11 кастрычніка суд Кастрычніцкага раёну Віцебску прызнаў яшчэ адзін тэлеграм-канал экстрэмісцкім. Гэта канал «Дактрына V». Грамадзянская справа «па заяве пракурора Віцебскай вобласці ў інтарэсах рэспублікі Беларусь аб прызнанні інфармацыйнай прадукцыі экстрэмісцкімі матэрыяламі» разгледзела суддзя Марыя Лапшова. Інтарэсы заяўніка прадстаўляла пракурорка Таццяна Іванова.

Апублікавана ў Свабода слова

5 жніўня прэс-сакратар МУС РБ Вольга Чамаданава паведаміла, што пастановай суду Чыгуначнага раёну Віцебску інфармацыйны рэсурс «Чорная кніга артыстаў Беларусі / Белая кніга артыстаў Беларусі» прызнаны экстрэмісцкім. Падставай для такога рашэння сталі матэрыялы праверкі ўпраўлення ГУБОПіК МУС па Віцебскай вобласці.

Апублікавана ў Свабода слова

7 ліпеня суд Першамайскага раёну Віцебску пачаў разглядаць крымінальную справу ў дачыненні віцябляніна Аляксандра Мацвеева. Былога кіроўцу-міжнародніка абвінавачваюць у абразе прадстаўніка ўлады пры выкананні ім службовых абавязкаў (арт. 369 КК). Падставай для завядзення крымінальнай справы стаў каментар, нібыта размешчаны мужчынам 3 кастрычніка ў групе «Типичный Витебск» у Instagram.

Апублікавана ў Суд

Суд Чыгуначнага раёну Віцебску 15 чэрвеня за адзін дзень разабраў справу 58-гадовага віцябляніна Васіля Глушакова, якога абвінавацілі ў публічнай абразе прадстаўнікоў улады (арт. 369 КК) – двух міліцыянтаў Дубровенскага РАУС. Абвінавачаны прызнаў віну і адмовіўся ад адваката. Пракурор просіць пакараць мужчыну трыма гадамі абмежавання волі. Прысуд агучаць 16 чэрвеня.

Апублікавана ў Суд

У апошнія дні красавіка суд Чыгуначнага раёну Віцебску прыняў рашэнне аб прызнанні чатырох Telegram-каналаў Віцебскага рэгіёну экстрэмісцкімі. Застаецца пакуль нявысветленым, была праведзеная незалежная экспертыза публікацый або суд прыняў забароннае рашэнне толькі на падставе суб'ектыўнага меркавання праваахоўных органаў.

Апублікавана ў Свабода слова

22 лютага суд Першамайскага раёну прызнаў 30-гадовага віцябляніна вінаватым у абразе прадстаўніка ўлады ў сувязі з выкананнем ім службовых абавязкаў. У выніку бацьку двух дзяцей прысудзілі да двух гадоў «хіміі» за каментар у Instagram, якім нібыта ён абразіў міліцыянта, паведамляюць «Народныя навіны Віцебска».

Апублікавана ў Суд

24 ліпеня на жыхарку Гарадку міліцыянты склалі пратакол за тое, што яна разьмясьціла ў Instagram-stories фотаздымак, на якім трымае аркуш з надпісам «У мяне скралі прэзыдэнта». Жанчыну вінавацяць у правядзеньні несанкцыянаванага пікетаваньня (ч.1 арт. 23.34 КаАП).

Міністэрства інфармацыі Рэспублікі Беларусь аднавіла сьпіс экстрэмісцкіх матэрыялаў, дадаўшы туды 10 інтэрнэт-супольнасьцяў расейскай сацыяльнай сеткі «ВКонтакте», 12 фотаздымкаў, 3 відэароліка, 1 аўдыё і 1 верш. Экстрэмісцкімі гэтую інфармацыю прызнаў суд Кастрычніцкага раёну Віцебску.

Апублікавана ў Свабода слова

На віцяблянку Натальлю Сьпірыдонаву склалі адміністрацыйны пратакол за публікацыю ў Фэйсбуку анонса акцыі ў падтрымку незалежнасьці, якая адбылася ў Віцебску 29 сьнежня. Міліцыянты палічылі гэта заклікам да правядзеньня несанкцыянаванага масавага мерапрыемства (ч.1 арт. 23.34 КаАП).

У Віцебску ў межах праекту PRodvizhenie-2019 прайшла “Школа PR і мэдыякампэтэнцый”. Цягам трох дзён актывісты грамадзкіх устаноў і ініцыятыў з розных куткоў Беларусі вучыліся прасоўваць і “раскручваць” свае арганізацыі.