На прэс-канфэрэнцыі, якая прайшла 11 ліпеня ў Віцебскім аблвыканкаме і прысьвячалася адкрыцьцю XXII Міжнароднага фэстывалю мастацтваў “Славянскі базар у Віцебску”, міністар культуры Беларусі Барыс Сьвятлоў зьвярнуўся да журналістаў па-беларуску. Гэта не спадабалася прадстаўнікам расейскіх СМІ, акрэдытаваным на форуме. Пасьля ўступнага слова міністра ў першых шэрагах залі, дзе ў асноўным сядзелі супрацоўнікі расейскіх СМІ, пачуліся незадаволеныя галасы: “А зараз перакладзіце нам тое, што вы сказалі!”.