ААНаўскі Камітэт па правах чалавека абавязаў расейскія ўлады не выдаваць Беларусі аршанца Андрэя Рускіх
Зняволены беларус нарадзіўся ў горадзе Орша Віцебскай вобласці. У снежні 2021 года ён пераехаў у Расію. У маі 2022 года беларускія ўлады распачалі супраць Рускіх адразу дзве крымінальныя справы з-за каментароў у сацсетках — аб абразе прэзідэнта Аляксандра Лукашэнкі (арт. 368 КК РБ) і распальванні сацыяльнай варожасці да органаў улады (арт. 130 КК РБ). Улады Беларусі патрабуюць экстрадыцыі палітвязня.
У Магілёве ідзе суд над палітзняволенай віцяблянкай Таццянай Карповіч
Дзяўчыну затрымалі ў Менску 17 лістапада 2021 году. Ёй выстаўлена абвінавачанне паводле арт. 130 Крымінальнага Кодэкса («Распальванне расавай, нацыянальнай, рэлігійнай або іншай сацыяльнай варожасці») і арт. 203-1 Крымінальнага кодэкса (Незаконныя дзеянні ў дачыненні да інфармацыі аб прыватным жыцці і персанальных дадзеных). Таццяну Карповіч працяглы час трымалі ў віцебскім СІЗА-2, а непасрэдна перад судом перавілі ў магілёўскую турму №4.
Эльвіра Мірсалімава ведае, як распазнаць «змагара» і вымерыць «рускасць» у беларусах
Гэтым разам жыхарка Віцебска на сваёй старонцы ў сацыяльнай сетцы Фэйсбук апублікавала тэкст, у якім разважае над тым, як правільна распазнаць «змагара» і як пратэставаць беларуса, каб выявіць у яго наяўнасць русафобскіх настрояў. Ці парушыла ў сваем выступе Мірсалімава нормы крымінальнага закона, павінны праверыць пракуратура ці следчыя органы.
У Менску да 12 гадоў калоніі асудзілі віцябляніна Вадзіма Васільева
У Менскім гарадскім судзе абвясцілі вырак Вадзіму Васільеву, 27-гадоваму ўраджэнцу Віцебску – 12 гадоў калоніі ва ўмовах узмоцненага рэжыму і штраф у памеры 500 базавых велічыняў (16 000 беларускіх рублёў). Суд праходзіў у закрытым рэжыме, хлопца асудзілі па шасці артыкулах Крымінальнага кодэксу нібыта за адміністраванне «экстрэмісцкіх» тэлеграм-каналаў.
У Віцебску судзяць палітвязня Сяргея Грыбовіча з Докшыцаў
Судовы працэс над 54-гадовым Сяргеем Грыбовічам распачаўся ў абласным судзе, ягоную справу разбірае суддзя Яўген Буруноў. Сяргея Грыбовіча затрымалі ў пачатку сакавіка і першапачаткова выставілі абвінавачанне па двух артыкулах: па арт. 130 Крымінальнага Кодэксу (Распальванне расавай, нацыянальнай, рэлігійнай або іншай сацыяльнай варожасці) і арт. 361-3 Крымінальнага Кодэксу (Удзел на тэрыторыі замежнай дзяржавы ва ўзброеным фарміраванні або ўзброеным канфлікце, ваенных дзеяннях, вярбоўка або падрыхтоўка асоб да такога ўдзелу). У судзе агучылі ўжо 5 артыкулаў, паводле якіх вінавацяць палітвязня.
Былому палітвязню – аршанцу пагражае да 3-х гадоў турмы за ўцёкі
Ураджэнец Воршы Аляксей Коршун быў асуджаны на 2 з паловай гады пазбаўлення волі за каментар ва «ВКонтакте». Пазней ён трапіў у спіс амніставаных – яму замянілі калонію на абмежаванне волі («хімію»). Тэрмін пакарання хлопец адбываў у папраўчай установе адкрытага тыпу №3 у Бярозе, аднак у лістападзе 2021 году здолеў збегчы з-пад варты. У чэрвені гэтага году яго затрымалі ў Расеі, ён быў выдадзены расейскімі ўладамі, і напрыканцы кастрычніка вернуты ў Беларусь.
Музыку асудзілі на 2 гады калоніі за каментары ў інтэрнеце па "справе Зельцэра"
У Віцебскім абласным судзе 7 кастрычніка быў вынесены прысуд паводле ч. 1 арт. 130 (Распальванне іншай сацыяльнай варожасці) КК палітзняволенаму Сяргею Давівелю. Суддзя Віцебскага абласнога суда Галіна Бондал прызнала Сяргея вінаватым і прызначыла яму пакаранне тэрмінам на 2 гады пазбаўлення волі ў калоніі ва ўмовах агульнага рэжыму. Пасяджэнне праходзіла ў закрытым фармаце.
Жыхара Віцебска ўлады занеслі ў спіс “тэрарыстаў”
У сярэдзіне верасня кірайніцтва Камітэта дзяржаўнай бяспекі ўключыў палітвязня Мікіту Палеонака ў спіс асобаў, "датычных да тэрарыстычнай дзейнасці". Цяпер у «тэрарыстычным» спісе КДБ 905 чалавек, большасць з іх палітвязні.
Жыхара Віцебска пазбавілі волі на 4 гады за стварэнне экстрэмісцкага фарміравання, распальванне варожасці і абразу прэзідэнта
Судовая калегія Віцебскага абласнога суда 6 верасня завяршыла разгляд крымінальнай справы Анатоля Міхайлава. 28-гадовы мужчына абвінавачваўся ў стварэнні экстрэмісцкага фарміравання (арт. 361-3), распальванні расавай, нацыянальнай, рэлігійнай альбо іншай сацыяльнай варожасці або варажнечы (арт. 130), абразе прэзідэнта (арт. 368) і абразе прадстаўнікоў улады (арт. 369 Крымінальнага кодэкса). Суд прызнаў Міхайлава вінаватым і па сукупнасці санкцый гэтых артыкулаў прызначыў яму пакаранне ў выглядзе пазбаўлення волі на тэрмін 4 гады і штрафа ў памеры 3,2 тысячы рублёў.
4,5 гадоў калоніі прысудзілі Аляксею Рэзнікаву за пасты ў інтэрнэце
Віцябляніна прызналі вінаватым паводле арт. 130 (Распальванне расавай, нацыянальнай, рэлігійнай або іншай сацыяльнай варожасці або варожасці), арт. 368 (Абраза Прэзідэнта Рэспублікі Беларусь), арт. 369 (Абраза прадстаўніка ўлады), арт. 370 (Здзек з дзяржаўных сімвалаў). Вырак Андрэю Рэзнікаву вынес суддзя Віцебскага абласнога суду Яўген Буруноў. Прыцэс працягваўся некалькі тыдняў і праходзіў у закрытым рэжыме.