда Балаболава 30 студзеня за падпіску на «экстрэмісцкі» інфармацыйны рэсурс аштрафавала на 800 рублёў Ірыну Асташову.
«Эстрэмісцкімі» прызналі сацсеткі блогеркі Алены Янушкоўскай і мастачкі Вольгі Якубоўскай
8 лютага 2024 года суд Пінскага раёна і горада Пінска прызнаў «экстрэмісцкай» старонку «Настоящая Беларусь» у сацсетцы Facebook, якую ў 2019 годзе стварыла віцебская відэаблогерка Алена Янушкоўская. У той самы дзень суд Лідскага раёна залічыў ў «экстрэмісцкую інфармацыйную прадукцыю» старонкі ў Facebook і Instagram наваполацкай мастачкі Вольгі Якубоўскай. «Экстрэмісцкім» прызнаны нават аўтапартрэт мастачкі, размешчаны на аватарцы.
За праяву «экстрэмізму» ў сацсетцы ўлады аштрафавалі работніка прыватнага прадпрыемства
Суддзя суда Першамайскага раёна Віцебска Міхаіл Юрчанка 23 студзеня за распаўсюджванне экстрэмісцкіх публікацый у сацыяльнай сетцы аштрафаваў на 1000 рублёў рабочага віцебскага прыватнага гандлёвага унітарнага прадпрыемства Юрыя Барысевіча. Разбіральніцтва справы прайшло без удзелу «правапарушальніка», тым самым уладамі было парушана яго права на абарону.