Былы судзьдзя Канстытуцыйнага суду: Судзьдзі сталі філіялам адміністрацыі прэзыдэнта
У віцебскім офісе Беларускай сацыял-дэмакратычнай партыі (Грамада) прайшло абмеркаваньне рэформы судовай сыстэмы, якая даўно насьпела. На сустрэчы, што адбылася 7 кастрычніка, прысутнічалі мясцовыя актывісты партыі і праваабаронцы. Зь Менску прыехалі старшыня партыі Ігар Барысаў, праваабаронца і кіраўнік арганізацыі «Прававая дапамога насельніцтву» Алег Воўчак, а таксама былы судзьдзя Канстытуцыйнага суду Беларусі Міхаіл Пастухоў.
Праваабаронцам Віцебску забаранілі публічна выказацца супраць сьмяротнага пакараньня
У межах Тыдня супраць сьмяротнага пакараньня, мерапрыемствы якога праходзяць ва ўсёй краіне, віцебскія актывісты праваабарончай супольнасьці меркавалі зладзіць імпрэзу. Аднак пікет, падчас якога праваабаронцы хацелі распавесьці месьцічам, чаму яны выступаюць за скасаваньне практыкі забойства грамадзян дзяржавай на падставе выракаў судоў, мясцовыя ўлады забаранілі.
Не спадабаўся вэтэранам. На полацкага актывіста складзеныя пратаколы аб правапарушэньні
Савет вэтэранаў вайны і працы ААТ «Полацак-Шкловалакно» абвінаваціў актывіста Свабоднага прафсаюзу прадпрыемства Віктара Стукава ў перашкодзе дзейнасьці вэтэранскай арганізацыі. У выніку ўчастковы інспэктар склаў на яго два адміністрацыйныя пратаколы за дробнае хуліганства (артыкул 17.1 КаАП). Суд прызначаны на 16 кастрычніка.
Павал Левінаў просіць віцебскіх судзьдзяў прыпыніць вынясеньне сьмяротных прысудаў
У звароце да судзьдзяў судовай калегіі па крымінальных справах Віцебскага аблсуду праваабаронца Павал Левінаў папрасіў прыпыніць вынясеньне сьмяротных прысудаў і замяніць такое пакараньне іншымі відамі. Разам са зваротам праваабаронца даслаў у калегію 16 асобнікаў спэцвыпуску газэты “Народная Воля” – “Скажам НЕ сьмяротнаму пакараньню!”.
Палітвязень Жамчужны: Катаваньні і досьледы нада мной пляную абскардзіць у Вярхоўным судзе
На пачатку кастрычніка, пасьля трохмесячнага маўчаньня, віцебскія праваабаронцы атрымалі ліст ад палітвязьня і свайго калегі Міхаіла Жамчужнага. У лісьце ён выказвае ўсім падзяку за спагаду і падтрымку і просіць працягваць зь ім перапіску. Паведамляе таксама, што праз абставіны, якія ад яго не залежаць, не заўсёды можа адказаць на пасланьні і просіць за гэта прабачэньня.
Плацілі менш за мінімалку. Прадпраемствы Глыбоччыны абкрадалі работнікаў
У Глыбоцкім раёне два сельгаспрадпрыемствы выплачвалі сваім работнікам зарплаты ніжэйшыя за мінімальную, паведамляецца на сайце Генпракуратуры. Парушэньні выявілі на прадпрыемствах «Стрынадкі» і «Азярцы». Недаплацілі 139-ці работнікам. Агульная сума недаплаты на двух прадпрыемствах перавысіла 82,6 тысячы рублёў.
Браслаўскія памежнікі стралялі па колах аўто, на якім перавозіліся нелегалы
Каб затрымаць кіроўцу, які даставіў групу нелегалаў з азіяцкага рэгіёну да беларуска-летувіскай мяжы ў Браслаўскім раёне, памежнікам давялося адкрыць агонь са зброі. Пра інцыдэнт, які адбыўся ў верасьні, распавяла газэта «Браслаўская звязда» са спасылкай на афіцыйнага прадстаўніка Полацкага памежнага атраду Аляксандра Лукшу.
Без пракурораў, судзьдзяў і катаў. У Віцебску прайшоў фэст “Рок за жыцьцё”
У віцебскім “Бітлз-клюбе” 5 кастрычніка адбыўся фэст “Рок за жыцьцё”. Імпрэза распачала Тыдзень супраць сьмяротнага пакараньня, які ад 5 да 10 кастрычніка праходзіць у Беларусі. Ідэю ўвядзеньня мараторыя на сьмяротную кару падтрымалі сваімі выступамі і песьнямі ў Віцебску вядомыя беларускія гурты Teleport, Re1ikt. РСП (“Разьбітае сэрца пацана”) і NIZKIZ.
У Полацку рабочым забаранілі пікет
Полацкі райвыканкам апавясьціў Свабодны прафсаюз працоўных заводу «Шкловалакно» пра забарону масавага мерапрыемства. Празь пікет сябры прафсаюзу мелі намер інфармаваць грамадзян пра Сусьветны дзень дзеяньняў за годную працу 7 кастрычніка і заявіць патрабаваньне рабочых.
Маршрутны перавозчык “Полацкі экспрэс” спыніў працу
Буйны маршрутны перавозчык “Полацкі экспрэс” спыніў працу. З 1 кастрычніка кампанія адмяніла паездкі паміж Полацкам і Менскам.