Мясцовыя ўлады забаранілі віцебскім апазыцыянэрам заклікаць выбарцаў «байкатаваць фальшывыя псэўдавыбары»
Ніводзін з 21-го пікету, заяўкі на правядзеньне якіх у раённыя адміністрацыі Віцебску падавалі сябры КХП-БНФ, не дазволены. Пікеты ў падтрымку байкоту мерапрыемства, якое апазыцыянэры называюць «псэўдавыбарамі», мусілі прайсьці ва ўсіх раёнах гораду цягам тыдня і завяршыцца ў апошні дзень галасаваньня, 11 кастрычніка.
На выбарчых участках Першамайскага раёну Віцебску разьмешчаная агітацыя толькі за аднаго кандыдата – дзейнага прэзыдэнта
Пра гэта паведаміў праваабаронца Павал Левінаў, які зьяўляецца назіральнікам пры Першамайскай тэрытарыяльнай камісіі. Ён прайшоўся па ўчастковых выбарчых камісіях раёну і адзначыў, што ў належны час усе камісіі працавалі. Працавалі, праўда, толькі на аднаго кандыдата – Аляксандра Лукашэнку.
Віцебчукі сустрэліся з былым сьпікерам Вярхоўнага Савету Мечыславам Грыбам і палітолягам Алегам Лагвінцом
29 верасьня ў «Эўрапейскім клюбе» Віцебску адбыліся грамадзкія слуханьні па тэме абмежаваньня знаходжаньня адной асобы на пасадзе прэзыдэнта двума тэрмінамі. У якасьці экспэртаў перад прысутнымі віцебчукамі выступілі экс-сьпікер ВС Мечыслаў Грыб і палітоляг Алег Лагвінец, ролю вядоўцы выконваў намесьнік старшыні руху «За свабоду» Юрась Губарэвіч.
Хочаш пратэставаць – будзь гатовы да прымусовага псыхіятрычнага агляду
45-гадовы Сяргей Сувораў нарадзіўся і вырас у Беларусі. Затым некаторы час жыў у Расеі, а ў 2014 годзе вярнуўся ў родны Віцебск. Менш як за год тут яго пасьпелі пазбавіць уласнасьці (аўтамабіля), а тым самым і заробку (Сяргей – індывідуальны прадпрымальнік). А калі ён напісаў ва ўладныя органы ліст аб даваньні яму магчымасьці правесьці акцыю пратэсту, замест адказу да яго дамоў нечакана прыйшлі міліцыянты, якія сілай адправілі яго на прымусовае псыхіятрычнае абсьледаваньне.
У Гарадку ўжо гатовыя забясьпечыць масавае галасаваньне па месцы знаходжаньня выбаршчыкаў
23 верасьня ў першы дзень дзяжурства ўчастковых камісіяў назіральнік Леанід Гаравы, які зьяўляецца каардынатарам назіраньня руху “За свабоду” па Віцебскай вобласьці, зафіксаваў парушэньні на пяці выбарчых участках Гарадка, дзе ў сьпісы для галасаваньня па месцы знаходжаньня выбаршчыкаў было ўнесена ад 87 да 360 грамадзян.
Віцебскія апазыцыянэры байкатуюць назіраньне на ўчастках для галасаваньня
На канец верасьня за адзін тыдзень да дня пачатку галасаваньня толькі чатыры палітычныя структуры зарэгістравалі сваіх сяброў назіральнікамі на ўчастках для галасаваньня.
Віцебскія актывісты КХП-БНФ: Псэўдавыбарам – татальны байкот!
Старшыня Цэнтральнай выбарчай камісіі Лідзія Ярмошына не адгукнулася на прапанову апазыцыянэраў і ня стала зьвяртацца да кіраўніцтва адміністрацыі прэзыдэнта і ў Савет Міністраў Рэспублікі Беларусь. Цяпер віцебскія сябры Кансэрватыўна-хрысьціянскай партыі БНФ шукаюць кантактаў з назіральнікамі і зьбіраюцца заклікаць выбарцаў байкатаваць «псэўдавыбары».
Праваабаронцу Валеру Місьнікаву пагражае адміністрацыйнае пакараньне
28 верасьня Валер Місьнікаў, якога спачатку ўключылі ў склад участковай выбарчай камісіі, а потым зь яе выключылі, быў выкліканы ў АУС Чыгуначнага раёну Віцебску. Начальнік аддзелу аховы правапарадку і прафіляктыкі маёр Аляксандар Рыбакоў апытаў праваабаронцу, каб высьветліць, ці парушыў той артыкул 23.5 КаАП – абраза службовай асобы падчас выкананьня ёй службовых паўнамоцтваў.
У Віцебску пададзеныя заяўкі на пікеты за байкот выбараў
Пад заяўкамі, пададзенымі ў раённыя адміністрацыі гораду, паставілі свае подпісы пяцёра сяброў Кансэрватыўна-хрысьціянскай партыі БНФ. Усяго яны хочуць правесьці 21 пікет: штодня па адным у кожным з трох раёнаў Віцебску, пачынаючы з 5 кастрычніка і заканчваючы апошнім днём галасаваньня 11 кастрычніка.
Толькі адзін з кандыдатаў у прэзыдэнты адказаў на пытаньні прадпрымальнікаў
Віцебская стваральніца прафсаюзу прадпрымальнікаў «Разам» Ірына Яскевіч распавяла пра спробы высьветліць стаўленьне кандыдатаў у прэзыдэнты да праблем малога бізнэсу. З усіх кандыдатаў адказала прадпрымальнікам толькі Тацьцяна Караткевіч.