У Польшчы, ва Ўкраіне, Летуве шматлікія помнікі Леніну ўжо скінутыя з пастамэнтаў. Зрынутыя і забытыя. У Беларусі ж правадыр пралетарыяту працягвае весьці рэй у гарадзкой архітэктуры і тапаніміцы, пацьвярджаючы камуністычны лёзунг “жывейшы за ўсіх жывых”. Але ўявіце сабе, што заўтра вы прачняцеся, а пастамэнт на плошчы Леніна ў Віцебску пусты. Што адчуеце?..

Ужо традыцыйна 22 красавіка, у дзень нараджэньня лідэра сусьветнага пралетарыяту Ўладзіміра Ільліча Леніна, віцебскія левыя, прадстаўнікі партыі «Справядлівы Сьвет» (былой «Партыі камуністаў беларускай»), зьбіраюцца ў цэнтры гораду ля помніка правадыру, каб адзначыць знакавую для іх дату ўскладаньнем кветак.

Пры пэўных абставінах маглі б і з танкамі – пашумець шумілінцы любяць. Балазе памеры плошчы перад будынкам раённай адміністрацыі дазваляюць экспэрымэнтаваць з парадамі на любыя густы. 3 ліпеня асабліва не экспэрымэнтавалі – абмежаваліся сьвяточным шэсьцем пад назовам «О, Радзіма, табою напоўнена сэрца да краю!..»