1 кастрычніка «Мова Нанова» зладзіла талаку ва Ўшачах. Ахвотных давесьці да ладу тэрыторыю побач з домам народнага паэта назьбіралася 40 чалавек.

Паводле зьвестак Белстату пра заробкі ў рэгіёнах, у жніўні ў краіне засталося толькі тры раёны, дзе работнікам плацяць у сярэднім менш за 500 дэнамінаваных рублёў на месяц. Два з гэтых трох раёнаў знаходзяцца ў Віцебскай вобласьці.

У Дубровенскім раёне на Дняпры была выяўленая загінулая рыба, праінфармавала прэс-сакратар Дзяржінспэкцыі аховы жывёльнага і расьліннага сьвету пры прэзыдэнце Вольга Грамовіч. Дзяржінспэктары Аршанскай МРІ выехалі па сыгнале, што паступіў на тэлефон даверу, і абсьледавалі ўчастак ракі ад мяжы з Расейскай Фэдэрацыяй да райцэнтру. Паводле папярэдніх ацэнак, загінулых рачных насельнікаў прынесла цячэньнем з боку Расеі.

21 чэрвеня на радзіме Васіля Быкава адбылося ўручэньне традыцыйнай прэміі «За свабоду думкі». Гэтым разам яе атрымаў бард Віктар Шалкевіч. Імпрэза прайшла ў вёсцы Бычкі, што на Віцебшчыне, і сабрала больш за 200 чалавек.

У вёсцы Бычкі на Ўшаччыне 19 чэрвеня, у дзень народзінаў Васіля Быкава, былі ўганараваныя ляўрэаты прэміі “За свабоду думкі”. Ляўрэатамі прэміі, якая носіць імя Быкава, сёлета сталі Алесь Марачкін і Зьміцер Вайцюшкевіч. Імпрэзу, арганізаваную рухам “За свабоду”, наведалі літаратары, мастакі, музыкі, палітыкі, экспэрты, журналісты, актывісты зь Менску і Віцебшчыны, прадстаўнікі Ўшацкага райвыканкаму. Агульны добры настрой і цудоўнае надвор’е зрабілі гэты дзень сапраўды сьвяточным і незабыўным.

Распавёў дырэктар аднаго з прадпрыемстваў Ушацкага раёну: “На гэтым тыдні ўсім арганізацыям гораду прыйшло распараджэньне з райвыканкаму: нават не спытаўшы згоды, нас замацавалі за жывёлагадоўчымі фэрмамі і прымушаюць штодня адпраўляць сваіх людзей у гаспадаркі і наводзіць парадак. Мы ўжо адпрацавалі там некалькі дзён, але зараз прыйшла тэлефанаграма, што 10-15 чалавек павінны прыехаць яшчэ і ў выходныя. У мяне язык не паварочваецца сказаць пра гэта сваім супрацоўнікам, якія і так увесь тыдзень на мяжы сіл працуюць. Людзям трэба даць адпачыць”.