Каронавірус: праваабаронца патрабуе неадкладна ўвесьці карантын у школах Віцебску
Віцебскі праваабаронца Леанід Сьвецік зьвярнуўся да гарадзкіх уладаў з прапановай зрабіць тэрміновыя і неадкладныя захады карантыннага характару ў сувязі з пандэміяй каронавірусу. У прыватнасьці – аб’явіць карантын ва ўсіх навучальных установах Віцебску, забараніць правядзеньне масавых мерапрыемствах з удзелам больш за 20 чалавек, адкрыта і праўдзіва інфармаваць грамадзян аб санітарнай абстаноўцы.
Актывіст Алесь Круткін выйшаў на волю зь віцебскага ІЧУ пасьля 45 сутак арышту
Полацкага актывіста і блогера Алеся Круткіна вызвалілі 12 сакавіка зь віцебскага ізалятара часовага ўтрыманьня (ІЧУ), дзе ён адбываў тры адміністрацыйныя арышты запар – 45 сутак агулам. Перад тым як вызваліць канчаткова, Круткіна адвезьлі ў Чыгуначны РАУС Віцебска для прафіляктычнай размовы.
Абласны суд разгледзеў скаргі Алеся Круткіна і Алены Янушкоўскай. Што ў выніку?..
Віцебскі абласны суд 11 сакавіка разгледзеў скаргі полацкага актывіста Алеся Круткіна і блогеркі Алены Янушкоўскай на пастановы судоў ніжэйшай інстанцыі, якія аштрафавалі іх за парушэньні парадку арганізацыі і правядзеньня масавых мерапрыемстваў (арт. 23.34 КаАП РБ). У абодвух выпадках пастановы пераглядала судзьдзя Сьвятлана Іванова.
Полацкія ўлады адказалі на пэтыцыю супраць будаўніцтва кадэцкай вучэльні каля Сафіі
На патрабаваньне спыніць будоўлю кадэцкай вучэльні каля Сафійскага сабору на Верхнім Замку ў Полацку, мясцовыя ўлады адказалі, што працы «праводзяцца ў межах існага заканадаўства аб ахове гісторыка-культурнай спадчыны і Кодэксу аб культуры». Сьцьвярджаюць, што вядзецца археалягічнае назіраньне, а мэханічная вібрацыя – пад кантролем.
Сваякі зьняволеных просяць спрасьціць перадачу лекаў у калёніі і турмы
«Улічваючы, што дагэтуль ня вынайдзеныя эфэктыўныя лекі ад каронавірусу, а лячэньне праводзіцца як пры ВРВІ, просім спрасьціць працэдуру перадачы лекавых сродкаў у месцы пазбаўленьня волі», – гаворыцца ў пэтыцыі, апублікаванай на сайце «Зручны горад».
Герашчанка прапануе зацьвердзіць «трыадзінства рускага народу» ў Канстытуцыі РФ
Кіраўнік ГА «Рускі дом» у Віцебску Андрэй Герашчанка выказаўся пра тое, што трыадзінства рускага народу неабходна запісаць у Канстытуцыю Расеі. Пра гэта ён сказаў у інтэрвію сайту «Белорусский политринг», камэнтуючы навіну пра законапраект, прыняты ў Расеі, які можа адмяніць сумоўе для грамадзян Украіны і Беларусі пры атрыманьні імі статусу носьбітаў расейскай мовы.
Жанчыны Віцебшчыны больш адукаваныя, чым мужчыны – статыстыка
Жанчыны Віцебскай вобласьці маюць больш высокі ўзровень адукацыі, чым мужчыны. Сярод занятых у эканоміцы 34% жанчын маюць вышэйшую адукацыю. У мужчын гэты паказьнік складае 23%, паведамляе Галоўнае статыстычнае ўпраўленьне Віцебскай вобласьці.
На праймерыз у Віцебску ўпэўненую перамогу атрымаў Павал Севярынец
У перапоўненай залі віцебскага гатэлю «Лучоса» 7 сакавіка адбыліся выбары адзінага кандыдата ад апазыцыі. Ўпэўненую перамогу ў Віцебску атрымаў лідэр партыі БХД Павал Севярынец. За яго прагаласавалі 66 чалавек.
Пераможцам праймэрыз у Гарадку стаў Юрась Губарэвіч – за яго прагаласавалі 4 чалавекі
Увечары 6 сакавіка ў Гарадку стартавала кампанія абраньня адзінага кандыдата ад аб’яднанай апазыцыі шляхам народнага галасаваньня для ўдзелу ў выбарах прэзыдэнта. У выніку галасаваньня найбольшую колькасьць галасоў набраў Юрась Губарэвіч – за яго прагаласавалі 4 выбарцы…
Нідэрляндзкі дыплямат сустрэўся зь віцебскімі праваабаронцамі
4 сакавіка ў межах двухдзённага візыту ў Віцебск Часовы павераны ў справах Каралеўства Нідэрлянды ў Рэспубліцы Беларусь спадар Хэнрыкус Ёханэс ван Оостэрхаўт сустрэўся з праваабаронцамі Паўлам Левінавым і Леанідам Сьвецікам, а таксама з журналісткай і сябрам БАЖ Аленай Сьцяпанавай.