У сацыяльных сетках распаўсюджваюцца абразьлівыя матэрыялы пра віцебскіх незалежных кандыдатаў
Невядомыя асобы, якія хочуць дыскрэдытаваць дэмакратычных актывістаў, выкарыстоўваюць фота- і відэаматэрыялы з інтэрнэту. У выніку ў сацыяльнай сетцы “Вконтакте” зьявіліся відэаролікі зь пікетаў Тацяны Севярынец, Алены Шабуні і Георгія Станкевіча, але з зусім іншым гукавым шэрагам. Актывісты мяркуюць, што падчас падрыхтоўкі ролікаў маглі быць выкарыстаныя відэазапісы, зробленыя міліцэйскімі апэратарамі.
Супраць трох віцебскіх кандыдатаў адноўленыя адміністрацыйныя справы за сьпевы на пікеце
Алена Шабуня, Тацяна Севярынец і Георгі Станкевіч трапілі пад увагу міліцыі 27 ліпеня за сьпевы на пікеце па зборы подпісаў. Супрацоўнік Кастрычніцкага РАУС апытаў актывістаў, супраць якіх была распачатая адміністрацыйная вытворчасьць нібыта за несанкцыянаваную вулічную акцыю. 11 жніўня ўсім тром паведамілі, што справы спыненыя. Аднак абласная ўправа міліцыі вырашыла, што райаддзел не ўлічыў нейкія акалічнасьці, і справы аднавілі.
Тацяна Севярынец: Жаданьня дапамагаць людзям я не згублю ніколі
Кандыдатка ў дэпутаты па Віцебскай-Чкалаўскай выбарчай акрузе №18 Тацяна Севярынец удзень 26 жніўня правяла пікет у мікрараёне Білева. Падчас пікету яна спалучыла агітацыйныя задачы з элемэнтамі дзіцячага мастацкага пленэру пад назвай «У Білеве няма. А я мару...»: білеўскія дзеці малявалі свае мары. А ўвечары ў актавай залі школы №46 адбылася сустрэча з выбаршчыкамі.
Георгі Станкевіч: Просты чалавек зьяўляецца найвышэйшай каштоўнасьцю кожнай краіны
Агітацыйная кампанія кандыдатаў у дэпутаты ў самым разгары. Кожнаму з кандыдатаў было дадзена пяць хвілінаў тэлевыступу, пяць хвілінаў радыёэтэру і пяць хвілінаў удзелу ў тэледэбатах, каб выкласьці сваю выбарчую праграму і пераканаць выбарцаў у тым, што менавіта ён зьяўляецца самым годным абаронцам народных інтарэсаў ў Палаце прадстаўнікоў краіны.
Віцебск: кандыдат у дэпутаты ад «Справядлівага сьвету» паскардзіўся на акруговую выбарчую камісію
Акруговая камісія Віцебскай-Чыгуначнай выбарчай акругі №19 надрукавала і распаўсюдзіла ўлёткі і плякаты з загадзя непраўдзівай інфармацыяй, якая дыскрэдытуе кандыдата ў дэпутаты ад Беларускай партыі левых «Справядлівы сьвет», падпалкоўніка ў адстаўцы Вадзіма Кузьміна.
Кандыдату ў дэпутаты ад «Гавары праўду» Ягору Левачову вынесенае папярэджаньне
Акруговая выбарчая камісія (АВК) Лепельскай выбарчай акругі №23 прыняла рашэньне аб вынясеньні папярэджаньня кандыдату за нібыта парушэньне ім выбарчага кодэксу. Каб зьявілася падстава для такога рашэньня, чальцы камісіі «дапоўнілі» кодэкс, а дакладней яго артыкул 77, уласным тэкстам.
У Воршы зьявіліся першыя агітацыйныя плякаты кандыдатаў у дэпутаты
У Аршанскім раёне дзьве акругі: Аршанская, якая аб'ядноўвае большую частку гораду, і Аршанская-Дняпроўская, якая аб'ядноўвае Аршанскі раён і частку гораду. Кандыдаты ў дэпутаты пачалі агітацыю. У горадзе зьявіліся першыя плякаты некаторых зь іх.
Ягор Левачоў: Патрэбныя законы, якія б прадухілялі масавае беспрацоўе
Ягору Левачову – дваццаць два гады. Пра такіх кажуць: малады ды раньні. Сёлета кампанія «Гавары праўду» прапанавала яму ўдзельнічаць у выбарах, і цяпер актывіст зьяўляецца кандыдатам у дэпутаты Палаты прадстаўнікоў па Лепельскай выбарчай акрузе № 23.
У Віцебскай вобласьці зарэгістравана 65 кандыдатаў у дэпутаты
Паводле рашэньня акруговых камісіяў у рэгіёне зарэгістравана 65 кандыдатаў у дэпутаты (усяго вылучалася 86 чалавек). Віцебскай вобласьці неабходна абраць у парлямэнт 14 дэпутатаў. Конкурс у сярэднім па вобласьці складае 4,6 чалавека на месца. Самая высокая канкурэнцыя ў Віцебскай-Чкалаўскай акрузе №18, дзе кандыдацкія пасьведчаньні атрымалі 7 чалавек.
Асноўная прычына адмовы ў рэгістрацыі кандыдатамі на Віцебшчыне – прэтэнзіі да подпісаў
У Віцебску і ў Воршы адмовы ў рэгістрацыі атрымалі некалькі патэнцыйных кандыдатаў – прадстаўнікоў дэмакратычных рухаў і апазыцыйных партыяў.