13 верасьня Віцебскі абласны суд прызнаў жыхара Віцебску Пятра Трублінскага вінаватым у распальваньні нацыянальнай варожасьці. За разьмяшчэньне ў сацыяльнай сетцы «УКантакце» відэаролікаў нібыта экстрэмісцкага характару судзьдзя Людміла Ларына вынесла рашэньне пакараць яго двума гадамі зьняволеньня з адтэрміноўкай на адзін год.

Упраўленьне СК РБ па Віцебскай вобласьці распачало крымінальную справу па ч.2 арт. 188 КК РБ (Паклёп) супраць віцяблян Рафаэля Кірылава-Шмільхольдхарда і доктара-праўдаруба Ігара Пастнова. Падставай стала заява пракурора гораду Віцебску Юрыя Раманоўскага.

Чарговай мішэньню невядомых, якія праз сацыяльныя сеткі спрабуюць скампрамэтаваць актывістаў Віцебску, сталася сябра аргкамітэту партыі БХД, журналістка-фрылянсэрка Алена Шабуня. Скрыншот допісу, які нібыта быў зроблены з акаўнту Алены, зьявіўся ў Фэйсбуку 23 жніўня на старонцы "Саша Пятроў".

28-гадовы жыхар Віцебску Пётар Трублінскі можа правесьці да 5 гадоў у калёніі. Нагодай сталі відэазапісы, якія ён разьмясьціў у сацсетках.

Віцебскі сябра Беларускай асацыяцыі журналістаў Уладзімер Лунёў здолеў дамагчыся, каб аддзел унутраных справаў адміністрацыі Кастрычніцкага раёну паўторна заняўся расьсьледваньнем акалічнасьцяў зьяўленьня і распаўсюду відэароліка, у якім невядомыя абражаюць журналістаў і відэаблогерку Алену Янушкоўскую.

4 траўня ў кватэры Дубровенскага актывіста Аб'яднанай грамадзянскай партыі Міхаіла Чамуракі прайшоў ператрус, канфіскаваны ноўтбук і сыстэмны блёк кампутара. Адначасова другая брыгада, якая складалася з двух мясцовых супрацоўнікаў і аднаго зь Віцебску ў цывільным, апісала маёмасьць у доме, дзе пражывае маці актывіста. У жанчыны, інваліда 2-й групы, падскочыў ціск, ёй выклікалі хуткую.

Рэдактар «Народных навінаў Віцебску» Сяржук Серабро напісаў артыкул « На Дзьвіне ў Віцебску пачалася паводка, ці затопіць разводзьдзе Залатую рыбку на набярэжнай?» і аздобіў тэкст уласнымі фотаздымкамі. Пасьля таго, як артыкул — дарэчы, без аніякіх спасылак на аўтарства — трапіў у сацыяльную сетку «УКантакце», журналіст атрымаў спачатку прапановы выдаліць адно фота, а потым паведамленьне пра заяву ў міліцыю.

Аб’ектам «творчасьці» невядомых асобаў стаўся аршанскі сябра БХК Васіль Берасьнеў. У сеціве зьявіўся відэаролік зь нібыта «кампраматам» на актывіста, які распаўсюджваюць з фэйкавых акаўнтаў.

На youtube зьявіўся чарговы ролік з мэтаю дыскрэдытаваць віцебскага праваабаронцу. Апублікаваны ён нібыта ад імя вядомага «лекара-праўдаруба» Ігара Пастнова, які катэгарычна адмаўляе сваю датычнасьць да гэтага.

За распальваньне рэлігійнай варожасьці, выраб выбуховага прыстасаваньня і распаўсюд парнаграфіі 34-гадовы жыхар Полацку Аляксей Ціханкоў прысуджаны судовай калегіяй па крымінальных справах Віцебскага абласнога суду да 12 гадоў пазбаўленьня волі.