Служба дзяржаўнай бяспекі Латвіі праводзіць праверку па факце ўдзелу ў ваенізаваным мерапрыемстве гурта «Перевал»
Музычны гурт «Перевал» выступаў у Наваполацку падчас фестываля патрыятычнай і армейскай песні «Синева». Песня «Синева» («Расплескалась синева, расплескалась») лічыцца неафіцыйным гімнам дэсантных войскаў, і падчас фестывалю адзначаліся 50-я ўгодкі яе стварэння. Гурт «Перевал» складаецца з прадстаўнікоў Даўгаўпілсскага цэнтра садружнасці ветэранаў Афганістана (AFGĀŅU VETERĀNU DAUGAVPILS SADRAUDZĪBAS CENTRS "PEREVAL") . На сцэну яго ўдзельнікі выйшлі ў паласатых цяльняшках у блакітных берэтах.
За пікет з сацыяльных сетак улады аштрафавалі на буйную суму жыхарку Оршы
Суддзя суда Аршанскага раёна і Оршы Мікалай Драгуноў 27 ліпеня за правядзенне пікету ў сацыяльных сетках пастанавіў аштрафаваць на 1110 рублёў аршанку Інгу Тыльчык.
Кіберзлачынствы сталі палітычным выклікам для віцебскіх уладаў
Летась на Віцебшчыне было зарэгістравана каля 1,5 тыс. кіберзлачынстваў. У бягучым годзе гэты від дэвіянтных паводзінаў мае тэндэнцыю павялічвацца і ўжо стаў палітычным выклікам для ўладаў. Бо яны ўшчамляюць эканамічныя інтарэсы значнай колькасці жыхароў рэгіёну і выклікаюць справядлівую незадаволенасць сярод насельніцтва перад выбарамі ў парламент і мясцовыя саветы дэпутатаў, якія пройдуць у 2024 годзе.
Талачынскі суд аштрафаваў за «распаўсюд экстрэмізму» шматдзетную маці з Талачына
Вінаватай паводле ч.2 арт.19.11 КаАП прызналі Вольгу Кубарскую, маці чацьвярых дзяцей. На яе старонцы ў сацыяльнай сетцы міліцыянты знайшли рэпосты з адной з суполак, прызнаных у Беларуси экстрэмісцкімі. Суддзя Алеся Саян пакарала жанчыну штрафам у памеры 1110 рублёў. Таксама суд пастанавіў канфіскаваць тэлефон Кубарскай.
Падпіскамі і лайкамі ў “Вконтакте” дэстабілізаваў грамадска-палітычную абстаноўку ў грамадстве і дзяржаве.
Чашніцкі суд у асобе суддзі А.С. Смірновай прысудзіў былому прадпрымальніку, цяпер беспрацоўнаму, Уладзіміру Бакурыну 15 сутак арышту за падпіскі на так званыя экстрэмісцкія групы ў сацыяльнай сетцы “Вконтакте” і лайкі на іх матэрыялы.
У браслаўскіх уладаў не хапае грошай на добраўпарадкаванне
Таму мясцовым прыватным арганізацыям і прадпрымальнікам даводзіцца выдзяляць на гэта свае сродкі. Пры гэтым старшыня Браслаўскага райвыканкама Вячаслаў Грышчанка заяўляе, што дзяржаўна-прыватнае партнёрства можа быць эфектыўным інструментам добраўпарадкавання і навядзення парадку на зямлі. Пра гэта піша сайт мясцовай раёнкі braslav-star.by.
Былую палітзняволеную Ірыну Пярцову аштрафавалі па адміністрацыйнай справе
Ірына Пярцова – адна з удзельніц палітычных перфомансаў, за якія 20 траўня 2022г. былі асуджаны чацвёра жыхароў Віцебска. Усе яны атрымалі розны тэрмін зняволення, Ірына Пярцова – найменшы. Суддзя Віцебскага раённага суду Міхаіл Зубеня прызнаў жанчыну вінаватай паводле ч. 2 арт. 339 Крымінальнага кодэкса (Хуліганства, здзейсненае групай асобаў), і з улікам таго, што ў яе ёсць малое дзіця, асудзіў да двух гадоў пазбаўлення волі ў калоніі. Яна ўжо выйшла на волю, але высветлілася, што яна вінаватая зноў – за тое, што не выдаліла з тэлефона здымкі пра пратэстныя падзеі 2020 г.
Вольга Карач і «Наш Дом» намінаваныя на Нобелеўскую прэмію міру 2024 года
4 жніўня 2023 года Міжнароднае бюро свету выпусціла прэс-рэліз, у якім гаворыцца, што беларуская праваабарончая арганізацыя "Наш дом" і яе кіраўнік Вольга Карач вылучаны імі на суісканне Нобелеўскай прэміі міру ў 2024 годзе. Гэта зроблена ў знак прызнання іх антываеннай дзейнасці і ўсебаковай дапамогі беларускім адмовнікам па меркаваннях сумлення і дэзертырах як у Беларусі, так і ў краінах Еўрасаюза. Цяпер ідзе працэс падрыхтоўкі ўсіх неабходных дакументаў для падачы на прэмію
У абноўлены санкцыйны спіс Еўразвязу трапілі суддзі з Віцебшчыны і кіраўнікі Наваполацкай калоніі
3 жніўня ў санкцыйны спіс Еўразвязу дадалі яшчэ 32 асобы. Гэта суддзі, пракуроры, супрацоўнікі калоній. Што да Віцебшчыны, то пад санкцыі трапіў начальнік Наваполацкай ПК-1 Руслан Машадзіеў, прызначаны на гэтую пасаду (раней працаваў намеснікам начальніка) ў канцы красавіка. І ягоны папярэднік, вядомы сваім жорсткім абыходжаннем са зняволенымі, Андрэй Пальчык.
За распаўсюд «экстрэмізму» ўлады арыштавалі педагога з в. Празарокі Глыбоцкага раёна
Суддзя Глыбоцкага раёна Аляксандр Аляксеенка 5 чэрвеня пастанавіў пакараць арыштам на 10 сутак былую настаўніцу Празарокскай СШ 66-гадовую Алену Кішкурну, якая ў сацыяльных сетках распаўсюдзіла «экстрэмісцкія» матэрыялы ўзятыя ёю на пяці інфармацыйных рэсурсах.