Суд вырашыў адтэрмінаваць на тры гады пазбаўленне волі былога намесніка Аршанскага райвыканкама і дэпутата сельскага Савета
Суддзя суда Дубровенскага раёна Марыя Цыклінская 22 мая за перавышэнне ўлады і службовых паўнамоцтваў прыгаварыла да пазбаўлення волі тэрмінам на чатыры гады, а таксама штрафу ў 11,1 тыс. рублёў і з пазбаўленнем на 5 гадоў права займаць пасады, былога намесніка старшыні ўпраўлення па сельскай гаспадарцы і харчаванні Аршанскага райвыканкама, дэпутата і намесніка старшыні Барздоўскага сельскага Савета дэпутатаў (Аршанскі раён) Андрэя Канстанцінава. Але улічваючы яго былыя заслугі і выдатныя характарыстыкі ад дзяржаўных органаў, суддзя адтэрмінавала на тры гады асноўнае пакаранне ў выглядзе пазбаўлення волі.
У Віцебскай вобласці з'явілася другая жанчына, якая кіруе райвыканкамам
На пазачарговай сесіі Гарадоцкага раённага Савета дэпутатаў 18 студзеня было разгледжана кадравае пытанне. На пасаду старшыні Гарадоцкага райвыканкама аднагалосна была зацверджана дэпутат Палаты прадстаўнікоў Нацыянальнага сходу Рэспублікі Беларусь 43-гадовая Ірына Палякова. Многія жыхары Гарадка лічаць, што яе пераход з дэпутацтва ў старшыні, ёсць «праява эгаізму» і «здрада» інтарэсаў дзясяткаў тысяч выбаршчыкаў, дзеля асабістай кар'еры.
Лепельскіх баптыстаў пакаралі за распаўсюд духоўнай літаратуры
У Лепелі за сьпевы і распаўсюд хрысьціянскай літаратуры каля мясцовага рынку былі затрыманыя баптысцкія вернікі – сужэнцы Андрэй і Тацяна Фокіны. «Нас затрымалі як злачынцаў і даставілі ў пастарунак», – распавёў Forum 18 Андрэй Фокін.
Рэдактарка «Полацкага весніка»: Тэкст дэклярацыі правоў чалавека не пасуе газэце
Некалькі палачан з ініцыятывы Полацкага праваабарончага таварыства накіравалі пры канцы лістапада ў мясцовы райвыканкам пісьмовую прапанову. Грамадзяне папрасілі надрукаваць у дзяржаўнай газэце «Полацкі веснік» Усеагульную дэкларацыю правоў чалавека да 70-годзьдзя яе прыняцьця. Падобная прапанова была накіраваная і ў рэдакцыю газэты.
У Полацку рабочым забаранілі пікет
Полацкі райвыканкам апавясьціў Свабодны прафсаюз працоўных заводу «Шкловалакно» пра забарону масавага мерапрыемства. Празь пікет сябры прафсаюзу мелі намер інфармаваць грамадзян пра Сусьветны дзень дзеяньняў за годную працу 7 кастрычніка і заявіць патрабаваньне рабочых.
Намесьніку старшыні Ўшацкага райвыканкаму пагражае да 10-ці гадоў зьняволеньня
Гісторыя ўсплыла пасьля праверкі аднаго зь сельскагаспадарчых прадпрыемстваў раёну. «Работнікі фінансавай міліцыі высьветлілі, што першы намесьнік старшыні Ўшацкага райвыканкаму распарадзіўся скрасьці бычка з фэрмы. Ён набыў вакцыну для ўсыпленьня жывёлы, перадаў яе службовым асобам сельгаспрадпрыемства, распрацаваў плян вывазу бычка з фэрмы і дастаўкі яго ў прыватную сялянскую фэрмэрскую гаспадарку Ўшацкага раёну», — расказвае падрабязнасьці Камітэт дзяржкантролю.
Экс-мэр Воршы, у дом да якога ўрываліся сілавікі, знайшоў новую працу
Былы старшыня Аршанскага райвыканкаму Леанід Пянькоўскі вярнуўся ў Бешанковіцкі раён. Ён цяпер кіруе сельгаспрадпрыемствам – ЗАТ «АСБ – Агра Наватар». Пра гэта інфармуе сайт адміністрацыі Бешанковіцкага раёну.
Улады просяць актывістаў Воршы ліквідаваць мэмарыял у памяць ахвяраў сталінізму
Удзельнікі грамадзкай ініцыятывы «Кабылякі. Расстраляныя ў Воршы» пабывалі на прыёме ў старшыні райвыканкаму Аляксандра Пазьняка, каб дамовіцца пра зьмест раней абяцанай уладамі мэмарыяльнай шыльды на месцы сталінскіх расстрэлаў. Пазьняк пацьвердзіў гатоўнасьць яе ўстанавіць, але з умовай: ён выказаў пажаданьне, каб быў прыбраны «народны мэмарыял», створаны сваякамі загінулых. Сярод актывістаў пачаліся спрэчкі: ці варта прымаць дапамогу ад уладаў такім коштам.
Муж і жонка кіравалі Браслаўскім раёнам. Абое арыштаваныя
У Браславе па падазрэньні ў карупцыі затрыманыя Ўладзімер і Алена Дранеўскія – старшыня Браслаўскага раённага выканаўчага камітэту і начальнік аддзелу эканомікі райвыканкаму, адпаведна.
У Полацку ідзе паляваньне на свабодны прафсаюз
Суполка Свабоднага прафсаюзу на полацкім «Шкловалакне» стала непажаданай структурай ня толькі для кіраўніцтва прадпрыемства. Да ліку перасьледнікаў актыўна далучыліся мясцовыя ўлады, міліцыя. Па дапамогу ў ліквідацыі пяршоўкі намесьнік старшыні Полацкага райвыканкаму Пётар Пяткевіч зьвярнуўся ў адміністрацыю прэзыдэнта і да полацкай дэпутаткі Палаты прадстаўнікоў, старшыні камісіі па заканадаўстве Натальлі Гуйвік.