Трое актывістак аргкамітэту партыі БХД сустрэліся 5 верасьня з начальнікам упраўленьня аховы здароўя Віцебскага аблвыканкаму Юрыем Дзеркачом. Дзеля загадзя заплянаванай сустрэчы з чыноўнікам Тацяна Севярынец і Ірына Захарава вырашылі не ісьці на судовы працэс, фігурантамі якога яны зьяўляліся. Апроч іх, удзел у сустрэчы ўзяла актывістка Алена Шабуня.

30 жніўня судовая калегія па грамадзянскіх справах Віцебскага абласнога суду ў складзе судзьдзяў Аляксандра Федзюкевіча, Ніны Сазонавай і Натальлі Лях разгледзела скаргу Валера Місьнікава на рашэньне суду Кастрычніцкага раёну гораду Віцебску ад 23 ліпеня. Справа тычылася пазову праваабаронцы да службовых асобаў Віцебскага абласнога клінічнага цэнтру псыхіятрыі і наркалёгіі (ВАКЦПіН).

Са скаргай на неправамерныя дзеяньні службовых асоб у суд Кастрычніцкага раёну зьвярнуўся праваабаронца Валер Місьнікаў. Пазоўнік прасіў аднавіць яго правы і законныя інтарэсы, парушаныя мэдыкамі Віцебскага абласнога клінічнага цэнтру псыхіятрыі і наркалёгіі (ВАКЦПіН). Аднак пасьля шэрагу паседжаньняў судзьдзя Алеся Жарыкава 23 ліпеня вынесла пастанову: у задавальненьні пазову адмовіць.

Каля 15-ці гадоў адпрацавала ткачыхай на полацкім «Шкловалакне» Алена Палаўчэня. У 2012 годзе яна звольнілася па стане здароўя, а ў 2014-м у яе выявілі прафэсійнае захворваньне са стратай працаздольнасьці ў 30%.

Жыхарка Бабруйску Натальля А. разам з 10-гадовай дачкой прыехала ў санаторый «Расінка» у Мёрскім раёне. Жанчына нават у страшным сьне не магла ўявіць, што доўгачаканы адпачынак абернецца сур'ёзнымі праблемамі са здароўем. Натальля шукала будынак адміністрацыі, каб засяліцца. Увайшла ў адчыненыя дзьверы – і ўпала ў склеп. Цяпер 37-гадовая жанчына ляжыць у шпіталі са страсеньнем мозгу і выбітымі зубамі. Яе дачка праходзіць аздараўленьне адна, і таксама захварэла, пакуль мамы няма побач.

Параўнальны аналіз цэнаў на лекі ў Віцебску і Смаленску, а таксама ў раёнах Віцебскай вобласьці правёў Камітэт дзяржкантролю. Параўнаўшы кошты прэпаратаў 30 найменьняў,  праверка высьветліла, што ў палове выпадкаў лекі ў віцебскіх аптэках на траціну даражэйшыя, чымся ў суседнім Смаленску. Цэны на другую палову адрозьніваюцца мала.

У нашумелай гісторыі, якая адбылася ў віцебскай аптэцы месяц таму з удзелам “жанчыны з сабачкам” ужо пастаўленая кропка. Нагадаем, наведніцу аптэкі, якая называла правізара “сьмярдзючай жывёлінай”, суд пакараў штрафам паводле двух артыкулаў КаАП (за зьнявагу і хуліганства). Але Мінздраў мае іншы пункт гледжаньня на тое, хто вінаваты ў той сытуацыі.

Напісаў скаргу на лекі ад дыябэту беларускай вытворчасьці – атрымаў курс прымусовага псыхіятрычнага лекаваньня. Гэта гісторыя нашага героя зь Віцебску ў некалькіх словах. Празь перажытыя зьдзекі ў вар’ятнi ды боязь зноў апынуцца ў «жоўтым доме» ён баіцца паказаць на відэа твар.

31-гадовую Вольгу Сьцяпанаву прызналі вінаватай у прычыненьні сьмерці па неасьцярожнасьці. На падставе часткі 1 артыкулу 144 Крымінальнага кодэксу ёй прызначанае пакараньне ў выглядзе пазбаўленьня волі тэрмінам на 6 месяцаў з адбыцьцём пакараньня ў папраўчай калёніі ва ўмовах пасяленьня. На час, прадугледжаны для абскарджаньня прысуду, меру стрыманьня для яе зьмянілі на падпіску аб нявыезьдзе (4 месяцы да суду Вольга Сьцяпанава знаходзілася ў СІЗА).

7 верасьня ў Першамайскім раённым судзе Віцебску пачаўся разбор справы паводле артыкулу 178, ч. 1 Крымінальнага Кодэксу РБ, які прадугледжвае пакараньне за раскрыцьцё лекарскай таямніцы. Прыватным абвінаваўцам выступіў віцебскі праваабаронца, сябра Беларускага Хэльсынскага Камітэту Павал Левінаў.