Жыхар Полацку асуджаны на паўтара гады калоніі за абразу Лукашэнкі
30 верасня ў судзе Полацку і Полацкага раёну вынесены прысуд Алегу Крычкоўскаму, прызнанаму вінаватым паводле ч.1 арт. 368 Крымінальнага кодэксу. Суддзя Уладзімір Бясецкі пастанавіў пакараць мужчыну зняволеннем на паўтара гады, як і прапанавала напярэдадні прадстаўніца полацкай пракуратуры Вольга Коласава. Падсудны цалкам прызнаў сваю віну.
Схуднеў на 28 кг. З наваполацкай калоніі выйшаў палітвязень Канстанцін Дудзікаў
Індывідуальны прадпрымальнік з Быхава Канстанцін Дудзікаў быў затрыманы 16 верасня 2021г. і асуджаны паводле артыкулу аб абразе прадстаўніка ўлады (арт. 369 Крымінальнага кодэксу). Спачатку яго асудзілі на 1 год і 6 месяцаў абмежавання волі з накіраваннем у папраўчую ўстанову адкрытага тыпу («хімія»), але 18 красавіка 2022 адбыўся яшчэ адзін суд, у выніку якога Канстанціну змянілі рэжым на пазбаўленне волі ў калоніі ўзмоцненага рэжыму. Нейкі час ён знаходзіўся ў СІЗА-1, а з 15 траўня 2022 г. быў пераведзены ў наваполацкую ПК № 1.
Жыхара Віцебска ўлады занеслі ў спіс “тэрарыстаў”
У сярэдзіне верасня кірайніцтва Камітэта дзяржаўнай бяспекі ўключыў палітвязня Мікіту Палеонака ў спіс асобаў, "датычных да тэрарыстычнай дзейнасці". Цяпер у «тэрарыстычным» спісе КДБ 905 чалавек, большасць з іх палітвязні.
Суд вырашыў, што рабочы абразіў міністра і прэзідэнта
Суддзя Міхаіл Юрчанка суда Першамайскага раёна Віцебска 14 верасня вынес прысуд у дачыненні да Яўгена Гукава. Мужчына прызнаны вінаватым у абразе прэзідэнта (ч. 1 арт. 368 Крымінальнага кодэкса) і абразе прадстаўніка ўлады (арт. 369 Крымінальнага кодэкса) і прызначыў яму пакаранне ў выглядзе пазбаўлення волі тэрмінам на адзін год і 10 месяцаў у калоніі агульнага рэжыму.
Cуд Наваполацку вырашыў канфіскаваць ноўтбук памерлага, якога збіраліся судзіць за абразы чыноўнікаў
Наваполацкі суд спыніў крымінальную справу, распачатую супраць мясцовага жыхара паводле артыкула 369 Крымінальнага кодэксу (абраза прадстаўніка ўлады) – праз тое, што падсудны памёр. Ён знаходзіўся пад падпіскай аб нявыездзе, але суду не дачакаўся. Тым не менш, суд пастанавіў канфіскаваць ноўтбук памерлага, з якога, паводле версіі абвінавачвання, былі пакінутыя абразлівыя каментары, адрасаваныя чыноўнікам.
Палітвязню з Віцебска запрасілі 4,5 гады калоніі за актыўнасць у інтэрнэце
У Віцебскім абласным судзе тры дні адбываецца суд над 28-гадовым Мікітам Палеонкам. Яго судзяць адразу па чатырох артыкулах Крымінальнага кодэкса: арт. 368 (абраза Лукашэнкі), арт. 369 (прадстаўнікоў улады), ч. 3 арт. 361-1 (стварэнне экстрэмісцкага фарміравання альбо ўдзел у іх), арт. 130 (распальванне іншай сацыяльнай варожасці). 12 жніўня пракурор запрасіў яму чатыры з паловай гады калоніі. Прысуд будзе вынесены ў панядзелак. Мікіта ўтрымліваецца за кратамі сем месяцаў.
На 3 гады “хіміі” асуджаны жыхар Полацка за абразы супрацоўнікаў міліцыі
Такі прысуд вынесла суддзя cуда Полацка і Полацкага раёна Раіса Штуро 13 ліпеня Ігару Іванову, які абвінавачваўся ў абразе супрацоўнікаў міліцыі і Дэпартамента выканання пакаранняў у межах артыкула 369 Крымінальнага кодэкса. Таксама суд задаволіў патрабаванні чатырох пацярпелых у кампенсацыі маральнай шкоды ў памерах 1 000 рублёў кожнаму.
6 ліпеня палітвязнямі прызналі аршанца Аляксандра Вольскага і віцябляніна Віктара Ўласенку
Аляксандр Вольскі асуджаны за допіс «ВКонтакте» паводле арт. 130 Крымінальнага кодэксу (Распальванне расавай, нацыянальнай, рэлігійнай або сацыяльнай варожасці) да 3-х гадоў «хіміі». Віктар Уласенка асуджаны да 4-х гадоў калоніі агульнага рэжыму адразу па трох крымінальных артыкулах, у тым ліку за абразу Лукашэнкі і прадстаўнікоў улады.
Раённы суд С. Пецярбурга падоўжыў на 4,5 месяцы меру стрымання аршанцу Андрэю Рускіх
Беларус быў затрыманы 28 траўня па абвінавачваннях у абразе Лукашэнкі і распальванні расавай, нацыянальнай, рэлігійнай або іншай сацыяльнай варожасці ці варожасці. Прычынай абвінавачання сталі некалькі каментароў у сацыяльных сетках. З Беларусі ўжо паступіла патрабаванне аб выдачы Андрэя. Ён прабудзе ў СІЗА да 27 лістапада.
Андрэю Патрэбку, ужо асуджанаму за за абразу Аляксандра Лукашэнкі, вынеслі новы прысуд
У судзе Полацкага раёну і гораду Полацку 28 чэрвеня вынесены яшчэ адзін прысуд жыхару пасёлка Фарынава Андрэю Патрэбку – цяпер за абразу прадстаўнікоў улады (арт. 369 Крымінальнага кодэксу). На момант суду ён ужо быў асуджаны да 3-х гадоў так званай «хатняй хіміі» за абразу Аляксандра Лукашэнкі (ч.1 арт. 368 Крымінальнага кодэксу). Цяпер суддзя Уладзімір Бясецкі прысудзіў Андрэю Патрэбку 4 гады абмежавання волі ва ўстанове адкрытага тыпу.