Аляксандр - журналіст незалежных СМІ і грамадскі дзеяч, да ягоных блізкіх прыходзяць з ператрусамі, а нядаўна ён быў уключаны ў «экстрэмісцкі спіс» МУС. Яму ўдалося выехаць ва Украіну, пасля вайны - у Польшчу, і пасля тэрміновай рэлакацыі яго здароўе пагоршылася. Урачы паставілі страшны дыягназ: некроз галоўкі тазасцегнавых суставаў. Мужчына прыкаваны да інваліднай каляскі, і адзінае лячэнне - поўная замена суставаў. Падтрымку трэба дасылаць сюды.

Прадстаўнікі аддзялення па Віцебскай вобласці Беларускага інстытута стратэгічных даследаванняў правялі апытанне 340 жыхароў Гарадка. Апытанне прайшло са значным гендэрным перакосам. У ім прынялі ўдзел 289 (85%) жанчын і 51 (15%) мужчын. Узрост рэспандэнтаў: 43% з іх ад 30 да 44 гадоў, 33% - ад 45 да 50. Яны занятыя яны ў розных сферах, былі ў тым ліку і непрацуючыя, але каля паловы - гэта прадстаўнікі сістэм аховы здароўя і адукацыі.

У перадачы «Будет дополнено» прапагандыст Ігар Тур пераконваў тэлегледачоў, што «беглых» чакае «справядлівае эканамічнае пакаранне». Паводле ягонах словаў, раз яны заклікалі да эканамічных санкцый у дачыненні да Беларусі, то мусяць адказаць за урон, нанесены эканоміцы. І кампенсавацца гэты ўрон мусіць за кошт продажу іхнай маёмасці. У перадачы паказалі жытло віцебскага журналіста Змітра Казакевіча, актывісткі з Варапаева Ганны Федаронак, віцебскай актывісткі Караліны Цярэнцьевай, навукоўца Віктара Якубава з Наваполацка.

Прычына – пазыкі па падатках і штрафах, прысуджаных віцебскай актывістцы. Агульная сума, якую Алена Янушкоўская не выплаціла дзяржаве, складае 1436 рублёў 60 капеек. Хату, якая знаходзіцца ў вёсцы Суйкава за 3 км ад Віцебска, збіраюцца прадаць за 10 700 рублёў.  На думку актывісткі, гэты кошт, прапанаваны БТІ, проста смешны: 20 гад таму жанчына набывала гэтую маёмасць з 9 тысяч даляраў. Аўкцыён па продажы маёмасці Янушкоўскай прызначаны на 30 траўня.

Па інфармацыі кіраўніка Памежнай службы Латвіі, у ведамства ёсць доказы спроб беларускага боку ўзброіць нелегальных мігрантаў для правакацыі боесутыкненняў на мяжы з краінамі Еўрасаюза. Латвійскія ўлады ведаюць  факты, калі беларускія візаві некалькі разоў прапаноўвалі нелегальным мігрантам агнястрэльную зброю для паспяховага праходжання меж ЕС. Пра гэта паведаміла агенцтва LSM са спасылкай на кіраўніка Памежнай службы Латвіі Гунціса Пуяца.

У дзяржаўнай газеце «Витебские вести»апублікавалі артыкул пра патрыятычнае выхаванне. У ім карэспандэнтка Лілія Іўчанка распавяла пра віцебскага выкладчыка, які сказаў, што з дыпломам ягонай ВНУ будзе легка знайсці працу ў любой краіне свету. Педагагічныя кадры з такімі перакананнямі «нельга дапускаць у навучальныя аўдыторыі», — адкаментавала сітуацыю Таццяна Аўтухова, былая дырэктарка школы, а цяпер удзельніца камісіі Палаты прадстаўнікоў Нацыянальнага Сходу па адукацыі, культуры і навуцы.

Эміграцыя заўсёды цяжкае рашэнне. Але ёсць людзі, для якіх краіна, у якую яны з'ехалі, заўжды была другой радзімай. Журналіст СН Ілля Дабратвор пагаварылі з Аляксандрам Корнышавым, рэдактарам Віцебскага Кур'ера, этнічным немцам, які нарадзіўся і вырас у Беларусі. І толькі пасля 2020-га ён быў змушаны з'ехаць у Берлін.

Для членаў сям'і падлетка з Рыгі Іллі Карозы, які ўзяў на «Славянскім базары» інтэрв'ю ў Аляксандра Лукашэнкі, вызначаныя ўстановы адукацыі ў Віцебску. Гэтая скандальная гісторыя звязаная з нібыта з рэпрэсіямі ў дачыненні да рускіх з боку ўладаў Латвіі мае штучны палітычны падтэкст і створана дзеля напаўнення ідэалагічнымі сэнсамі беларускіх дзяржаўных СМІ і прапаганды.

Не так даўно пра Гуцалава актыўна пісалі дзяржаўныя СМІ. Яшчэ б! Ëн — той самы беларус, які за 10 дзён перасёк родную краіну з поўначы на поўдзень, прабегшы 650 кіламетраў. Усё змянілася пасля выбараў 2020 года. Піша “Наша ніва”.

Лекар з Віцебску, Яўген Павелка, які прымаў актыўны ўдзел у пратэстах эвакуіраваны. Дзякуючы дапамозе фонду BYSOL ён змог бяспечна дабрацца да Грузіі і хутка там адаптавацца. «Беларускі дом у Варшаве» дапамог Яўгену атрымаць гуманітарную візу. Бліжэйшым часам ён плануе прыехаць у Польшчу каб працягнуць кар'еру лекара.