Полацкі актывіст і блогер Алесь Круткін быў затрыманы 20 красавіка па дарозе на мітынг у Берасьце, куды дабіраўся аўтастопам. Ён правёў двое сутак у полацкім  ізалятары і быў аштрафаваны на 15 базавых велічынь за заклік памаліцца 15 красавіка за Курапаты ля рэзыдэнцыі прэзыдэнта (арт. 23.34 КаАП).

Жыхара Віцебску Сяргея Сясіцкага апыталі наконт зьместу ягонай старонкі ў сацыяльнай сетцы “Фэйсбук” і забралі мабільны тэлефон. Прадстаўнік крымінальнага вышуку паведаміў, што сьледчыя праводзяць праверку на наяўнасьць прапаганды экстрэмізму або распальваньня міжнацыянальнай варожасьці, піша Беларускае Радыё Рацыя.

Віцяблянін Сяргей Сікора назваў у відэароліку супрацоўнікаў аховы Віцебскага мясакамбінату “рэжымнікамі” і расказаў, як яны “бегаюць па камбінаце і хапаюць людзей за сасіску”. Прадстаўнікі прадпрыемства патрабавалі ў судзе выбачэньняў і выдаленьня відэа. Пазоўныя патрабаваньні былі задаволеныя, але часткова…

Калі трэба ратаваць гонар мундура – для міліцыі прыдатныя любыя сродкі, у тым ліку – хлусьня, утойваньне фактаў і банальнае самачынства. Вашай увазе – чарговы матэрыял у межах мультымэдыйнага праекту #БезПраваНаРасправу праваабарончага цэнтру “Вясна”.

Гісторыя адной сям’і часам адлюстроўвае лёс усёй Айчыны. Чаму маладыя і здаровыя беларусы пакідаюць Беларусь? Калі гэтыя “ўцёкі” пачаліся і ці спыняцца ў будучыні? Сваімі ўласнымі развагамі на гэты конт дзеліцца наш сталы аўтар С. Горкі.

Пра акцыю, што адбылася ў нядзелю, 25 лютага, распавёў у сваім блогу на пляцоўцы livejournal.com адзін зь яе ўдзельнікаў Аляксандар Лапшын. «Сёньня ў Вільні люты мароз, -15 градусаў і вецер. Але мы вольныя, і адразу пасьля пікету пойдзем у кавярню. А сябры ў беларускай турме замярзаюць у халодных камэрах, ходзяць на дзірку ў падлозе і мыюцца ледзяной вадой», – напісаў блогер.

Белы Volkswagen Passat CC загарэўся апоўначы 26 студзеня. Праз колькі дзён у сеціве зьявіліся зьвесткі, што машына належыць відэаблогеру Яўгену Куляшову – аўтару праекту пра выкрыцьцё парушэньняў на СТА.

Вользе Жураўскай так і не ўдалося пераканаць судзьдзю, што яна ня брала ўдзелу ў акцыі, а толькі здымала відэа для свайго каналу. Суд пастанавіў пакараць блогерку штрафам у памеры 15 базавых велічынь.