“Заслугоўвае ўвагі”. У Віцебску зьявяцца ўсё ж шыльды з гістарычнымі назвамі вуліц?..
Актывісты “Альтэрнатывы” абскардзілі ў Віцебскім аблвыканкаме адмову гарадзкіх уладаў разьмясьціць у цэнтры Віцебску шыльдачкі з гістарычнымі назвамі вуліцаў. У аблвыканкаме да ідэі паставіліся больш прыхільна. У адказе на скаргу паведамілі, што “дадзеная прапанова можа быць рэалізаваная пасьля грунтоўнай дапрацоўкі”.
“Выбараў у Беларусі няма”. У Віцебску прайшла сустрэча з Паўлам Севярынцам
У нядзелю 8 верасьня ў Віцебску адбылася сустрэча з палітыкам Паўлам Севярынцам. Лідэр Беларускай хрысьціянскай дэмакратыі акрэсьліў палітычную сытуацыю ў краіне, расказаў пра стасункі ўнутры дэмакратычнага руху ды прэзэнтаваў свае творчыя набыткі.
Палітвязень Жамчужны правёў за два гады 500 сутак у ШІЗА – і зьмешчаны зноў
Палітвязень Міхаіл Жамчужны правядзе бліжэйшыя 2-3 месяцы ў штрафным ізалятары (ШІЗА). Пра гэта “Віцебскай вясьне” паведаміў праваабаронца Леанід Сьвецік, які атрымаў нядаўна ліст ад палітвязьня.
“Праўда пра Курапаты”. У Віцебску паказалі выставу пра месца сталінскіх расстрэлаў
Дакумэнтальна-мастацкую выставу “Праўда пра Курапаты” прэзэнтавалі ў Віцебску 6 верасьня вядомы гісторык і журналіст Марат Гаравы і мастак Генадзь Драздоў. Дакумэнты і фотаздымкі, паказаныя на выставе, зьбіраліся цягам 20 гадоў. Імпрэза адбылася ў віцебскім арт-цэнтры VZAP.
Мінкульт патрабуе прыняць меры па факце ўстаноўкі каменя з гербом Расейскай імпэрыі ў Відзах
Міністэрства культуры накіравала лісты ў Браслаўскі райвыканкам і Віцебскі аблвыканкам з патрабаваньнем прыняць меры па факце незаконнага ўсталяваньня ў Відзах Браслаўскага раёну памятнага каменя з гербом Расейскай імпэрыі. Пра гэта паведамляецца ў адказе міністэрства на пэтыцыю з просьбай дэмантаваць памятны знак з гербом іншай дзяржавы.
Віцебскі аблсуд не задаволіў скаргу БНФ аб неўключэньні сябраў партыі ў выбаркамы
Партыя БНФ абскардзіла ў Віцебскім абласным судзе неўключэньне сваіх сябраў у склады выбарчых камісій. Судовы разбор прайшоў 4 верасьня. Патрабаваньне партыйцаў прызнаць рашэньне прэзыдыюму Віцебскага аблсавету і аблвыканкаму ад 1 верасьня 2019 году незаконным суд не задаволіў.
Стрэльчанка: Іду на выбары, бо не хачу, каб мае сыны служылі ў расейскім войску
Вядомая ў райцэнтры Дуброўна на Віцебшчыне апазыцыйная актывіста Натальля Стрэльчанка абвясьціла аб намеры ўдзельнічаць у будучых парлямэнцкіх выбарах у якасьці магчымага кандыдата. Для гэтага ёй неабходна сабраць за 1000 подпісаў.
У Віцебску пачалі працу абласная і 4 гарадзкія выбарчыя камісіі
Раніцай 3 верасьня першыя паседжаньні правялі Віцебская абласная і чатыры гарадзкія выбарчыя камісіі. Былі абраныя старшыні камісій, іх намесьнікі і сакратары, разгледжаныя графікі дзяжурстваў ды іншыя пытаньні. Прагучала нават прапанова прыняць прысягу…
Алесь Кіркевіч расказаў у Віцебску, як трэба супрацьстаяць “русскому миру”
У “Эўрапейскім клюбе” ў Віцебску адбыўся круглы стол “Грамадзянская супольнасьць Беларусі: фактар нацыянальнай бясьпекі і гібрыдныя пагрозы”. У якасьці экспэрта выступіў менскі журналіст і пісьменьнік Алесь Кіркевіч. У дыскусіі ўзяў удзел экс-старшыня партыі БНФ Аляксей Янукевіч.
Канстанцін Смолікаў пераабраны кіраўніком абласной арганізацыі БНФ
У Віцебску 31 жніўня адбылася абласная справаздачна-выбарная канфэрэнцыя партыі БНФ, удзельнікі якой пераабралі Раду партыі, абралі кіраўніка абласной арганізацыі і вызначыліся з дэлегатамі на зьезд у Менску.