Схуднеў на 28 кг. З наваполацкай калоніі выйшаў палітвязень Канстанцін Дудзікаў
Індывідуальны прадпрымальнік з Быхава Канстанцін Дудзікаў быў затрыманы 16 верасня 2021г. і асуджаны паводле артыкулу аб абразе прадстаўніка ўлады (арт. 369 Крымінальнага кодэксу). Спачатку яго асудзілі на 1 год і 6 месяцаў абмежавання волі з накіраваннем у папраўчую ўстанову адкрытага тыпу («хімія»), але 18 красавіка 2022 адбыўся яшчэ адзін суд, у выніку якога Канстанціну змянілі рэжым на пазбаўленне волі ў калоніі ўзмоцненага рэжыму. Нейкі час ён знаходзіўся ў СІЗА-1, а з 15 траўня 2022 г. быў пераведзены ў наваполацкую ПК № 1.
Больш за месяц няма лістоў ад палітвязня Мікалая Статкевіча
Жонка зняволенага палітыка Марына Адамовіч напісала ў Фэйсбуку, што ўжо месяц не атрымлівае лістоў ад мужа, які адбывае пакаранне ў Глыбоцкай калоніі. Жанчына мяркуе, што лісты могуць не праходзіць турэмную цэнзуру, бо Мікалай Статкевіч піша пра цяжкія ўмовы ўтрымання за кратамі і пра новы пазоў да групы асуджаных, у тым ліку і да яго самога, каб спагнаць вялікую суму грошай «за дадатковую працу» сілавікоў падчас падзей 2020 году. Што да самога палітыка, то ён быў затрыманы яшчэ 31 траўня 2020 году ў Менску, калі ён збіраўся наведаць перадвыбарчы пікет Святланы Ціханоўскай.
Палітвязня Андрэя Кузнечыка этапавалі ў Наваполацкую калонію
Ураджэнец Віцебску, журналіст Радыё Свабода Андрэй Кузнечык, асуджаны да 6 гадоў пазбаўлення волі па справе аб экстрэмісцкім фармаванні, прыбыў адбываць пакаранне ў наваполацкай калоніі №1. Ліст са штэмпелем гэтай установы атрымала жонка палітзняволенага Алеся Рак. Суддзя Магілёўскага абласнога суду Ігар Шведаў прызнаў журналіста вінаватым паводле ч. 1 арт. 361-1 КК («Стварэнне экстрэмісцкага фармавання або ўдзел у ім»), і прызначыў пакаранне ў выглядзе зняволення ў калоніі ўзмоцненага рэжыму на тэрмін 6 гадоў.
Цяжка хворы палітзняволены Павел Вінаградаў схуднеў амаль на 40 кілаграмаў
Нядаўна ў палітзняволенага блогера і актывіста выявілі сухоты. Раней была інфармацыя, што Вінаградава пазбавілі працяглага спаткання за сон у дзённы час. Напрыканцы ліпеня яго перавялі ў аршанскую папраўчую калонію № 12, вядомую тым, што там утрымліваюцца і лечацца асуджаныя, хворыя на актыўную форму сухотаў. Ёсць звесткі аб тым, што ў ПК-12 з боку адміністрацыі ў дачыненні да зняволеных практыкуюцца здзекі, у "зоне" для хворых ежа і санітарныя ўмовы не адпавядае медыцынскім нормам, у турэмны магазін завозяцца тавары, цэны на якія ў разы перавышаюць іх кошты па-за калоніяй.
Палітвязня Паўла Вінаградава перавялі ў аршанскую калонію, дзе ўтрымліваюць хворых на сухоты
Жыхар пасёлка Беразіно Менскай вобласці, блогер і актывіст Павел Вінаградаў быў асуджаны да 5-ці гадоў пазбаўлення волі ў калоніі агульнага рэжыму. На пачатку ліпеня 2022 г.яго этапавалі ў ваўкавыскую ПК № 11, але неўзабаве ў палітвязня на рэнтгене знайшлі пляму ў лёгкіх. Ён прайшоў курс антыбіётыкаў, але гэта не прынесла плёну. 28 ліпеня 2022 г. Вінаградава перавялі ў аршанскую калонію № 12, так званую «сухотную». Паводле інфармацыі ад тых, каго там утрымлівалі, умовы ў гэтай калоніі небяспечныя для здароўя.
Палітвязня Сяргея Наліўку пераводзяць у калонію з віцебскай «хіміі»
У Віцебску, у судзе Чыгуначнага раёну Віцебску прайшоў працэс над фігурантам берасцейскай «карагоднай справы» Сяргеем Наліўкам. Суддзя Дзяніс Аляксеенка пастанавіў перавесці палітвязня з "хіміі" у папраўчую калонію тэрмінам на шэсць месяцаў і адзін дзень. Дагэтуль, паводле рашэння суду Маскоўскага раёну Берасця, палітзняволены Сяргей Наліўка адбываў прысуджаны ў красавіку 2021г. тэрмін абмежавання волі (два гады хіміі) у віцебскай ПУАТ №9.
Палітвязня Андрэя Кузнечыка збіраюцца накіраваць у Наваполацкую калонію
Журналіст Радыё Свабода, ураджэнец Віцебску Андрэй Кузнечык, асуджаны да 6 гадоў пазбаўлення волі па справе аб экстрэмісцкім фармаванні. З Дэпартаменту выканання пакаранняў МУС ягонай жонцы паведамілі, што ён будзе накіраваны ў наваполацкай калонію №1. Але пакуль ён знаходзіцца ў магілёўскім СІЗА і чакае разгляду апеляцыйнай скаргі (ён прызначаны на 12 жніўня).
Былы палітвязень распавёў пра катаванні ў Віцебскім СІЗА і Наваполацкай калоніі
Арцёму Хвашчэўскаму 31 год. Пасля затрымання на мітынгу, які адбыўся пасля прэзідэнцкіх выбараў у Беларусі 19 снежня 2010 года, з'ехаў у Польшчу, дзе і размясціўся. Ва Вроцлаве Хвашчэўскі скончыў акадэмію фізвыхавання, паралельна гуляў у польскім «міноры», працаваў трэнерам. Пасля траўмы скончыў з гэтым і заняўся футбольнай аналітыкай па польскай Экстракласе ў кампаніі Instat. Артыкул публікуецца ў рамках “Тыдня супраць катаванняў-2022”.
Палітвязень Віктар Бабарыка змешчаны на 10 сутак у штрафны ізалятар
Паводле інфармацыі сваякоў, гэта адбылося 15 чэрвеня. За парушэнне рэжыму адбыцця пакарання адміністрацыя Наваполацкай папраўчай калоніі №1 змясцілі палітыка ў штрафны ізалятар. Афіцыйная версія заключаецца ў тым, што палітвязень нібыта ўступіў у канфлікт з сукамернікам, які заключаўся ў размове на падвышаных танах.
Як сябра «Вясны» праваабаронца Леанід Судаленка адбывае пакараньне ў калёніі «Віцьба-3»
У лістападзе 2021 года суд прызнаў Судаленку вінаватым у «арганізацыі масавых беспарадкаў» (артыкул 342 Крымінальнага кодэксу). А таксама што ён дапамагаў затрыманым на пратэстах у 2020 годзе беларусам плаціць штрафы. Таксама ўлады вінавацілі Леанід у дапамазе людзям складаць скаргі, падтрымліваў іх. Адміністрацыя віцебскай калёніі чыніць рэпрэсіі ў дачыненні да праваабаронцы: не дапускаюць да праваабаронцы адваката, не аддаюць лісты нават ад блізкіх людзей.