Віцебская вобласьць – лідэр у падзеньні сукупнага рэгіянальнага прадукту
Эканамічнае падзеньне на Віцебшчыне працягваецца. У студзені–жніўні 2017 году толькі ў дзьвюх абласьцёх краіны – Віцебскай і Магілёўскай – сукупны рэгіянальны прадукт (СРП) прадоўжыў падзеньне, што цягнулася ў беларускіх рэгіёнах два гады. У чатырох іншых абласьцёх Беларусі СРП пачаў расьці.
Глыбоцкае «згушчыва» далучылі да заводу, адкуль усе ўцякаюць
Вядомы на ўсю краіну і за яе межамі Глыбоцкі малочнакансэрвавы камбінат, вытворцу знакамітага глыбоцкага згушчанага малака, далучылі ў якасьці філіялу да менш пасьпяховага і не такога буйнога Глыбоцкага камбікормавага заводу.
За абразу судзьдзі ў сацыяльных сетках жыхару Віцебску пагражае да 3-х гадоў вязьніцы
У Віцебску прад'явілі абвінавачаньне за абразу ў сацыяльных сетках судзьдзі. Здарэньне адбылося ў лістападзе мінулага году. Жыхар абласнога цэнтру зьмясьціў на сайце адной з тэматычных суполак, прысьвечаных Віцебску, тэкставы камэнтар, які «па сваім зьмесьце ўтрымлівае лінгвістычныя прыкметы абразы судзьдзі», інфармуе афіцыйная прадстаўніца УСК па Віцебскай вобласьці Сьвятлана Сахарава.
Віцябчанка, якая нарадзіла дома і страціла немаўля, абскардзіла вырак суду
31-гадовую Вольгу Сьцяпанаву прызналі вінаватай у прычыненьні сьмерці па неасьцярожнасьці. На падставе часткі 1 артыкулу 144 Крымінальнага кодэксу ёй прызначанае пакараньне ў выглядзе пазбаўленьня волі тэрмінам на 6 месяцаў з адбыцьцём пакараньня ў папраўчай калёніі ва ўмовах пасяленьня. На час, прадугледжаны для абскарджаньня прысуду, меру стрыманьня для яе зьмянілі на падпіску аб нявыезьдзе (4 месяцы да суду Вольга Сьцяпанава знаходзілася ў СІЗА).
Галяндзкія журналісты цікавіліся вучэньнямі, а ў адказ: «Уё... адсюль, бо зараз як стрэльну!»
Галяндзкім журналістам захацелася зьведаць на сабе ўсё тое, з чым даводзіцца сустракацца падчас тэрытарыяльных вучэньняў звычайным людзям у Глыбокім. Да таго ж было цікава зрабіць рэпартаж для газэты: праехаць праз блёк-пост, распытаць у вайскоўцаў пра вучэньні. Як запэўніваў іх Зьміцер Лупач, нічога не атрымаецца. Але калі госьці жадаюць, трэба ж ісьці насустрач і не пакідаць іх у гэтай справе. Паехалі...
Віцебскі інжынэр, звольнены зь «Белтэлекаму» пасьля 16 гадоў працы: Жонка плакала
46-гадовы інжынэр зь Віцебску Андрусь Кешанюк звольнены зь «Белтэлекаму» з прычыны аптымізацыі людзкіх рэсурсаў.
Сьледчыя Полацку: Дырэктар прадпрыемства ЖКГ браў хабары і краў паліва
У Полацку завершанае расьсьледаваньне справы ў дачыненьні да дырэктара аднаго з прадпрыемстваў ЖКГ Полацкага раёну, паведаміла афіцыйная прадстаўніца ўпраўленьня Сьледчага камітэту па Віцебскай вобласьці Сьвятлана Сахарава.
У Віцебску прайшоў пазачарговы выбарны сход партыі БНФ
У парадку дня пазачарговага выбарнага сходу Віцебскай гарадзкой арганізацыі партыі БНФ значылася: выбары гарадзкога кіраўніка, выбары сябраў гарадзкой рады, а таксама выбары дэлегатаў на 18-ы зьезд партыі, які павінен адбыцца 30 верасьня 2017 году ў Менску.
Жыгулову паведамілі, што ягоны сын, зьніклы ў 1998 годзе, быў застрэлены. Справу спынілі
Віцебскі журналіст Уладзімер Жыгулоў атрымаў пастанову са Сьледчага камітэту аб спыненьні справы па факце невядомага зьнікненьня ў 1998 годзе ягонага сына Аляксандра. З пастановы вынікае, што на момант, калі распачыналі справу, “Аляксандар Жыгулоў не зьяўляўся бязь вестак зьніклым, бо загінуў у выніку зьдзейсьненага супраць яго злачынства, прадугледжанага ч. 1 арт. 139 КК РБ (наўмыснае забойства)”.
У Віцебску грамадзкія актывісты працягваюць змагацца супраць пляцоўкі для сабакаў
Жыхары дамоў №7, корпус 1 і корпус 2, што па вуліцы Чкалава, сустрэліся з чыноўнікамі ў Віцебскім аблвыканкаме, каб яшчэ раз агучыць ім свае прэтэнзіі і даведацца, якім чынам улады зьбіраюцца вырашаць праблему пляцоўкі для выгулу сабакаў. Сустрэча адбылася 20 верасьня.