Падсумоўваючы вынікі мінулага году, рэдакцыя самага ўплывовага праваабарончага інтэрнэт-рэсурсу Віцебскай вобласьці адзначыла заслугі як асобных актывістаў, гэтак і арганізацыяў ды грамадзянскіх ініцыятываў у прасоўваньні і абароне правоў чалавека ў рэгіёне.

Як паведаміў журналіст Зьміцер Лупач, у межах штогадовага фэстывалю каталіцкіх фільмаў “Magnificat”, што праходзіць у Глыбокім, была арганізаваная паездка для журналістаў. Аднак нягледзячы на папярэднюю акрэдытацыю ў старшыні фэстывалю Зьмітру Лупачу не дазволілі разам зь іншымі журналістамі наведаць вёску Івесь.

Глыбоцкая суполка ГА “Беларуская асацыяцыя журналістаў” разам з калегамі з “Каталіцкага весьніка” зладзіла сэмінар “Інфармацыйная разнастайнасьць у рэгіёнах”. У якасьці трэнэраў былі запрошаныя Аляксандар Коктыш і Аляксандар Класкоўскі. На сэмінары прысутнічалі як пачаткоўцы, так і журналісты зь вялікім досьведам працы з газэты “Вольнае Глыбокае”, сайту “Весткі-інфо”, “Радыё Рацыя”, а таксама каталіцкіх выданьняў.