У сераду 17 чэрвеня сябры і валянтэры ініцыятыўнай групы патэнцыйнай кандыдаткі на прэзыдэнцтва Сьвятланы Ціханоўскай падалі падпісныя лісты ў раённыя камісіі па выбарах гораду Віцебску. Агулам у камісіі Першамайскага, Чыгуначнага і Кастрычніцкага раёнаў было пададзена каля 5000 подпісаў за Ціханоўскую.

Праваабаронца Павал Левінаў зьвярнуўся да сябраў Віцебскай абласной камісіі па выбарах прэзыдэнта з просьбай запрасіць на паседжаньне камісіі начальніка УУС аблвыканкаму Міхаіла Грыба, каб патлумачыў, на якіх падставах 31 траўня міліцыянты спрабавалі перашкодзіць выбарцам ставіць подпісы ў падтрымку прэтэндэнтаў у кандыдаты на прэзыдэнцтва.

Віцебскі праваабаронца Павал Левінаў лічыць, што падчас фармаваньня Віцебскай абласной выбарчай камісіі мела месца дыскрымінацыя: старшыня абласнога савету Уладзімер Цярэнцьеў кепска азваўся пра яго, выступаючы перад прысутнымі, паведамляе Беларускае Радыё Рацыя.

19 траўня Цэнтральная камісія па выбарах і правядзеньні рэспубліканскіх рэфэрэндумаў прыняла пастанову аб адмове ў рэгістрацыі ініцыятыўных груп пяці «кандыдатаў пратэсту» зь Віцебскай вобласьці. Трое зь іх – Натальля Стрэльчанка, Аляксандар Якушкоў і Уладзімер Кійко – падалі на гэтае рашэньне скаргі ў Вярхоўны суд.

У аўторак 19 траўня на сумесным паседжаньні Віцебскага аблвыканкаму і абласнога Савету дэпутатаў была ўтвораная Віцебская абласная выбарчая камісія (ВАВК) па выбарах прэзыдэнта краіны. У складзе камісіі – 7 прадстаўнікоў грамадзкіх арганізацый, 4 чалавекі ад партый, 2 – вылучаныя грамадзянамі.

Паводле вынікаў, якія былі агучаныя 17 лістапада 2019 года старшынёй Віцебскай-Чыгуначнай выбарчай акругі №19 Сьвятланай Міхальчанка, на выбарчыя ўчасткі акругі прыйшлі і прагаласавалі 54 тыс. 736 чалавек. Гэта складае 86% ад колькасьці ўсіх выбаршчыкаў (63 тыс. 643) у акрузе. Фантастычная лічба нават для Беларусі!

Віцебскі абласны суд 16 лістапада разгледзеў скаргу аршанскага блогера Дзьмітрыя Казлова, вядомага як «Шэры Кот», да абласной выбарчай камісіі, якая колькі дзён таму пацьвердзіла правільнасьць зьняцьця яго з выбараў. Судзьдзя Тацяна Дзегцярова скаргу блогера не задаволіла.

Агульны бюджэт 19 кандыдатаў у дэпутаты, якія балятуюцца ў Віцебску, склаў 5100 рублёў. Гэта значыць у сярэднім па 270 рублёў на кожнага прэтэндэнта на месца ў парлямэнце. Але гэта – у сярэднім...

Сёлетнія выбары ў парлямэнт прыкметныя гарачай актыўнасьцю, якую праяўляюць дзяржаўныя грамадзкія арганізацыі – Беларускі рэспубліканскі саюз моладзі (БРСМ) і Фэдэрацыя прафсаюзаў Беларусі…

Віцебская абласная выбарчая камісія 13 лістапада не задаволіла скаргу блогера Дзьмітрыя Казлова (Шэры Кот) на рашэньне выбарчай камісіі Аршанскай гарадзкой акругі №25, якая 8 лістапада пазбавіла яго статусу кандыдата ў дэпутаты. Блогер зьбіраецца зьвярнуцца ў абласны суд.