Полацкі райвыканкам апавясьціў Свабодны прафсаюз працоўных заводу «Шкловалакно» пра забарону масавага мерапрыемства. Празь пікет сябры прафсаюзу мелі намер інфармаваць грамадзян пра Сусьветны дзень дзеяньняў за годную працу 7 кастрычніка і заявіць патрабаваньне рабочых.

Полацкі суд 16 траўня пастанавіў аштрафаваць актывістаў Свабоднага прафсаюзу Віктара Стукава і Міколу Шараха за правядзеньне прафсаюзнай акцыі ў выглядзе пікетаваньня. Памер штрафу склаў адпаведна 25 і 30 базавых велічынь.