Прычына забароны ўжо традыцыйная: адсутнасьць дамоваў на абслугоўваньне акцыі мэдыкамі, камунальнымі службамі і міліцыяй. Пры гэтым раённае міліцэйскае кіраўніцтва наўпрост заявіла ініцыятарам пікету, што заключаць папярэднія дамовы адмаўляецца.

Апублікавана ў Акцыі

Актывісты Кансэрватыўна-хрысьціянскай партыі БНФ Ян Дзяржаўцаў, Алег Емельянаў і Пётра Сарапеня падалі ў адміністрацыю Кастрычніцкага раёну Віцебску заяўку на правядзеньне 5 сакавіка пікету. Мэта меркаванай акцыі, як пазначана ў заяўцы, – «агітацыя выбаршчыкаў за актыўны байкот выбараў, якія арганізаваныя нелегітымным прарасейскім палітычным рэжымам».

Апублікавана ў Акцыі

Прычына забароны, паводле райвыканкаму – адсутнасьць дамоваў на абслугоўваньне акцыі мэдыкамі, камунальнымі службамі і міліцыяй. “Між тым, ні мэдыкі, ні камунальнікі наогул не адказалі на нашу прапанову заключыць дамовы”, - кажа адзін з заяўнікаў акцыі, удзельнік сёлетняй выбарчай кампаніі Зьміцер Лупач.

Апублікавана ў Мірныя сходы

Віцебскія ўлады, якія ня першы год рупяцца пра тое, каб усяляк абмежаваць магчымасьці правядзеньня якіх-кольвек масавых акцыяў праціўнікамі дзеючага палітычнага рэжыму, здаецца, памыліліся, калі вызначалі месцы, забароненыя для пікетаў з мэтай збору подпісаў выбаршчыкаў па вылучэньні кандыдатаў у дэпутаты мясцовых саветаў дэпутатаў. Акцыя апазыцыі ўсё-такі адбылася – пікет у самым цэнтры гораду! І пасьля гэтага, здаецца, чыноўнікі зрабілі аргвысновы…

Апублікавана ў Акцыі

У Полацку прайшоў пакуль адзіны пікет па зборы подпісаў за вылучэньне кандыдата ў мясцовы савет дэпутатаў. Подпісы зьбіраліся за старшыню Свабоднага прафсаюзу заводу «Шкловалакно» Віктара Стукава. Пікет быў арганізаваны пры падтрымцы работнікаў заводу і заводзкай пяршоўкі Свабоднага прафсаюзу. Ладзілася мерапрыемства 5 лютага ў 17 гадзін у сквэры на праспэкце Францішка Скарыны каля капліцы памяці палачан, якія загінулі ў Афганістане.

Апублікавана ў Акцыі

Кастрычніцкі райсуд Віцебску не задаволіў скаргу лекара на забарону пікету-рэквіему супраць міліцэйскага гвалту. Судзьдзя Алена Папкова вырашыла, што Кастрычніцкая раённая адміністрацыя мела рацыю, забараніўшы акцыю Ігара Пастнова, якую ен зьбіраўся правесьці летась у сьнежні.

Апублікавана ў Суд

Імпрэзу замаўлялі Аляксей Гаўруцікаў і Хрыстафор Жаляпаў. Абодва актывісты 15 сакавіка хацелі прыцягнуць увагу землякоў да абароны правоў, зафіксаваных у Канстытуцыі Рэспублікі Беларусь. Адказам на заяўку ў Першамайскую раённую адміністрацыю Віцебску стала адмова.

Апублікавана ў Мірныя сходы

У судзе Першамайскага раёну Віцебску адбыўся разгляд скаргі Аляксея Гаўруцікава і Хрыстафора Жаляпава. Яны патрабавалі прызнаць незаконнай забарону Першамайскай адміністрацыяй гораду пікету салідарнасьці з палітвязьнямі, які не адбыўся 10 сьнежня. Суд адмовіў актывістам.

Апублікавана ў Суд

12 студзеня лекар Ігар Пастноў хацеў зладзіць адзіночны пікет-рэквіем супраць міліцэйскага свавольства. Пікет мусіў адбыцца ў месцы, адмыслова адведзеным віцебскімі ўладамі пад масавыя мерапрыемствы, аднак намесьнік кіраўніка адміністрацыі Кастрычніцкага раёну Віцебску Анатоль Кандратовіч забараніў імпрэзу – лекар не заключыў дамоваў з мэдыкамі, міліцыянтамі і камунальнікамі. У выніку Ігар Пастноў зладзіў пікет за межамі гораду, у лесе.

Апублікавана ў Акцыі

Улады забаранілі правядзеньне ў Віцебску пікету 19 сьнежня – у 3-ю гадавіну разгону мірнай акцыі ў апошні дзень прэзыдэнцкіх выбараў 2010 году. Заяўку на правядзеньне мерапрыемства падаваў мясцовы палітычны актывіст Аляксандар Кірылаў. Мерапрыемства павінна было пачацца ў 20:00 (з гэтага моманту ЦВК пачаў падлік галасоў выбаршчыкаў) і скончыцца а 20:30 (у гэты час Някляеву праламалі галаву, а астатніх кандыдатаў пачалі арыштоўваць, не дачакаўшыся вынікаў падліку галасоў).

Апублікавана ў Акцыі