Віцебскі абласны суд не задаволіў скаргу актывіста ініцыятывы «Хайсы»
18 красавіка судзьдзя Віцебскага абласнога суду Сьвятлана Іванова разгледзела скаргу сябра грамадзкай ініцыятывы «Хайсы» Андрэя Кешанюка на рашэньне суду Першамайскага раёну. Мясцовы актывіст быў пакараны 26 сакавіка судзьдзёй Натальляй Карабліной за нібыта правядзеньне несанкцыянаванага пікету пад бел-чырвона-белым сьцягам каля будынку «Белтэлекаму» і непадпарадкаваньне супрацоўнікам праваахоўных органаў.
Суд прызнаў Барыса Хамайду вінаватым у адзіночным пікетаваньні
12 красавіка ў судзе Чыгуначнага раёну Віцебску судзьдзя Дзяніс Аляксеенка разгледзеў адміністрацыйную справу, заведзеную на апазыцыйнага актывіста Барыса Хамайду, які нібыта правёў незаконнае пікетаваньне, чым парушыў артыкул 23.34 Кодэксу аб адміністрацыйных правапарушэньнях.
Барыса Хамайду будуць судзіць за віншаваньні з Днём Волі
Увечары 28 сакавіка найстарэйшага віцебскага апазыцыянэра наведалі супрацоўнікі Чыгуначнага РАУС і паведамілі, што супраць яго распачатая адміністрацыйная справа паводле артыкулу 23.34. Справа ініцыяваная міліцыянтамі праз падзеі 23 сакавіка.
Віцебск: За бел-чырвона-белы сьцяг – штраф
26 сакавіка ў судзе Першамайскага раёну гораду Віцебcку адбыўся суд над Андрэем Кешанюком. Актывіст быў затрыманы раніцай гэтага самага дня перад будынкам Белтэлекаму, што на праспэкце Чарняхоўскага, за нібыта ўдзел у несанкцыянаваным пікеце і дастаўлены ў мясцовы аддзел міліцыі. Асноўнай падставай для затрыманьня стаў бел-чырвона-белы сьцяг, які ён трымаў у рукох.
Віцебчука аштрафавалі на 735 рублёў за нацыянальны сьцяг каля Альгерда на #БНР100
Віцяблянін Мікола Качурэц быў затрыманы 25 сакавіка а палове 12-й, калі прыйшоў зь бел-чырвона-белым сьцягам да помніку Альгерду ў Віцебску. Актывіст правёў ноч у віцебскім ізалятары часовага ўтрыманьня. Судзілі яго 26 сакавіка ў судзе Кастрычніцкага раёну Віцебску.
За сьпевы і пропаведзі. У Лепелі жорстка затрымліваюць і штрафуюць баптыстаў
Вернікі міжнароднага саюзу цэркваў эвангельскіх хрысьціян-баптыстаў (МСЦ ЭХБ) у Лепелі церпяць апошнім часам моцны ўціск і перасьлед з боку мясцовых уладаў. Прапаведнікаў затрымліваюць за парушэньне заканадаўства аб масавых мерапрыемствах (арт. 23.34 КаАП РБ) і караюць штрафамі. Баптысты адступаць не зьбіраюцца.
«Я і ІЧУ. Асабісты погляд». Частка 7: Віцебск, Леанід Аўтухоў
Героем нашага чарговага матэрыялу пра ўмовы ўтрыманьня ў ізалятарах часовага ўтрыманьня Віцебскай вобласьці стаў актывіст партыі БНФ з Гарадка Леанід Аўтухоў. Апазыцыянэр браў актыўны ўдзел у сьвяткаваньні Дня Волі ў абласным цэнтры 25 сакавіка, за што быў пакараны 15-цю суткамі адміністрацыйнага арышту паводле артыкулу 23.34 КаАП (парушэньне парадку арганізацыі ці правядзеньня масавага мерапрыемства).
Старшыня Віцебскага абласнога суду – праваабаронцу: Вас пакаралі справядліва!
«Дзеяньні вашы слушна кваліфікаваныя паводле ч. 1 арт. 23.34 КаАП... Падставаў да адмены, зьмены пастановаў ня маецца», – такую выснову зрабіў старшыня абласнога суду Мікалай Хамічонак, разгледзеўшы наглядную скаргу праваабаронцы Леаніда Сьвеціка, пакаранага 15-цю суткамі адміністрацыйнага арышту за ўдзел у мерапрыемствах, што прайшлі ў Віцебску 25 і 26 сакавіка.
Віцебскі абласны суд не задаволіў скаргу ўдзельніцы акцыяў 25 і 26 сакавіка
У абласным судзе жыхарка Віцебску Вікторыя Гром спрабавала абскардзіць рашэньне суду Кастрычніцкага раёну ад 27 сакавіка гэтага году.
Віцебскі абласны суд не задаволіў скаргу праваабаронцы Паўла Левінава
Скаргу Паўла Левінава на пастанову судзьдзі Кастрычніцкага суду Іны Грабоўскай ад 17 красавіка разглядала судзьдзя Віцебскага абласнога суду Ірына Смалякова. Згодна з рашэньнем суду ніжэйшай інстанцыі, праваабаронца прыцягнуты да адміністрацыйнай адказнасьці на падставе часткі 1 артыкулу 23.34 КаАП за ўдзел у масавых мерапрыемствах 25 і 26 сакавіка ды пакараны 15-цю суткамі арышту.