385-годзьдзе выданьня «Буквара» Сьпірыдона Собаля адзначылі ў Віцебску
У Віцебску на базе абласной бібліятэкі адбылася II Міжнародная навукова-практычная канфэрэнцыя «Віцебскі край», якая сёлета была прысьвечаная 385-годзьдзю выхаду «Буквара» Сьпірыдона Собаля. Удзельнікамі сталі гісторыкі, краязнаўцы, работнікі ВНУ, музэяў, бібліятэк. Увогуле было зарэгістравана больш за 70 заявак зь Беларусі, Расеі і Латвіі.
Улады Віцебску адмовіліся зарэгістраваць орган тэрытарыяльнага самакіраваньня
Віцебскі гарадзкі выканаўчай камітэт адмовіў групе грамадзян у рэгістрацыі Віцебскага гарадзкога Камітэту грамадзкага самакіраваньня. Прычына адмовы – невыкананьне заяўнікамі патрабаваньняў дзейнага заканадаўства.
Умовы адбыцьця пакараньня палітвязьнем Жамчужным пагоршыліся
У аўторак, 29 лістапада, прызнаны беларускай праваабарончай супольнасьцю палітвязьнем Міхаіл Жамчужны быў заключаны ў ПКТ (памяшканьне камэрнага тыпу) тэрмінам на тры месяцы. Фармальнай прычынай такога пакараньня сталі сьведчаньні зьняволеных пра нібыта ўжываньне Жамчужным ненарматыўнай лексыкі падчас абмеркаваньня тэленавінаў.
Прасоўваць здаровы лад жыцьця на Гарадоччыне дапамогуць грошы Эўразьвязу
Значная сума – 60,5 тыс. даляраў паступіць у аддзел адукацыі, спорту і турызму Гарадоцкага райвыканкаму. Гэта стала магчымым дзякуючы перамозе аддзелу ў конкурсе мясцовых ініцыятыў, накіраваных на прасоўваньне здаровага ладу жыцьця і прафіляктыку неінфекцыйных захворваньняў на мясцовым узроўні.
Дэпартамэнт выкананьня пакараньняў утойвае інфармацыю пра ўтрыманьне грамадзяніна Вялікай Брытаніі ў СІЗА
Высьветліць дэталі наконт знаходжаньня брытанскага грамадзяніна Алана Сьміта ў СІЗА № 2 Віцебску спрабаваў прадстаўнік Беларускага Хэльсынскага камітэту Павал Левінаў. Каб атрымаць неабходную інфармацыю, ён накіраваў шэраг запытаў ва ўпраўленьне Дэпартамэнту выкананьня пакараньняў па Віцебскай вобласьці. Аднак начальнік упраўленьня не адказаў па сутнасьці на ніводнае пытаньне праваабаронцы.
Экспэрт з Брусэля распавёў віцебчукам пра правы інвалідаў на досьведзе Эўропы
У Віцебску ў межах адукацыйнага курсу «Павышэньне арганізацыйнага патэнцыялу арганізацыяў і ініцыятыўных груп, якія разьвіваюць спэцыяльныя паслугі ў мясцовай супольнасьці» прайшоў трэнінг, прысьвечаны тэме стварэньня партнэрскай сеткі (нэтворкінгу) і тэме незалежнага пражываньня людзей з інваліднасьцю.
Палітвязень аспрэчвае ў судзе «парушэньні рэжыму»
З чарговага ліста, атрыманага з папраўчай калёніі № 14, віцебскія праваабаронцы даведаліся, што палітвязень Міхаіл Жамчужны мае пяць парушэньняў рэжыму ўтрыманьня. Тры першыя ён паспрабаваў быў аспрэчыць у Барысаўскім раённым судзе. Аднак пабываць на судовых паседжаньнях Міхаілу Ігаравічу папрысутнічаць не ўдалося.
Хрыстафора Жаляпава чакае суд за ўдзел у несанкцыянаваным пікеце
Судовы разбор паводле адміністрацыйнай справы чакае віцебскага апазыцыянэра за публічнае выражэньне сваёй любові да беларушчыны. На імпрэзу, прысьвечаную 86-й гадавіне Ўладзімера Караткевіча, ён прыйшоў з нацыянальным беларускім сьцягам, што зь меркаваньня праваахоўнікаў ёсьць парушэньнем заканадаўства.
Цягам году ў Віцебскім раёне зьнясуць два тузіны незанятых і старых жылых дамоў
У адпаведнасьці з рашэньнем Віцебскага райвыканкаму па пляне зносу лядашчага жытла ў 2013-2015 гадох трэба было разбурыць 51 такі дом. Зьнесьлі больш: у 2013 годзе 17, у 2014-м – 28, у 2015-м – 37. На пэрыяд 2016-2017 гадоў вырашана сьцерці з твару зямлі 68 старых дамоў, ужо зьнесена 44.
Віцебскім вернікам – прыхільнікам індуісцкага вучэньня пагражае перасьлед паводле артыкулу 193¹ КК
У Віцебску праваахоўнікі спынілі дзейнасьць незарэгістраванай рэлігійнай арганізацыі «Сусьветны духоўны ўнівэрсытэт Брахма Кумарыс», На думку праваахоўнікаў, арганізацыя мае прыкметы сэкты. Каля дзесяці пасьлядоўнікаў духоўнага індыйскага вучэньня прыцягнутыя да адміністрацыйнай адказнасьці.