Пракуратурай Віцебскай вобласьці выяўленыя парушэньні пры рэалізацыі праектаў па будаўніцтве, рэканструкцыі, мадэрнізацыі і тэхнічным перааснашчэньні арганізацыяў аграпрамысловага комплексу. Як паведамляе Генэральная пракуратура, вынікі праведзеных органамі пракуратуры Віцебскай вобласьці праверак сьведчаць пра тое, што меры мясцовых органаў улады і сельгаспрадпрыемстваў не прывялі да выкананьня ў поўным аб’ёме мерапрыемстваў Рэспубліканскай праграмы разьвіцьця малочнай галіны ў 2010—2015 гадох і іншых дзяржпраграм па выніках 2013 году.

Апублікавана ў Рознае

Пракуратура Віцебску абвясьціла афіцыйнае папярэджаньне старшыню Віцебскай абласной выбарчай камісіі. На зварот праваабаронцы ў пракуратуру правялі праверку і выявілі факт парушэньня заканадаўства аб выбарах з боку старшыні Віцебскай абласной выбарчай камісіі Хомы Д.Л., «у сувязі з чым апошняму было абвешчанае папярэджаньне пра недапушчальнасьць парушэньня закону». Сам жа Павал Левінаў акрэдытаваўся ў назіральнікі нанова і працягвае сачыць за працай выбарчай камісіі…

Апублікавана ў Выбары

Пракуратура выявіла парушэньні пры распараджэньні дзяржмаёмасьцю ў Віцебскай вобласьці, паведаміла старшы памочнік пракурора Віцебскай вобласьці Натальля Сеўрукова, камэнтуючы вынікі праведзенай праверкі: “Асобныя парушэньні заканадаўства аб распараджэньні нерухомай маёмасьцю сьведчаць пра недастатковы кантроль з боку мясцовых выканкамаў за распараджэньнем камунальнай уласнасьцю”, - сказала Натальля Сеўрукова.

Апублікавана ў Дзяржава

У першых лічбах новага, 2014 году, пракуратурай Віцебску былі вынесеныя афіцыйныя папярэджаньні аб недапушчальнасьці парушэньня заканадаўства намесьнікам кіраўнікоў адміністрацыяў Кастрычніцкага, Першамайскага і Чыгуначнага раёнаў - Анатолю Кандратовічу, Вользе Гурчанка і Натальлі Ляпёшкінай. Такім чынам пракуратура адрэагавала на скаргу праваабаронцы Паўла Левінава.

Апублікавана ў Праваабаронцы

За 9 месяцаў 2013 году на тэрыторыі Віцебскай вобласьці выяўлена 348 карупцыйных злачынстваў, што на 14,1% больш, чымся за аналягічны пэрыяд мінулага году. У структуры карупцыйнай злачыннасьці пераважаюць факты хабарніцтва (183 злачынствы, або 53%), крадзяжы праз злоўжываньне службовымі паўнамоцтвамі (97 злачынстваў, або 28%). Правёўшы каардынацыйную нараду па барацьбе са злачыннасьцю і карупцыяй, пракуратура Віцебскай вобласьці агучыла колькасьць крымінальных спраў, узбуджаных паводле «карупцыйных» артыкулаў.

Апублікавана ў Дзяржава

«Пасьля разьмяшчэньня ў Інтэрнэце асуджэньня разгону ў Кіеве мірнага “Майдану”, пасьля разьмяшчэньня інфармацыі пра тое, што Беларуская кансэрватыўная партыя “Белая Русь” асудзіла разгон ў 2012 годзе мірнай дэманстрацыі на Балотнай плошчы і зьбіраецца далучыцца да міжнароднай ініцыятывы аб правядзеньні Дня памяці ахвяр разгону сьнежня 2010 году ў Менску, пракуратурай Віцебскай вобласьці было вынесенае мне афіцыйнае папярэджаньне за ўдзел у незарэгістраванай арганізацыі», – паведаміў віцебскі палітык Сяргей Рыжоў.

Апублікавана ў Рознае

«Экзэкуцыя доўжылася 4 гадзіны. Увесь гэты час мяне абражалі нецэнзурнай лаянкай. Часам я страчваў прытомнасьць, часта гучна чытаў малітву. Гэта яшчэ больш раздражняла катаў у пагонах, і тады я працягваў чытаньне малітвы моўчкі. Мне дапамагала гэта перанесьці боль. Пасьля 4 гадзін катаваньняў я падпісаў пратакол і яшчэ 4 невядомыя мне дакумэнты», – напісаў у сваёй скарзе Сяргей Рыжоў.

Апублікавана ў Затрыманьні

ААТ «Полацак-Шкловалакно» наведаў Генэральны пракурор Рэспублікі Беларусь Аляксандар Канюк. Мэтай візыту былі сустрэча з працоўным калектывам прадпрыемства і правядзеньне прыёму грамадзян. Абвестка пра прыезд Аляксандра Ўладзімеравіча была вывешаная літаральна за суткі, і на прыём да яго запісалася ўсяго пяцёра завадчан з чатырох з паловай тысяч.

Апублікавана ў Правы працоўных

Генэральная пракуратура паведаміла, што зварот аб непрыняцьці мер па вышуку зьніклага ў 1998 годзе сына, які Ўладзімер Жыгулоў перадаў некалькі месяцаў таму ў рукі галоўнага інспэктара па Віцебскай вобласьці Мікалая Дамашкевіча, будзе накіраваны ў пракуратуру Віцебскай вобласьці для праверкі выкладзеных у ім довадаў.

Апублікавана ў Рознае

Віцебская абласная пракуратура адмовіла актывісту Сяргею Рыжову (на фота) ва ўзбуджэньні крымінальнай справы на падставе яго заявы пра факты ціску на лекара Ігара Пастнова, зьмешчанага на прымусовае псыхіятрычнае лячэньне. Рыжоў падаў скаргу ў пракуратуру Віцебскай вобласьці 16 верасьня, патрабуючы прыцягнуць да крымінальнай адказнасьці дзевяць чалавек, у тым ліку кіраўніцтва абласнога клінічнага цэнтру псыхіятрыі і наркалёгіі, судзьдзю суду Віцебскага раёну Тацьцяну Дзегцярову і старшыню Віцебскага абласнога выканаўчага камітэту Аляксандра Косінца.

Апублікавана ў Карная псыхіятрыя