Моўная дыскрымінацыя. На Віцебшчыне няма дэпутацкіх праграм напісаных на беларускай мове!
На 60 дэпутацкіх месцаў Віцебскага абласнога Савета дэпутатаў балатуецца 115 кандыдатаў, г.зн. каэфіцыент канкурэнтнасці 1,9 чалавека на мандат. Неабходна адзначыць, што ў 10 акругах балатуецца толькі адзін кандыдат, у 45 - па два і ў 5 - па тры кандыдаты. Усе зарэгістраваныя прэтэндэнты на сайце Вітаблвыканкаму апублікавалі свае перадвыбарчыя праграмы. Прычым усе праграмы напісаны на рускай мове.
Выбарная кампанія ў абласны прадстаўнічы орган улады пакуль не з'яўляецца «ўзорам дэмакратыі»
У Віцебскі абласны Савет дэпутатаў сярод прэтэндуючых на дэпутацкае крэсла практычна няма канкурэнцыі, парушаны гендэрны баланс, адсутнічаюць прадстаўнікі ад рабочых і сялян, а таксама намеціўся ўнутрыпартыйны "дамоўнячок". Калі такая тэндэнцыя захаваецца пасля рэгістрацыі кандыдатаў, то можна будзе канстатаваць аб поўнай дэградацыі гэтага інстытута мясцовага прадстаўнічага органа ўлады.
Віцебск: Выбары скончыліся, пытаньні засталіся
18 лютага завяршыўся трохмесячны выбарчы маратон, які дазволіў сфармаваць мясцовыя прадстаўнічыя органы ўлады – Саветы дэпутатаў. Зразумела, гэта значны палітычны вынік, які дасягнуты мясцовай выканаўчай галіной улады. Іншым вынікам мясцовых выбараў можна лічыць відавочны факт, што выбарчая сыстэма ў цяперашнім яе выглядзе падрывае давер да вынікаў галасаваньня і выклікае сумнеў у легітымнасьці дэпутатаў.
Аляксей Гаўруцікаў: Дэпутат мусіць быць выразьнікам голасу народу
На сёлетніх выбарах юрыст Аляксей Гаўруцікаў вылучаецца кандыдатам у дэпутаты ў Віцебскі абласны і Віцебскі гарадзкі саветы ад партыі БНФ пры падтрымцы руху “За свабоду”. З красавіка 1990 па кастрычнік 1997 году ён ужо быў дэпутатам Віцебскага гарадзкога савету і мае багаты досьвед працы.
У Віцебску кожны перадвыбарчы апазыцыйны пікет становіцца аб’ектам пільнай увагі спэцслужбаў
Заўважнай адметнасьцю сёлетніх перадвыбарчых апазыцыйных пікетаў у Віцебску стала абавязковая прысутнасьць на іх супрацоўнікаў спэцслужбаў, якія вядуць непрыхаваную відэафіксацыю.
На перадвыбарчым пікеце актывісты БХД агітавалі супраць закрыцьця сайту «Хартыя-97»
Перадвыбарчыя агітацыйныя пікеты сталі прыкметнай зьявай на віцебскіх вуліцах. Так, у апошні дзень студзеня на чарговым пікеце прадстаўнікі «Беларускай хрысьціянскай дэмакратыі» агітавалі віцебчукоў галасаваць за кандыдата ў дэпутаты Віцебскага гарсавету па Чкалаўскай акрузе № 18 Ірыну Захараву і адстойвалі канстытуцыйнае права беларусаў на свабоду слова.
Алена Янушкоўская: Хачу, каб людзі навучыліся аб’ядноўвацца і адстойваць свае правы
Па выніках першага этапу выбарчай кампаніі грамадзкая актывістка зь вёскі Суйкава Віцебскага раёну Алена Янушкоўская была зарэгістраваная кандыдатам у дэпутаты Віцебскага абласнога і Віцебскага раённага саветаў дэпутатаў. Хацела стаць яшчэ кандыдатам у дэпутаты роднага Заронаўскага сельскага савету, але не атрымалася.
Віцебск: У палове акругаў выбары будуць безальтэрнатыўныя
На чарговым паседжаньні, 18 студзеня, Віцебская гарадзкая выбарчая камісія па выбарах дэпутатаў Віцебскага гарадзкога Савету дэпутатаў дваццаць восьмага скліканьня зарэгістравала 68 кандыдатаў у дэпутаты. Пяцёра прэтэндэнтаў, якія хацелі пазмагацца за дэпутацкія мандаты, атрымалі адмовы.
Вярхоўны Суд не задаволіў скаргу былых кандыдатаў у дэпутаты
Скарга тычылася рашэньня Кастрычніцкага райсуду Віцебску, які прызнаў патэнцыйных кандыдатаў у дэпутаты Тацяну Севярынец, Алену Шабуню і Георгія Станкевіча вінаватымі ў парадку правядзеньня масавых акцыяў, за што аштрафаваў кожнага на 105 рублёў.
Былыя кандыдаты ў дэпутаты просяць умяшацца пракуратуру
Тацяна Севярынец, Георгі Станкевіч і Алена Шабуня нязгодныя з пастановай лейтэнанта міліцыі М. Дарогенскага, які ня ўбачыў абразы ў роліку, дзе на відэа, зробленае падчас выбарчай кампаніі, калі кандыдаты сьпявалі гімн «Магутны Божа», накладзены іншы гук – песьня зь нецэнзурнымі словамі.